ହଜିଗଲା ମଣିଷ ପଣିଆ

ଚିଲିକା  : ମରିଗଲା ମାନବିକତା । ହଜିଗଲା ମଣିଷ ପଣିଆ। ଯକ୍ଷ୍ମା ରୋଗ ବାହାରିଲା ବୋଲି ନିରାଶ୍ରୟ ବିଧବା ମହିଳାଙ୍କୁ ସ୍ୱାସ୍ଥ୍ୟ କେନ୍ଦ୍ର ବାରଣ୍ଡାରେ  ଶୁଆଇ ଦେଇ ଚାଲିଗଲେ ସ୍ୱାସ୍ଥ୍ୟକର୍ମୀ।  ଏଭଳି ଚିତ୍ର ଆପଣଙ୍କ ଛାତିକୁ କେବଳ ବିଦାରି ଦେବ ତାହା ନୁହେଁ, ସ୍ୱାସ୍ଥ୍ୟ ବିଭାଗର ସେବା ପ୍ରତି ଆଙ୍ଗୁଳି ନିର୍ଦେଶ କରିବ ନିଶ୍ଚିତ।  ଅନ୍ଧାର ରାତିରେ ବିଧବା ମାର କୋହଭରା କ୍ରନ୍ଦନ। ଖୋର୍ଦ୍ଧା ଜିଲ୍ଲା  ଚିଲିକା ନିର୍ବାଚନ  ମଣ୍ଡଳୀର ଜରିପଡା ସ୍ୱାସ୍ଥ୍ୟ କେନ୍ଦ୍ର ଠାରେ ଦେଖିବାକୁ ମିଳିଛି ଏଭଳି ହୃଦୟବିଦାରକ ଦୃଶ୍ୟ  । ଚିଲିକା ବ୍ଲକ ଜରିପଡା ଗ୍ରାମ ପଂଚାୟତର ଲୋଭ ବେହେରା । ସ୍ବାମୀ ମୃତ୍ୟୁ ପରେ ବେସାହାରା ହୋଇପଡିଥିବାବେଳେ ସମ୍ପର୍କୀୟ ଖାଇବା ପିଇବା କଥା ବୁଜୁଥିଲେ। ତେବେ ଲୋଭାଙ୍କର  ହଠାତ ଦେହ ଖରାପ ହେବାରୁ  ସମ୍ପର୍କୀୟ ତାଙ୍କୁ ମେଡିକାଲର ନେଇ ଚିକିତ୍ସା କରିଥିଲେ,, ହେଲେ ଫଳ କିଛି ମିଳିନଥିଲା। ପରେ ରକ୍ତ ନମୁନାରୁ ତାଙ୍କୁ  ଯକ୍ଷ୍ମା ହୋଇଥିବା  ଜଣା ପଡ଼ିଥିଲା। ଲୋଭାଙ୍କୁ ଯକ୍ଷ୍ମା ରୋଗ ଚିହ୍ନଟ ପରେ ଚାନ୍ଦପୁର ମେଡିକାଲ ପକ୍ଷରୁ ତାଙ୍କୁ ଡିସ୍ଚାର୍ଜ କରି ଦିଆଗଲା। ପରେ ପୁନର୍ବାର   ଜରିପଡା  ପ୍ରାଥମିକ ଚିକିତ୍ସାଳୟର  ଦ୍ୱାରସ୍ଥ ହେବାରୁ ତାଙ୍କୁ ମେଡିକାଲ କର୍ମଚାରୀ ଚିକିତ୍ସା କରିବା ତ ଦୂରର କଥା ଅନ୍ଧାରରେ ମେଡିକାଲ ବାରଣ୍ଡା ରେ ଶୁଆଇ ଚାଲିଗଲେ। ଯାହା ସ୍ବାସ୍ଥ୍ୟ ସେବାର ଅବହେଳାକୁ ପଦାରେ ପକାଇଛି…।