ସୁନ୍ଦରଗଡ଼, ଫୁଲବାଣୀ ସମେତ ୭୦ ମେଡିକାଲ କଲେଜକୁ ଏନଏମସିର ନୋଟିସ୍, ସିସିଟିଭି ନ ଲାଗିଲେ ମିଳିବନି ଅନୁମତି

ନନ୍ଦିଘୋଷ ବ୍ୟୁରୋ: ସୁନ୍ଦରଗଡ଼, ଫୁଲବାଣୀ ମେଡିକାଲ କଲେଜକୁ ଜାତୀୟ ମେଡିକାଲ କମିଶନ (ଏନଏମସି)ଙ୍କ ନୋଟିସ । ଏହି ଦୁଇ ମେଡିକାଲ ସମେତ ଭାରତର ୭୦ ମେଡିକାଲ କଲେଜକୁ ଜାରି କରାଯାଇଛି ନୋଟିସ୍ । ସିସିଟିଭି ନ ଲଗାଇଲେ ଅନୁମତି ମିଳିବନି ବୋଲି ଏଥିରେ ରହିଛି ଉଲ୍ଲେଖ ।

ତେବେ ସୁନ୍ଦରଗଡ଼ ଓ ଫୁଲବାଣୀ ମେଡିକାଲ କଲେଜରେ ସିସିଟିଭି ରହିଥିବା କହିଛନ୍ତି ଡିଏମଇଟି । ବିନା ସିସିଟିଭିରେ କଲେଜ ଚଲାଇବାକୁ ଅନୁମତି ଦିଏନି ଏନଏମସି । ସିସିଟିଭି ନ ଥିଲା ତ ସୁନ୍ଦରଗଡ଼ ଓ ଫୁଲବାଣୀ ମେଡିକାଲ କଲେଜକୁ କେମିତି ଅନୁମତି ମିଳିଲା ବୋଲି ପ୍ରଶ୍ନ ଉଠିଛି । କେବଳ ଘରୋଇ କମ୍ପାନୀର ନେଟୱର୍କ ବ୍ୟବହାର ହୋଇଥିବାରୁ ଏନଏମସି ଦ୍ଵନ୍ଦ୍ବରେ ପଡିଛି । ଏହି ଦୁଇ କଲେଜ ତୁରନ୍ତ BSNL ନେଟୱର୍କ ନେବେ ।

ଭାରତର ୭୦ ମେଡିକାଲ କଲେଜକୁ ଏନଏମସି ସିସିଟିଭି ସଂଯୋଗ କରିବା ପାଇଁ କଡ଼ା ନିର୍ଦ୍ଦେଶ ଦେଇଛି । କେନ୍ଦ୍ରୀୟ ମନିଟରିଂ ବ୍ୟବସ୍ଥା ସହ ସମସ୍ତ ମେଡିକାଲ କଲେଜ ସଂଯୁକ୍ତ ରହିବାକୁ ନିର୍ଦ୍ଦେଶନାମାରେ କୁହାଯାଇଛି । ୭୦ ମେଡିକାଲ କଲେଜ ମଧ୍ୟରେ ସୁନ୍ଦରଗଡ଼ ଓ ଫୁଲବାଣୀ ମେଡିକାଲ କଲେଜକୁ ଏନଏମସି ପକ୍ଷରୁ ଏନେଇ ନୋଟିସ୍ କରାଯାଇଛି । ଏନଏମସିର UGSAR -୨୦୨୩, PGMSR -୨୦୨୩ ଓ ମେଡିକାଲ ଆସେସମେଣ୍ଟ ଆଣ୍ଡ ରେଟିଂ ବୋର୍ଡ ନିୟମାବଳୀ ୨୦୨୩ ଅନୁଯାୟୀ ସବୁ ମେଡିକାଲ କଲେଜରେ ୨୫ଟି ଲେଖାଏଁ ସିସିଟିଭି କ୍ୟାମେରା ଲଗାଇବେ ।