ଶୁଣିଲାନି ପ୍ରଶାସନ। ଚାଷ ଜମିକୁ ଜଳସେଚନ ପାଇଁ ଅଣ୍ଟା ଭିଡ଼ିଲେ ଗ୍ରାମବାସୀ

Sep 20, 2026 - 18:17

ନନ୍ଦିଘୋଷ ବ୍ୟୁରୋ : ଶୁଣିଲାନି ପ୍ରଶାସନ। ଚାଷ ଜମିକୁ ଜଳସେଚନ ପାଇଁ ଅଣ୍ଟା ଭିଡ଼ିଲେ ଗ୍ରାମବାସୀ । ନିଜସ୍ବ ଉଦ୍ୟମରେ କେନାଲ କାନ୍ଥ ତିଆରି କରୁଛନ୍ତି ଗ୍ରାମବାସୀ। ରାୟଗଡା ଜିଲ୍ଲା ଗୁଣୁପୁର ବ୍ଲକ ଗାଁ ନିକଟ ପାହାଡ଼ରେ ରହିଛି ଜାଡୁର୍ ଝରଣା। ଏହି ଝରଣା ପାଣିକୁ କେନାଲ ମାଧ୍ୟମରେ ଚାଷଜମିକୁ ଜଳସେଚନ ପାଇଁ ଦୀର୍ଘଦିନରୁ ଦାବି କରିଆସୁଥିଲେ ଗ୍ରାମବାସୀ । ଏଥିପାଇଁ ସରପଞ୍ଚଙ୍କଠାରୁ ଆରମ୍ଭ କରି ବ୍ଲକ ପ୍ରଶାସନକୁ ଜଣାଇଥିଲେ ମଧ୍ୟ ଫଳ ଶୂନ ।ଫଳରେ ବାଧ୍ୟ ହୋଇ ଗାଁ ଲୋକେ ଏକାଠି ହୋଇ ଶ୍ରମଦାନ କରିବା ସହ ନିଜସ୍ବ ଅର୍ଥରେ କେନାଲ କାନ୍ଥ ତିଆରି କରୁଛନ୍ତି। ବାଲି ଓ ସିମେଣ୍ଟରେ କାନ୍ଥ ନିର୍ମାଣ କରୁଛନ୍ତି। ଗ୍ରାମବାସୀଙ୍କ ଉଦ୍ୟମରେ ଏପର୍ଯ୍ୟନ୍ତ ପ୍ରାୟ ୩୦ ଫୁଟ ଲମ୍ବର କାନ୍ଥ ନିର୍ମାଣ ହୋଇସାରିଛି। ସେପଟେ ବର୍ଷାର ଅଭାବ ଦେଖାଦେଇଥିବାରୁ ଚାଷଜମିର ଅବସ୍ଥା ଚିନ୍ତାଜନକ ହୋଇପଡ଼ିଛି। ଅନେକ ଜମି ଫାଟିଯାଇଥିବା ବେଳେ ଫସଲର ରଙ୍ଗ ମଧ୍ୟ ପରିବର୍ତ୍ତନ ହୋଇଯାଇଛି। ଆଉ କିଛିଦିନ ମଧ୍ୟରେ ଜମିକୁ ପାଣି ନମିଳିଲେ ଚାଷୀଙ୍କ ପରିଶ୍ରମ ଓ ଖର୍ଚ୍ଚ ବ୍ୟର୍ଥ ଯିବାର ଆଶଙ୍କା ରହିଛି। ଏଭଳି ସମୟରେ ଗ୍ରାମବାସୀ ନିଜ ଉଦ୍ୟମରେ କେନାଲ କାନ୍ଥ ନିର୍ମାଣ କରି ଝରଣା ପାଣିକୁ ଚାଷଜମିକୁ ନେବାର ପ୍ରୟାସ କରିଛନ୍ତି ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।