ପେରୁରେ ୫.୫ ତୀବ୍ରତାର ଭୂମିକମ୍ପ ଅନୁଭୂତ, ୫ ମୃତ, ୨୦ରୁ ଅଧିକ ଆହତ…
ନୂଆଦିଲ୍ଲୀ: ପେରୁର ଏଣ୍ଡିଜ୍ ଅଞ୍ଚଳରେ ରବିବାର ୫.୫ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। ଏଥିରେ ଅତି କମରେ ୫ ଜଣଙ୍କର ମୃତ୍ୟୁ ହୋଇଛି। ସେହିଭଳି ୨୦ ରୁ ଅଧିକ ଲୋକ ଆହତ ହୋଇଛନ୍ତି, ଯେତେବେଳେ ଏପର୍ଯ୍ୟନ୍ତ ୩୦୦ ଜଣଙ୍କୁ ସ୍ଥାନାନ୍ତର କରାଯାଇଛି। ଆମେରିକୀୟ ଭୂତତ୍ତ୍ୱ ସର୍ବେକ୍ଷଣ (USGS) ଅନୁଯାୟୀ, ଶନିବାର ରାତିରେ ସ୍ଥାନୀୟ ସମୟ ରାତି ୯:୨୪ ରେ ଭୂମିକମ୍ପ ହୋଇଥିଲା। ଏହାର କେନ୍ଦ୍ରସ୍ଥଳ ହୁଆନକାୟୋ ପ୍ରଦେଶର ସିକାଇଆ ସହରରୁ ଦୁଇ କିଲୋମିଟର ପଶ୍ଚିମ-ଦକ୍ଷିଣ ପଶ୍ଚିମରେ ଥିଲା। ଭୂମିକମ୍ପର ଗଭୀରତା ୧୦ କିଲୋମିଟର ରେକର୍ଡ କରାଯାଇଛି।
ପେରୁର ଜାତୀୟ ନାଗରିକ ସୁରକ୍ଷା ପ୍ରତିଷ୍ଠାନ ଏକ ବିବୃତ୍ତିରେ କହିଛି ଯେ ନିଖୋଜ ଲୋକଙ୍କ ସଂଖ୍ୟା ଏପର୍ଯ୍ୟନ୍ତ ଜଣାପଡିନାହିଁ। ଭୂମିକମ୍ପରେ ସ୍ଥାନୀୟ ଚର୍ଚ୍ଚ ଏବଂ କନ୍ୟାଶ୍ରମ ସମେତ ଅନେକ କୋଠା ଭୁଶୁଡ଼ି ପଡ଼ିଛି କିମ୍ବା ପ୍ରବଳ କ୍ଷତି ହୋଇଛି। ସ୍ଥାନୀୟ ଗଣମାଧ୍ୟମରେ ପ୍ରସାରିତ ଚିତ୍ର ଗୁଡ଼ିକରେ ଚୋଙ୍ଗୋ ବାଜୋର ସବୁଠାରୁ ଅଧିକ କ୍ଷତିଗ୍ରସ୍ତ। କୃଷି କ୍ଷେତ୍ରର କ୍ଷତିଗ୍ରସ୍ତ ଘର ବାହାରେ କମ୍ବଳ ତଳେ ବସିଥିବା ଲୋକମାନେ ଦେଖାଯାଉଛି। ପଶୁମାନେ ମଧ୍ୟ ଭଗ୍ନାବଶେଷ ତଳେ ପୋତି ହୋଇ ରହିଥିବା ଦେଖାଯାଉଛି।
୨୦୦୭ ମସିହାରେ ପେରୁର ଇକା ଅଞ୍ଚଳର ପିସ୍କୋ ପ୍ରଦେଶରେ ୭.୯ ତୀବ୍ରତାର ଏକ ଭୂମିକମ୍ପ ହୋଇଥିଲା, ଯେଉଁଥିରେ ପ୍ରାୟ ୬୦୦ ଲୋକଙ୍କର ମୃତ୍ୟୁ ହୋଇଥିଲା। ପେରୁ ପ୍ରଶାନ୍ତ ମହାସାଗରର "ଅଗ୍ନି ବଳୟ"ରେ ଅବସ୍ଥିତ, ଯେଉଁଠାରେ ପ୍ରାୟତଃ ଭୂମିକମ୍ପ ହୁଏ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
