ଆସିବ ଡିଜିଟାଲ ପ୍ରେସ୍କ୍ରିପସନ୍ ଆପ୍

Aug 24, 2026 - 15:00

ନନ୍ଦିଘୋଷ ବ୍ୟୁରୋ : ଅଯଥା ଆଣ୍ଟିବାୟୋଟିକ୍ ବ୍ୟବହାର ଉପରେ ରୋକ୍ ଲଗାଇବାକୁ ଖୁବଶୀଘ୍ର ଆସିବ ଡିଜିଟାଲ ପ୍ରେସ୍କ୍ରିପସନ୍ ଆପ୍। ABDM ବା ଆୟୁଷ୍ମାନ ଭାରତ ଡିଜିଟାଲ ମିଶନ ଅଧୀନରେ ଆରୋଗ୍ୟ ସେତୁ 2.0 ଆପ୍ ଲଞ୍ଚ ହେବାକୁ ଥିବା ବେଳେ, ଏହା ମାଧ୍ୟମରେ ଡିଜିଟାଲ ଭାବେ ପ୍ରେସ୍କ୍ରିପସନ୍ ସୁରକ୍ଷିତ ରଖିବାର ସୁବିଧା ମିଳିବ।

ସ୍କାନ୍ ଆଣ୍ଡ୍ ଶେୟାର ଡିଜିଟାଲ ଲକରରେ ରୋଗୀଙ୍କ ପ୍ରେସ୍କ୍ରିପସନ୍ ସୁରକ୍ଷିତ ଭାବେ ରହିପାରିବ। ଡିଜିଟାଲ ଯୁଗରେ ଟେକ୍ନୋଲୋଜିର ବ୍ୟବହାର ଉପରେ ସରକାର ଗୁରୁତ୍ୱ ଦେଉଥିବା ସ୍ୱାସ୍ଥ୍ୟମନ୍ତ୍ରୀ କହିଛନ୍ତି। ବିଶେଷକରି ଆବଶ୍ୟକତା ନଥାଇ ଆଣ୍ଟିବାୟୋଟିକ୍ ସେବନ ଉପରେ ନଜର ରଖିବାକୁ ସରକାର ବ୍ୟାପକ ପଦକ୍ଷେପ ନେବାକୁ ଯାଉଛନ୍ତି। ଜଣେ ବ୍ୟକ୍ତି କେତେ ଥର ଓ କେତେ ପରିମାଣର ଆଣ୍ଟିବାୟୋଟିକ୍ ସେବନ କରୁଛନ୍ତି, ଡିଜିଟାଲ ପ୍ରେସ୍କ୍ରିପସନ୍ ମାଧ୍ୟମରେ ତାହାର ରେକର୍ଡ ରଖାଯାଇପାରିବ। ଏହା ଦ୍ୱାରା ଅଯଥା ଆଣ୍ଟିବାୟୋଟିକ୍ ବ୍ୟବହାରକୁ ନିୟନ୍ତ୍ରଣ କରିବା ସହ ଆଣ୍ଟିମାଇକ୍ରୋବିଆଲ୍ ରେଜିଷ୍ଟାନ୍ସ ରୋକିବାରେ ସହାୟତା ମିଳିବ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।