ଗାଁ ଦାଣ୍ଡରେ ବୁଲିଲା ଖଣ୍ଡା

ନନ୍ଦିଘୋଷ ବ୍ୟୁରୋ :ଗାଁ ଦାଣ୍ଡରେ ବୁଲିଲା ଖଣ୍ଡା । ଆକ୍ରମଣରେ ୩ରୁ ଉର୍ଦ୍ଧ୍ୱ ଆହତ । ମଦ୍ୟପ ଯୁବକଙ୍କ ଉନ୍ମତ୍ତ କାଣ୍ଡ ନେଇ ଥାନାରେ ଅଭିଯୋଗ କଲେ ଗ୍ରାମବାସୀ। ସାମାନ୍ୟ ବଚସାକୁ କେନ୍ଦ୍ର କରି ଗାଁ ଦାଣ୍ଡରେ ଖଣ୍ଡା ବୁଲାଇବା ସହ ଲୋକଙ୍କୁ ଆକ୍ରମଣ କରିଥିବା ଅଭିଯୋଗ । ଅତ୍ୟଧିକ ମଦ୍ୟପାନ କରି ଜଣେ ଯୁବକ ହାତରେ ମାରଣାସ୍ତ୍ର ଧରି ଗ୍ରାମରେ ଆତଙ୍କ ସୃଷ୍ଟି କରିବା ସହ ୩ରୁ ଉର୍ଦ୍ଧ୍ୱ ଲୋକଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ନିମାପଡ଼ା ଥାନା ଅଧୀନ ସଗଡ଼ା ପଞ୍ଚାୟତର ଆଙ୍କୁଶପୁର ଗ୍ରାମର ଅମୂଲ୍ୟ ପ୍ରଧାନ ହାତରେ ଖଣ୍ଡା ଧରି ଗାଁରେ ଆତଙ୍କ ସୃଷ୍ଟି କରିଥିବା ଅଭିଯୋଗ ହୋଇଛି ।

ଅଜୟ କୁମାର ସ୍ୱାଇଁଙ୍କ ଦୋକାନକୁ ଯାଇ କିଛି ଜିନିଷ ମାଗିଥିଲେ ଅମୁଲ୍ଯ । ଅଜୟ ଏଥିରେ ମନା କରିବାରୁ ଅମୂଲ୍ୟ ହଠାତ୍ ଉତ୍ତ୍ୟକ୍ତ ହୋଇ ତାଙ୍କୁ ଗାଳିଗୁଲଜ କରିବା ସହ ଆକ୍ରମଣ କରିଥିଲେ ।ଘଟଣାସ୍ଥଳରେ ଥିବା ଦୁଇଜଣ ବରିଷ୍ଠ ନାଗରିକ ଗଦାଧର ବେହେରା ଓ ପଦ୍ମନାଭ ପ୍ରଧାନ ବୁଝାସୁଝା କରି ପରିସ୍ଥିତି ଶାନ୍ତ କରିବାକୁ ଉଦ୍ୟମ କରିଥିଲେ । କିନ୍ତୁ ଯୁବକ ଜଣକ ସେମାନଙ୍କୁ ମଧ୍ୟ ମାରଣାନ୍ତକ ଆକ୍ରମଣ କରିଥିଲେ । ଆକ୍ରମଣରେ ଆହତ ସମସ୍ତଙ୍କୁ ଚିକିତ୍ସା ପାଇଁ ନିମାପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ କରୁଛି ।….