ପଲିଥିନ ଖଣ୍ଡେ ପାଇଁ ତହସିଲଦାରଙ୍କୁ ଘେରାଉ: ବନ୍ୟା ବିପନ୍ନଙ୍କ ହୋହାଲ୍ଲା, ରିଲିଫ୍ ଦାବି
ନନ୍ଦିଘୋଷ ବ୍ୟୁରୋ; ପଲିଥିନ ଖଣ୍ଡେ ପାଇଁ ତହସିଲଦାରଙ୍କୁ ଘେରାଉ । ହଙ୍ଗାମା କରୁଛନ୍ତି ମହିଳା। କେତେ ଦିନ ହେଲାଣି ବନ୍ୟା ଭିତରେ ରହିଥିଲେ ମଧ୍ୟ ଏଯାଏ ପ୍ରଶାସନ ନା ରିଲିଫ ଦେଇଛି ନା ପଲିଥିନ ଖଣ୍ଡିଏ। ଶେଷରେ ତାତିଛନ୍ତି ଭଦ୍ରକ ବାସୁଦେବପୁର ଅଞ୍ଚଳର ଲୋକେ। ତହସିଲ ଅଫିସ ଘେରାଉ କରିଛନ୍ତି। ଜଗନ୍ନାଥପୁର ପଞ୍ଚାୟତର ଲୋକେ କହିଛନ୍ତି, ମାସ ମାସ ଧରି ବନ୍ୟା ପାଣିରେ ରହିବାରୁ ମାଟି ଘରର କାନ୍ଥ ଭାଙ୍ଗିଗଲା। ରହିବାକୁ ଘର ନାହିଁ। କିନ୍ତୁ ପ୍ରଶାସନ ପଲିଥିନ ଖଣ୍ଡେ ଦେଇନି। ଯେଉଁଟା ଦେଇଛି, ତାହା ଫାଟି ଯାଇଛି, ବହୁତ ଛୋଟ ବି । କୌଣସି କାମରେ ଆସିବ ନାହିଁ। ପ୍ରତିବାଦରେ ସେମାନେ ତହସିଲଦାରଙ୍କୁ ଘେରିଛନ୍ତି। ବାସୁଦେବପୁର ବ୍ଲକର ଗମେଇ ଓ ମନ୍ତେଇ ନଦୀର ପାଣି ସୁଦର୍ଶନପୁର, ବରଣ୍ଡୁଆ ଓ ଚୂଡାମଣୀ ଅଞ୍ଚଳର ହଲରୀ ମାରୁଛି। ତେଣୁ ଲୋକେ ରିଲିଫ ଓ ପଲିଥିନ ପାଇଁ ହୋହାଲ୍ଲା କରୁଛନ୍ତି। ତହସିଲଦାର କହୁଛନ୍ତି ବନ୍ୟା ପାଣିରେ ଭିତରକୁ ଯାଇ ସର୍ଭେ କରି ହେଉନାହିଁ । ବନ୍ୟା ପାଣି କମିଲେ ସର୍ଭେ କରି ପ୍ରକୃତ ହିତାଧିକାରୀଙ୍କୁ ବଡ ପଲିଥିନ ଯୋଗାଇ ଦେବୁ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
Odisha Press & Media
/sambad/media/media_files/2026/08/13/puri-beach-2026-08-13-00-02-04.jpg)
/sambad/media/media_files/2026/08/10/adgdagadggd-2026-08-10-01-17-24.jpg)
/sambad/media/media_files/2026/08/10/elephant-2026-08-10-01-13-06.jpg)
