ପ୍ରେମିକା ସହ ହେଲେ ଶେଷ କଥା, ପରେ ଚଳନ୍ତା ଟ୍ରେନ ଆଗରେ ଡେଇଁ ପଡ଼ିଲେ ଯୁବକ…
ନୂଆଦିଲ୍ଲୀ,୨୯/୭ : ଶେଷ କଥା ପ୍ରେମିକା ସହ । ବାସ୍ ତା’ପରେ ସବୁ କିଛି ଶେଷ ହୋଇଗଲା । ଜୀବନ ହାରିଦେଲେ ଯୁବକ । କ’ଣ ହେଲା କେହି ଜାଣିପାରୁନାହାନ୍ତି । ଏଭଳି ଏକ ଆଶ୍ଚର୍ଯ୍ୟ ଘଟଣା ଘଟିଛି କର୍ଣ୍ଣାଟକର ରାଜଧାନୀ ବେଙ୍ଗାଲରରେ । ୨୮ବର୍ଷୀୟ ଜନୈକ ଯୁବକ ଚଳନ୍ତା ଟ୍ରେନ ସାମ୍ନାରେ ଡେଇଁ ଆତ୍ମହତ୍ୟା କରି ଦେଇଛନ୍ତି । ଦୁର୍ଘଟଣା ଏତେ ଜୋରରେ ଥିଲା କି ଯୁବକଙ୍କ ମୁଣ୍ଡ ଅଲଗା ହୋଇଯାଇଛି । ମୃତକର ପରିଚୟ ଆନ୍ଧ୍ରପ୍ରଦେଶର ବିଶ୍ବନାଥ ରୂପରେ କରାଯାଇଛି । ଘଟଣା ପରେ ରେଲଓ୍ବେ ପୋଲିସ ପ୍ରଥମେ ଅଜଣା ଶବ ମିଳିବା ନେଇ ହତ୍ୟା ମାମଲା ରୁଜୁ କରି ଯାଞ୍ଚ ଆରମ୍ଭ କରିଥିଲା । କିନ୍ତୁ ଏହାପର ଦିନ ମୁଣ୍ଡ ଜବତ ହେବା ପରେ ପୂରା ଘଟଣାକ୍ରମର ଚିତ୍ର ସାମ୍ନାକୁ ଆସିଥିଲା ।
ପୋଲିସର ସୂଚନା ଅନୁସାରେ, ଘଟଣା ସମୟରେ ବିଶ୍ବନାଥ ଚଳନ୍ତା ଟ୍ରେନ ସାମ୍ନାକୁ ଡେଇଁ ପଡ଼ିଥିଲେ । ଯାହା ଫଳରେ ତାଙ୍କ ମୁଣ୍ଡ ଶରୀରରୁ ଅଲଗା ହୋଇ ଦୂରରେ ଯାଇ ପଡ଼ିଥିଲା । ଆରମ୍ଭ ଯାଞ୍ଚ ସମୟରେ ପୋଲିସକୁ କେବଳ ଶରୀର ମିଳିଥିଲା । ଯାହାକି ମୁଣ୍ଡ ଘଟଣାସ୍ଥଳରୁ ବହୁ ଦୂରରେ ଥିଲା । ଘଟଣାର ପର ଦିନ ସ୍ଥାନୀୟ ଲୋକ ଏକ କ୍ଷେତରେ ମୁଣ୍ଡ ଦେଖିଥିଲେ ଏବଂ ଏହାର ସୂଚନା ପୋଲିସକୁ ଦେଇଥିଲେ । ଯାଞ୍ଚରେ ସାମ୍ନାକୁ ଆସିଥିଲା କି ବୁଲା କୁକୁର ମୁଣ୍ଡକୁ ପ୍ରାୟ ୪୦୦ମିଟର ଦୂର ପର୍ଯ୍ୟନ୍ତ ଟାଣି ନେଇଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା ଏବଂ ମୁଣ୍ଡକୁ ଜବତ କରି ତଦନ୍ତ ଆରମ୍ଭ କରିଥିଲା । ଏହାପରେ ଜବତ ମୁଣ୍ଡ ରେଲଓ୍ବେ ପୋଲିସକୁ ଦିଆଯାଇଥିଲା ।
ଯାଞ୍ଚ ସମୟରେ ଆଉ ଏକ ଗୁରୁତ୍ବପୂର୍ଣ୍ଣ ସୂଚନା ସାମ୍ନାକୁ ଆସିଛି । ପୋଲିସ ସୂଚନା ଅନୁସାରେ, ଆତ୍ମହତ୍ୟା କରିବା ପୂର୍ବରୁ ବିଶ୍ବନାଥ ନିଜ ପ୍ରେମିକା ସହ ଫୋନରେ କଥା ହୋଇଥିଲେଳ। କଲ ଡିଟେଲର ଯାଞ୍ଚରେ ଜଣାପଡ଼ିଥିଲା କି ଉଭୟଙ୍କ ମଧ୍ୟରେ ଶେଷ କଥା ପରେ ତୁରନ୍ତ ସେ ଏହି ପଦକ୍ଷେପ ଉଠାଇଛନ୍ତି । ମାତ୍ର କଥାବାର୍ତ୍ତାରେ କ’ଣ ହୋଇଥିଲା ଏବଂ ଆତ୍ମହତ୍ୟା ପଛର ବାସ୍ତବିକ କାରଣ କ’ଣ ଥିଲା ଏହାର ଖୁଲାସା ଏବେ ହୋଇନାହିଁ ।
ରେଲଓ୍ବେ ପୋଲିସ ମାମଲାର ପ୍ରତ୍ୟେକ ସ୍ତରକୁ ଯାଇ ଯାଞ୍ଚ କରୁଛି । ପୋଲିସ ମୃତକଙ୍କ ମୋବାଇଲ ଫୋନ, କଲ ରେକର୍ଡ଼ ଏବଂ ଅନ୍ୟ ଡିଜିଟାଲ ସାକ୍ଷ୍ୟକୁ ଖୋଜୁଛି । ଏହାସହ ପରିବାର ଏବଂ ପରିଚିତ ଲୋକଙ୍କୁ ପଚରାଉଚରା କରୁଛି ଫଳରେ ଏହା ଜାଣିପାରିବ କି ଯୁବକ ଜଣଙ୍କ କେଉଁ ମାନସିକ ଚାପରେ ଥିଲେ, ପାରିବାରିକ ସମସ୍ୟା କିମ୍ବା ପ୍ରେମ ସମ୍ବନ୍ଧ ବିବାଦରେ ଯାଉଥିଲେ କିମ୍ବା ନାହିଁ । ମୃତଦେହ ପୋଷ୍ଟ ମର୍ଟମ ପରେ ପରିବାର ଲୋକଙ୍କୁ ଦିଆଯିବ । ପୋଲିସର କହିବା ଅନୁସାରେ ପୋଷ୍ଟ ମର୍ଟମ ରିପୋର୍ଟ ଏବଂ ଯାଞ୍ଚ ପୂରା ହେବା ପରେ ଆତ୍ମହତ୍ୟା ପଛରେ ବାସ୍ତବିକ କାରଣ ସ୍ପଷ୍ଟ ହୋଇପାରିବ । ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି ।
ଆହୁରି ପଢନ୍ତୁ : Swiggy-Zomato : ବେଙ୍ଗାଲୁରୁରେ ବନ୍ଦ ହେବ ସ୍ବିଗି- ଜୋମାଟୋର ସର୍ଭିସ ! ଜାଣନ୍ତୁ କାହିଁକି …
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
