ବାଟ ହୁଡ଼ିଛି ବିକାଶ, ଆଜି ବି ମୌଳିକ ସୁବିଧାରୁ ବଞ୍ଚିତ ତୁଳସୀ ଘାଟିବାସୀ

Sep 24, 2026 - 18:14

ବାଟ ହୁଡ଼ିଛି ବିକାଶ, ଆଜି ବି ମୌଳିକ ସୁବିଧାରୁ ବଞ୍ଚିତ ତୁଳସୀ ଘାଟିବାସୀ

ନନ୍ଦିଘୋଷ ବ୍ୟୁରୋ : ବାଟ ହୁଡ଼ିଛି ବିକାଶ । ମାଲକାନଗିରି ଜିଲ୍ଲା ମାଥିଲି ଥାନା ତୁଳସୀ ଘାଟି ଅଞ୍ଚଳରେ ପଡିନି ବିକାଶର ପଦଚିହ୍ନ। ଆଜି ବି ଶିକ୍ଷା , ସ୍ବାସ୍ଥ୍ୟ , ଗମନାଗମନ ଏବଂ ବିଦ୍ୟୁତ ଭଳି ମୌଳିକ ସୁବିଧାରୁ ବଞ୍ଚିତ ଘାଟି ବାସିନ୍ଦା । ଗୋଟିଏ ଅଙ୍ଗନବାଡ଼ି ଅଛି ।ହେଲେ ନିଜସ୍ବ ଗୃହ ନାହିଁ। ଦଦରା ମାଟି କୁଡିଆ ଘରେ ସ୍କୁଲ ଓ ଅଙ୍ଗନବାଡି ପିଲା ପାଠ ପଢୁଛନ୍ତି । ବିପଦ ସଙ୍କୁଳ ଅବସ୍ଥାରେ ପିଲାଙ୍କୁ ପାଠ ପଢ଼ାଉଛନ୍ତି ଶିକ୍ଷକ ଓ ଅଙ୍ଗନବାଡ଼ି କର୍ମୀ । ତୁଳସୀ ଘାଟିରେ ରହିଛି କେରମେଟି ଗାଁ। ଯେଉଁଠାରେ ବିଜୁଳି ଆଲୁଅ ସାତସପନ। ଖୋଦ ନବରଙ୍ଗପୁର ସାଂସଦ ବାଇକ ଯୋଗେ ପୂରା ଅଞ୍ଚଳ ବୁଲି ଉନ୍ନୟନ କାର୍ଯ୍ୟ ସମ୍ପର୍କରେ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଛନ୍ତି । ଉନ୍ନୟନ କାର୍ଯ୍ୟ କୁ ତ୍ବରାନ୍ବିତ କରିବା ସହ ପୂର୍ବରୁ ଲାଲଗଡ ବୋଲାଉଥିବା ଘାଟି ବାସିନ୍ଦାଙ୍କୁ ମୌଳିକ ଅଧିକାରରେ ଯୋଡିବା ପାଇଁ ନିର୍ଦ୍ଦେଶ ଦେଇଛନ୍ତି ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।