ଆଳୁ ଚାଷରେ ଆୟ, ଶୀତଳ ଭଣ୍ଡାର ଅଭାବରୁ ଚିନ୍ତାରେ ଚାଷୀ

Sep 25, 2026 - 18:00

ଆଳୁ ଚାଷରେ ଆୟ, ଶୀତଳ ଭଣ୍ଡାର ଅଭାବରୁ ଚିନ୍ତାରେ ଚାଷୀ

ନନ୍ଦିଘୋଷ ବ୍ୟୁରୋ : ଆୟ ଦେଇଛି ଆଳୁ ଚାଷ । କ୍ଷେତରେ ଲହଡ଼ି ଭାଙ୍ଗୁଛି ଆଳୁ ଗଛ। ଧାଡ଼ିଧାଡ଼ି ହୋଇ ଲାଗିଛି ଗଛ। କୋରାପୁଟ ପଟାଙ୍ଗି ବ୍ଲକ ଦେଓପଟାଙ୍ଗି ପଞ୍ଚାୟତର ଏ ଦୃଶ୍ୟ। ପଟାଙ୍ଗି ବ୍ଲକରେ ବହୁ ପରିମାଣରେ ଆଳୁ ଚାଷ କରାଯାଉଥିବା ବେଳେ ଏହା ଚାଷୀଙ୍କ ପାଇଁ ଏକ ବିକଳ୍ପ ଆୟର ମାଧ୍ୟମ ପାଲଟିଛି। ଚାଷ ପାଇଁ ଜମି ପ୍ରସ୍ତୁତି ଠାରୁ ଆରମ୍ଭ କରି ବିହନ, ସାର, ଜଳସେଚନ ଓ ଫସଲର ଯତ୍ନ ପର୍ଯ୍ୟନ୍ତ ଚାଷୀଙ୍କୁ କରିବାକୁ ପଡ଼ୁଛି ଅନେକ ପରିଶ୍ରମ। ହେଲେ ପରିଶ୍ରମ ଅନୁଯାୟୀ ମିଳୁନି ପାରିଶ୍ରମିକ। ଅଞ୍ଚଳରେ ଆଳୁ ଚାଷ ବହୁ ପରିମାଣରେ କରାଯାଉଥିଲେ ସୁଦ୍ଧା ସଂରକ୍ଷଣ କରି ରଖିବା ପାଇଁ ଶୀତଳ ଭଣ୍ଡାର ନାହିଁ। ଫଳରେ କମ ଦରରେ ଆଳୁ ବିକ୍ରି କରୁଛନ୍ତି ଚାଷୀ। ଭଲ ଅମଳ ହେଉଥିଲେ ମଧ୍ୟ ଉଚିତ ଦରରେ ବିକ୍ରି କରିବା ଚାଷୀଙ୍କ ପାଇଁ ବଡ଼ ଚ୍ୟାଲେଞ୍ଜ ହୋଇଛି। ତେଣୁ ବଜାର, ଉଚିତ ଦର ଓ ସଂରକ୍ଷଣ ବ୍ୟବସ୍ଥା ମିଳିଲେ ଆୟ ବଢ଼ାଇବାରେ ଆହୁରି ସହାୟକ ହୋଇପାରନ୍ତା ବୋଲି ଚାଷୀ କହିଛନ୍ତି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।