ମା’ ଗଜଲକ୍ଷ୍ମୀଙ୍କ ଆଗମନରେ ଝଲସୁଛି ହିନ୍ଦୋଳ, ୨୦ରୁ ଅଧିକ ମଣ୍ଡପରେ ପୂଜାର୍ଚ୍ଚନା
ନନ୍ଦିଘୋଷ ବିୁରୋ: ସୁଉଚ୍ଚ ତୋରଣ ଓ ନାଲିନେଳି ଆଲୋକମାଳରେ ଝଲସୁଛି ରାସ୍ତାଘାଟ । ଧରାପୃଷ୍ଠରେ ଚାଲିଛି ଧନଦାତ୍ରୀଙ୍କ ଆରାଧନା । ଘଣ୍ଟଘଣ୍ଟା ସାଙ୍ଗକୁ ମନ୍ତ୍ରଧ୍ଵନିରେ ମୁଖରିତ ହେଉଛି ପୂରା ପରିବେଶ । ଗଜଲକ୍ଷ୍ମୀପୂଜା ପାଇଁ ଉତ୍ସବମୁଖର ହୋଇଉଠିଛି ଢେଙ୍କାନାଳ ଜିଲ୍ଲାର ହିନ୍ଦୋଳ ଉପଖଣ୍ଡ । ପ୍ରାୟ ୨୦ରୁ ଉର୍ଦ୍ଧ୍ଵ ପେଣ୍ଡାଲରେ ପୂଜା ପାଉଛନ୍ତି ମାଆ । ଆକର୍ଷଣୀୟ ତୋରଣ ସାଙ୍ଗକୁ ମେଳା ବୁଲିବାକୁ ଲାଗୁଛି ଲୋକଙ୍କ ଭିଡ଼ ।
ଲୋକଙ୍କ ମନୋରଞ୍ଜନ ପାଇଁ ସଂଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ କରାଯାଉଛି । ବିଭିନ୍ନ ପ୍ରକାର ଷ୍ଟଲ ସାଙ୍ଗକୁ ମୀନାବଜାର ପଡ଼ିଛି । ଝିଅବୋହୂ ମାନେ ଘରକରଣା ସାମଗ୍ରୀ କିଣିନେବା ସହ ଚଟପଟା ଖାଦ୍ୟର ମଜା ନେଉଛନ୍ତି । ଛୋଟ ପିଲା ମାନେ ମଧ୍ୟ ଦୋଳି ଖେଳି ଯାତ୍ରାର ମଜା ଉଠାଉଥିବା ଦେଖିବାକୁ ମିଳୁଛି ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
Odisha Press & Media
Learn Data Science & Analytics at IAIAC.IN
Learn in-demand data skills with hands-on projects and mentor support.
