ବାପା ହେବା ପରେ ନିଜକୁ ‘ଗେ’ ବୋଲି କହିଲେ ସ୍ୱାମୀ, ତାଜୁବ ହୋଇଗଲେ ସ୍ତ୍ରୀ…
ନୂଆଦିଲ୍ଲୀ, ୨ା୭: ସୋସିଆଲ ମିଡିଆରେ ବେଶ୍ ଭାଇରାଲ ହେଉଥିବା ଏକ ଭିଡିଓ ଏବେ ଚର୍ଚ୍ଚାର ବିଷୟ ପାଲଟିଛି। ଏହି ଭିଡିଓରେ ଜଣେ ମହିଳା ନିଜ ବୈବାହିକ ଜୀବନର ଏକ ଆଶ୍ଚର୍ଯ୍ୟଜନକ କାହାଣୀ ସେୟାର କରିଛନ୍ତି। ମହିଳା ଜଣକ ଦାବି କରିଛନ୍ତି ଯେ, ବିବାହ କରିବା ଏବଂ ପିଲାଟିଏ ହେବା ପରେ ଯାଇ ତାଙ୍କ ସ୍ୱାମୀ ନିଜେ ଜଣେ ‘ଗେ’ (Gay/ସମଲିଙ୍ଗୀ) ବୋଲି ପ୍ରକାଶ କରିଥିଲେ।
‘X’ ପ୍ଲାଟଫର୍ମରେ ପୋଷ୍ଟ କରାଯାଇଥିବା ଏହି ଭିଡିଓ କ୍ଲିପ୍ରେ କୌଣସି କଣ୍ଠସ୍ୱର କିମ୍ବା ବ୍ୟାଖ୍ୟା ନାହିଁ। ବରଂ, ମହିଳାଙ୍କର ଏହି ପୂରା କାହାଣୀଟି ସ୍କ୍ରିନ୍ ଉପରେ ଲେଖା (text) ଆକାରରେ ପ୍ରଦର୍ଶିତ ହେଉଛି।
Woman finds out that her husband is gay after they had a son, and she allows his husband to live with his gay partner in the same house. I sincerely believe women are stronger than men. pic.twitter.com/QOsHvbGzqn
— Lord Immy Kant (@KantInEastt) June 30, 2026
ଭିଡିଓରେ ଦିଆଯାଇଥିବା କାହାଣୀ ଅନୁଯାୟୀ, ଉଭୟ ପ୍ରଥମେ ନିଜ କାର୍ଯ୍ୟକ୍ଷେତ୍ରରେ (Workplace) ପରସ୍ପରକୁ ଭେଟିଥିଲେ। ସେଠାରେ ସେମାନଙ୍କ ମଧ୍ୟରେ ବନ୍ଧୁତା ସୃଷ୍ଟି ହୋଇଥିଲା ଏବଂ ପରେ ତାହା ପ୍ରେମରେ ରୂପାନ୍ତରିତ ହୋଇଥିଲା। ଏହାପରେ ସେମାନେ ବିବାହ କରିବାକୁ ନିଷ୍ପତ୍ତି ନେଇଥିଲେ। ବିବାହ ପରେ ସେମାନଙ୍କର ଏକ ସନ୍ତାନ ମଧ୍ୟ ହୋଇଥିଲା। କିନ୍ତୁ ଏହାପରେ ସ୍ୱାମୀ ନିଜର ପ୍ରକୃତ ପରିଚୟ ପ୍ରକାଶ କରିଥିଲେ, ଯାହା ମହିଳାଙ୍କ ପାଇଁ ବେଶ୍ ଆଶ୍ଚର୍ଯ୍ୟଜନକ ଥିଲା।
