ରାସ୍ତା କଡରେ ହୁତୁହୁତୁ ହୋଇ ଜଳିଗଲା ବସ ; ଡ୍ରାଇଭରଙ୍କ ଉପସ୍ଥିତ ବୁଦ୍ଧି ଯୋଗୁଁ ଅଳ୍ପକେ ବର୍ତ୍ତିଲେ ୪୫ ଯାତ୍ରୀ
ନନ୍ଦିଘୋଷ ବ୍ୟୁରୋ : ରାସ୍ତା କଡରେ ହୁତୁହୁତୁ ହୋଇ ଜଳିଗଲା ବସ। ଡ୍ରାଇଭରଙ୍କ ଉପସ୍ଥିତ ବୁଦ୍ଧି ଯୋଗୁଁ ଅଳ୍ପକେ ବର୍ତ୍ତିଲେ ୪୫ ଯାତ୍ରୀ। ବିଳମ୍ବିତ ରାତିରେ ଅନୁଗୁଳ ଜିଲ୍ଲା ପାଲଲହଡା ଖେମଳା ଗ୍ରାମ ନିକଟରେ ଜଳିଗଲା ବସ। ‘ଶ୍ରୀ ମାଆ’ ନାମକ ଏକ ଯାତ୍ରୀବାହୀ ବସଟି ରାଉରକେଲା ରୁ ପାରାଦ୍ୱୀପ ଯାଉଥିବା ବେଳେ ଅଚାନକ ନିଆଁ ଲାଗିଯାଇଥିଲା। ବସ ଚାଳକଙ୍କ ଉପସ୍ଥିତ ବୁଦ୍ଧି ପାଇଁ ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡିଛି। ବସର ସାମ୍ନା ପଟୁ ନିଆଁ ଲାଗିବା କ୍ଷଣି ବସ ଚାଳକ ଗାଡିକୁ ରାସ୍ତା କଡ଼ରେ ଅଟକାଇ ସମସ୍ତ ଯାତ୍ରୀଙ୍କୁ ବସ ମଧ୍ୟରୁ ବାହାରକୁ ବାହାର କରିଦେଇଥିଲେ ଯାହାଫଳରେ ଏକ ବଡ ଦୃଘଟଣାକୁ ଏଡାଇ ଦିଆଯାଇପାରିଛି I ବସଟି ସମ୍ପୂର୍ଣ ଜଳିଯାଇଥିବାବେଳେ, ପାଲଲହଡା ଅଗ୍ନିଶମ ବିଭାଗ ନିଆଁକୁ ଆୟତ୍ତ କରିଥିଲେ I ଖମାର ପୋଲିସ ଘଟଣIସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି I ନିଆଁ ଲାଗିବାର ପ୍ରକୃତ କାରଣ ଏବେ ସୁଦ୍ଧା ଅସ୍ପଷ୍ଟ ରହିଛି।
