ବୁଦ୍ଧିଆ ଠେକୁଆ

ପିଲାଦିନେ ଏଭଳି ଅନେକ କାହାଣୀ ଆମେ ଶୁଣିଥାଉ ଯାହା ଆମକୁ ପରିବେଶର ଯତ୍ନ ନେବାର ଶିକ୍ଷା ଦେଇଥାଏ । ଏହି ସବୁ କାହାଣୀ ପିଲାମାନଙ୍କୁ ପରିବେଶର ଗୁରୁତ୍ବତା ଓ ଏହାର ଯତ୍ନର ଆବଶ୍ୟକତା ବିଷୟରେ ଅବଗତ କରାଇଥାଏ । ସେହିଭଳି ଏକ କାହାଣୀ ହେଲା ବୁଦ୍ଧିଆ ଠେକୁଆ ।

ଏକ ଘଞ୍ଚ ଓ ସବୁଜିମାରେ ଭରା ଜଙ୍ଗଲରେ ଚିକୁ ନାମକ ଏକ କୁନି ଓ ଚଞ୍ଚଳ ଠେକୁଆ ରହୁଥିଲା, ଯିଏ ସବୁବେଳେ କିଛି ନା କିଛି ନୂଆ ଜିନିଷ ଜାଣିବା ପାଇଁ ଉତ୍ସୁକ ରହୁଥିଲା ଏବଂ ଜଙ୍ଗଲର ସବୁ ପଶୁପକ୍ଷୀ ତା’ର ଦୁଷ୍ଟାମି ଓ ମିଠା କଥାକୁ ଖୁବ୍ ଭଲ ପାଉଥିଲେ । ଦିନେ ସକାଳୁ ଚିକୁ ମିଠା ଗାଜର ସନ୍ଧାନରେ ବୁଲୁ ବୁଲୁ ଏକ ବିରାଟ ବଟବୃକ୍ଷ ମୂଳରେ ଏକ ଚମକୁଥିବା ସୁନେଲି ରଙ୍ଗର ଚାବି ପାଇଲା । ସେହି ଚାବିଟିକୁ ନେଇ ସେ ସାରା ଜଙ୍ଗଲରେ ବୁଲି ସମସ୍ତଙ୍କୁ ପଚାରିଲା ଯେ ଏହା କେଉଁ ତାଲାର ଚାବି ହୋଇପାରେ, ହେଲେ କେହି ବି ଏହାର ରହସ୍ୟ ଜାଣିପାରିଲେ ନାହିଁ । ଶେଷରେ ଜଙ୍ଗଲର ସବୁଠାରୁ ବୁଦ୍ଧିମାନ ବୁଢ଼ା ଭାଲୁ ମିଠୁ ଭାଇ ଚିକୁକୁ କହିଲେ ଯେ, ଜଙ୍ଗଲର ସେପାରିରେ ଥିବା ରହସ୍ୟମୟ ପାହାଡ଼ ଉପରେ ଏକ ପୁରୁଣା ପଥରର ବାକ୍ସ ଅଛି, ବୋଧହୁଏ ଏହା ସେହି ବାକ୍ସର ଚାବି ହୋଇଥାଇପାରେ । ଚିକୁ ବିନା କୌଣସି ଭୟରେ ସେହିକ୍ଷଣି ପାହାଡ଼ ଆଡ଼କୁ ଯାତ୍ରା ଆରମ୍ଭ କଲା ଏବଂ ବାଟରେ ତାକୁ ନଦୀ ପାର ହେବାରେ ଗୋଟିଏ ବେଙ୍ଗ ସାହାଯ୍ୟ କଲା । ଘଞ୍ଚ ବଣରେ ବାଟ ଦେଖାଇବାରେ ଏକ କୁନି ଚଢ଼େଇ ସହଯୋଗ କଲା, ଯାହାଫଳରେ ଚିକୁ ଶେଷରେ ସେହି ପାହାଡ଼ ଚୂଡ଼ାରେ ପହଞ୍ଚିଗଲା । ସେଠାରେ ସତକୁ ସତ ସେହି ପଥର ବାକ୍ସଟି ରହିଥିଲା ଏବଂ ଚିକୁ ଯେତେବେଳେ ଧୀରେ କରି ସୁନେଲି ଚାବିଟିକୁ ତାଲା ଭିତରେ ପୂରାଇ ବୁଲାଇଲା । ବାକ୍ସଟି ଏକ ସୁନ୍ଦର ସଙ୍ଗୀତ ସହିତ ଖୋଲିଗଲା, କିନ୍ତୁ ଆଶ୍ଚର୍ଯ୍ୟର କଥା ହେଉଛି ସେହି ବାକ୍ସ ଭିତରେ କୌଣସି ହୀରା, ନୀଳା କିମ୍ବା ସୁନା ନଥିଲା, ବରଂ ସେଥିରେ ଅନେକ ପ୍ରକାରର ସୁଆଦିଆ ଫଳ ଏବଂ ସୁନ୍ଦର ଫୁଲର ମଞ୍ଜି ରହିଥିଲା । ଯାହା ସହିତ ଏକ କାଗଜରେ ଲେଖାଥିଲା ଯେ ‘ଏହି ମଞ୍ଜିଗୁଡ଼ିକୁ ଯିଏ ନିଜ ଜଙ୍ଗଲରେ ବୁଣିବ, ସେଠାରେ କେବେ ବି ଖାଦ୍ୟର ଅଭାବ ହେବନାହିଁ’ । ଚିକୁ ସେହି ମଞ୍ଜିଗୁଡ଼ିକୁ ନେଇ ନିଜ ଜଙ୍ଗଲକୁ ଫେରିଆସିଲା ଏବଂ ସବୁ ସାଙ୍ଗମାନଙ୍କ ସହ ମିଶି ସାରା ଜଙ୍ଗଲରେ ବୁଣିଦେଲା। ଯାହାଫଳରେ କିଛି ଦିନ ମଧ୍ୟରେ ସାରା ଜଙ୍ଗଲ ରଙ୍ଗବେରଙ୍ଗର ଫୁଲ ଓ ମିଠା ଫଳରେ ଭରିଗଲା । ଚିକୁ ବୁଝିପାରିଲା ଯେ ପ୍ରକୃତ ସମ୍ପତ୍ତି ଟଙ୍କା ପଇସାରେ ନଥାଏ, ବରଂ ଅନ୍ୟମାନଙ୍କ ସହ ବାଣ୍ଟି ରହିବାରେ ଏବଂ ପ୍ରକୃତିର ସୁରକ୍ଷା କରିବାରେ ହିଁ ପ୍ରକୃତ ସୁଖ ମିଳିଥାଏ ।