ଦୀପାବଳିରେ ବିଷାକ୍ତ ହେଲା ଦିଲ୍ଲୀର ବାୟୁ
ନନ୍ଦିଘୋଷ ବ୍ୟୁରୋ: ଦୀପାବଳିରେ ବିଷାକ୍ତ ହେଲା ଦିଲ୍ଲୀର ବାୟୁ। ଧୂଆଁର ଚାଦର ତଳେ ରାଜଧାନୀ, ବିପଦରେ ଲକ୍ଷ ଲକ୍ଷ ଲୋକଙ୍କ ସ୍ୱାସ୍ଥ୍ୟ । ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ ବା AQI ୩୭୬ ରେକର୍ଡ ହୋଇଥିବା ରିପୋର୍ଟ ଆସିଛି। କେତେକ ସ୍ଥାନରେ ଏହା ୪୦୦ ଅତିକ୍ରମ କରିଥିବା କୁହାଯାଉଛି। ଏହି ସଂଖ୍ୟା କେବଳ ଏକ ତଥ୍ୟ ନୁହେଁ, ବରଂ ଦିଲ୍ଲୀବାସୀଙ୍କ ପାଇଁ ଏକ ବଡ଼ ସତର୍କ ସଙ୍କେତ। ଆଲୋକର ପର୍ବ ଦୀପାବଳି ପାଳନ ଯୋଗୁ ଦିଲ୍ଲୀରେ ପ୍ରଦୂଷିତ ହେଲା ବାୟୁ। ଗ୍ରୀନ କ୍ରାକର ଲାଗି ସୁପ୍ରିମକୋର୍ଟଙ୍କ ନିର୍ଦ୍ଦେଶ ସତ୍ତ୍ବେ ଦିଲ୍ଲୀରେ ଫୁଟିଛି ବାଣ। ଆଲୋକର ପର୍ବ ମଧ୍ୟରେ ଦେଶର ରାଜଧାନୀ ଦିଲ୍ଲୀ ପାଇଁ ଏବେ ଚିନ୍ତାର କାରଣ ପାଲଟିଛି ବିଷାକ୍ତ ବାୟୁ। ଦୀପାବଳିରେ ଦିଲ୍ଲୀର ବାୟୁମଣ୍ଡଳରେ ବଢ଼ିଛି ପ୍ରଦୂଷଣର ମାତ୍ରା। ଆକାଶରେ ଧୂଆଁର ଘନ ଆସ୍ତରଣ ସୃଷ୍ଟି ହୋଇଛି। ରାସ୍ତାଘାଟରୁ ଆରମ୍ଭ କରି ଉଚ୍ଚ ଅଟ୍ଟାଳିକା ପର୍ଯ୍ୟନ୍ତ ସବୁକିଛି କୁହୁଡ଼ି ଓ ଧୂଆଁର ଚାଦର ଭିତରେ ଲୁଚି ଯାଇଥିବା ଭଳି ଦେଖାଯାଉଛି। ସବୁଠାରୁ ଚିନ୍ତାଜନକ କଥା ହେଉଛି, ଦୀପାବଳିର ଖୁସି ମଧ୍ୟରେ ଲୋକଙ୍କ ନିଶ୍ୱାସ ପ୍ରଶ୍ବାସ ମଧ୍ୟ କଷ୍ଟକର ହୋଇପଡ଼ିଛି। ଏକ୍ୟୁଆଇ ୦ରୁ ୫୦ ହେଲେ ତାହାକୁ ଉତ୍ତମ କୁହାଯାଏ । ୫୧ରୁ ୧୦୦ ହେଲେ ସନ୍ତୋଷଜନକ, ୧୦୧ରୁ ୨୦୦ ହେଲେ ମଧ୍ୟମ, ୨୦୧ରୁ ୩୦୦ ହେଲେ ଖରାପ, ୩୦୧ରୁ ୪୦୦ ହେଲେ ଅତି ଖରାପ ଓ ୪୦୧ରୁ ୫୦୦ ହେଲେ ଅତି ଗୁରୁତର ବୋଲି ଧରାଯାଏ ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
Odisha Press & Media
Learn Data Science & Analytics at IAIAC.IN
Learn in-demand data skills with hands-on projects and mentor support.
