ବଡ଼ ପରିବର୍ତ୍ତନ ଅପେକ୍ଷାରେ ଓଡ଼ିଶାର ଉପକୂଳବର୍ତ୍ତୀ କ୍ଷେତ୍ର, ନିର୍ମାଣ ହେବାକୁ ଯାଉଛି ରାମେଶ୍ବର-ପାରାଦୀପ ଉପକୂଳ ରାଜପଥ
ଭୁବନେଶ୍ବର,୧୯/୭ : ବଡ଼ ପରିବର୍ତ୍ତନ ଅପେକ୍ଷାରେ ଓଡ଼ିଶାର ଉପକୂଳବର୍ତ୍ତୀ କ୍ଷେତ୍ର । ନିର୍ମାଣ ହେବାକୁ ଯାଉଛି ରାମେଶ୍ବର-ପାରାଦୀପ ଉପକୂଳ ରାଜପଥ । ୧୬୦.୧୮କିମି ଲମ୍ବା ଏହି ରାଜପଥ ରାଜ୍ୟର ଉପକୂଳ ଅଞ୍ଚଳରେ ଯୋଗାଯୋଗ ଭିତ୍ତିଭୂମିକୁ ନୂଆ ରୂପ ଦେବ । ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ଦ୍ବାରା ବିକଶିତ ହେବାକୁ ଥିବା ଏହି ପ୍ରକଳ୍ପରେ ମୋଟ୍ ୮,୩୦୦.୭୯ କୋଟି ଟଙ୍କା ଖର୍ଚ୍ଚ ହେବ । ଏହି ରାଜପଥ ଖୋର୍ଦ୍ଧା, ପୁରୀ, କେନ୍ଦ୍ରାପଡ଼ା ଏବଂ ଜଗତସିଂପୁର ଜିଲ୍ଲା ଦେଇ ଅତିକ୍ରମ କରିବ। ଏହାଦ୍ବାରା ରାଜ୍ୟର ଗୁରୁତ୍ବପୂର୍ଣ୍ଣ ସାଂସ୍କୃତିକ, ଧାର୍ମିକ, ପର୍ଯ୍ୟଟନ ଏବଂ ଆର୍ଥିକ ବିକାଶ କେନ୍ଦ୍ରଗୁଡ଼ିକ ମଧ୍ୟରେ ଗମନାଗମନ ସୁଗମ ହେବ ।
ଦ୍ରୁତ, ସୁରକ୍ଷିତ ଏବଂ ସୁଗମ ଯାତାୟାତ ସୁବିଧା ପ୍ରଦାନ କରିବା ପାଇଁ ଉପକୂଳ ରାଜପଥର ଡିଜାଇନ୍ କରାଯାଇଛି । ଏହି ପ୍ରକଳ୍ପରେ ଖୋର୍ଦ୍ଧାର ରାମେଶ୍ବରଠାରୁ ପୁରୀ ଜିଲ୍ଲାର କୋଣାର୍କ ପର୍ଯ୍ୟନ୍ତ ଏକ ୪-ଲେନ୍ ବିଶିଷ୍ଟ ପ୍ରବେଶ-ନିୟନ୍ତ୍ରିତ ରାଜପଥ ନିର୍ମାଣ କରାଯିବ । ସେହିପରି କୋଣାର୍କରୁ ପାରାଦୀପ ପର୍ଯ୍ୟନ୍ତ ଏକ ୨-ଲେନ୍ ପକ୍କା ସୋଲ୍ଡର୍ ବିଶିଷ୍ଟ ରାଜପଥ ଏଥିରେ ସାମିଲ ହୋଇଛି । ଘଣ୍ଟାପ୍ରତି ୧୦୦ କିମି ପର୍ଯ୍ୟନ୍ତ ବେଗରେ ଯାନବାହନ ଚଳାଚଳ ଲାଗି ଏହି ରାଜପଥର ଡିଜାଇନ୍ କରାଯାଇଛି । ପ୍ରକଳ୍ପ କାମ ସରିବା ପରେ ଏହି କରିଡର ରାମେଶ୍ବର ଏବଂ ପାରାଦୀପ ମଧ୍ଯରେ ଯାତ୍ରା ସମୟକୁ ପ୍ରାୟ ୨ ଘଣ୍ଟା ୩୦ ମିନିଟ ପର୍ଯ୍ୟନ୍ତ ହ୍ରାସ କରିବ । ଏହାଦ୍ବାରା ଯାତ୍ରୀ ଏବଂ ମାଲ ପରିବହନରେ ଉନ୍ନତି ଆସିବ ବୋଲି ଆଶା କରାଯାଉଛି ।
ଓଡ଼ିଶାର ଆଧ୍ୟାତ୍ମିକ ଐତିହ୍ୟସ୍ଥଳୀକୁ ସଡ଼କ ସଂଯୋଗ
ନୂତନ ଉପକୂଳ ରାଜପଥ ଓଡ଼ିଶାର କିଛି ପ୍ରସିଦ୍ଧ ଆଧ୍ଯାତ୍ମିକ କେନ୍ଦ୍ରକୁ ସୁଗମ ସଡ଼କ ସଂଯୋଗ ଯୋଗାଇ ଦେବ । ଏହା ଧାର୍ମିକ ଓ ସାଂସ୍କୃତିକ ପର୍ଯ୍ୟଟନକୁ ବିଶେଷ ଭାବେ ପ୍ରୋତ୍ସାହିତ କରିବ l ଏହି କରିଡର ପୁରୀର ବିଶ୍ବ ପ୍ରସିଦ୍ଧ ଶ୍ରୀଜଗନ୍ନାଥ ମନ୍ଦିର, ଐତିହାସିକ କୋଣାର୍କ ସୂର୍ଯ୍ୟ ମନ୍ଦିର ଏବଂ ପବିତ୍ର ରାମଚଣ୍ଡୀ ମନ୍ଦିର ମଧ୍ୟରେ ସଡ଼କ ଯୋଗାଯୋଗକୁ ସୁଦୃଢ କରିବ । ଏହା ପ୍ରତିବର୍ଷ ଓଡ଼ିଶାକୁ ଆସୁଥିବା ଲକ୍ଷ ଲକ୍ଷ ଭକ୍ତଙ୍କ ପାଇଁ ତୀର୍ଥଯାତ୍ରାକୁ ଅଧିକ ସୁବିଧାଜନକ କରିବ। ଉନ୍ନତ ସଡ଼କ ଭିତ୍ତିଭୂମି କେବଳ ଯାତ୍ରା ସମୟ ହ୍ରାସ କରିବ ନାହିଁ ବରଂ ପର୍ଯ୍ୟଟକ ଓ ଭକ୍ତଙ୍କ ପାଇଁ ସୁରକ୍ଷିତ ତଥା ଅଧିକ ଆରାମଦାୟକ ପରିବହନ ସୁବିଧା ପ୍ରଦାନ କରି ସାମଗ୍ରିକ ତୀର୍ଥଯାତ୍ରା ଅଭିଜ୍ଞତାକୁ ମଧ୍ୟ ବୃଦ୍ଧି କରିବ । ସ୍ଥାନୀୟ ଅଞ୍ଚଳରେ ପ୍ରସ୍ତାବିତ ବିମାନବନ୍ଦର ଭିତ୍ତିଭୂମି ଏକ ପ୍ରମୁଖ ଆଧ୍ୟାତ୍ମିକ ପର୍ଯ୍ୟଟନ ଗନ୍ତବ୍ୟସ୍ଥଳ ଭାବରେ ଓଡ଼ିଶାର ସ୍ଥିତିକୁ ଆହୁରି ମଜବୁତ କରିବ। ଏହା ଭାରତ ଏବଂ ବିଶ୍ବର ପରିଦର୍ଶକମାନଙ୍କ ପାଇଁ ସହଜ ପହଞ୍ଚକୁ ସକ୍ଷମ କରିବ। ଏହି ଆଧୁନିକ ରାଜପଥ ପରିବହନ ସେବା ବ୍ୟତୀତ ଐତିହାସିକ ମନ୍ଦିର, ପରମ୍ପରା ଏବଂ ଆଧ୍ୟାମିକ କେନ୍ଦ୍ର ସହିତ ଲୋକମାନଙ୍କୁ ଯୋଡ଼ିବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବ ।
ପୁରୀରୁ ପାରାବୀପ: ଓଡ଼ିଶାର ନୂତନ ପର୍ଯ୍ୟଟନ ରାଜପଥ
ରାମେଶ୍ବର-ପାରାଦୀପ କରିଡର ଏକ ନୂତନ ଉପକୂଳ ପର୍ଯ୍ୟଟନ ପ୍ରବେଶ ଦ୍ବାର ହେବାକୁ ଯାଉଛି। ଏହା ଓଡ଼ିଶାର ପୂର୍ବ ଉପକୂଳରେ ବେଳାଭୂମି, ଐତିହ୍ୟ ସ୍ଥଳୀ, ଜୈବ ବିବିଧତା କ୍ଷେତ୍ରକୁ ଯୋଡ଼ିବା ସହିତ ସ୍ଥାନୀୟ ସମ୍ପ୍ରଦାପ ପାଇଁ ସଡ଼କ ଯୋଗାଯୋଗାକୁ ସୁଗମ କରିବ । ପୁରୀ, କୋଣାର୍କ ଏବଂ ପାରାଦୀପ ମଧ୍ଯରେ ଉନ୍ନତ ସଂଯୋଗୀକରଣ ସହିତ ଏହି ସ୍ଥାନ ଗୁଡିକ ଗୋଟିଏ ସମନ୍ବିତ ପର୍ଯ୍ୟଟନ ସର୍କିଟର ଅଂଶ ଭାବରେ ଉଭା ହେବେ । ଏହାଦ୍ବାରା ଯାତ୍ରୀମାନଙ୍କୁ ଆଧ୍ୟାତ୍ମିକ ଐତିହ୍ୟ ଏବଂ ପ୍ରାଚୀନ ସ୍ଥାପତ୍ୟ ଠାରୁ ଆରମ୍ଭ କରି ବେଳାଭୂମି ଏବଂ ପ୍ରାକୃତିକ ଇକୋସିଷ୍ଟମ ପର୍ଯ୍ୟନ୍ତ ସମ୍ପୂର୍ଣ୍ଣ ଉପକୂଳ ଯାତ୍ରା ଅଭିଜ୍ଞତା ମିଳିବ ।
ରାଜପଥ ବେଳାଭୂମି ପର୍ଯ୍ୟଟନ, ପରିବେଶ-ପର୍ଯ୍ୟଟନ ଏବଂ ପ୍ରକୃତି ଆଧାରିତ ଯାତ୍ରା ପାଇଁ ନୂତନ ସୁଯୋଗ ଖୋଲିବ। ଏହାସହିତ ବନ୍ୟପ୍ରାଣୀ କ୍ଷେତ୍ର ଏବଂ ପ୍ରସିଦ୍ଧ ଗହୀରମଥା କଇଁଛ ପ୍ରଜନନ ସ୍ଥଳୀ ସମେତ ଗୁରୁତ୍ବପୂର୍ଣ୍ଣ ପରିବେଶଗତ ଗନ୍ତବ୍ୟସ୍ଥଳ ଗୁଡ଼ିକୁ ସହଜ ପ୍ରବେଶ ପ୍ରଦାନ କରିବ । ଉନ୍ନତ ଯୋଗାଯୋଗ ଓଡ଼ିଶାର ଅନନ୍ୟ ଉପକୂଳ ଜୈବ ବିବିଧତା ଏବଂ ସଂରକ୍ଷଣ ପ୍ରୟାସ ବିଷୟରେ ସଚେତନତା ବୃଦ୍ଧି କରି ଦୀର୍ଘସ୍ଥାୟୀ ପର୍ଯ୍ୟଟନ ଅଭ୍ୟାସଗୁଡିକୁ ମଧ୍ୟ ପ୍ରୋତ୍ସାହିତ କରିବ । ପର୍ଯ୍ୟଟକମାନେ ପ୍ରାକୃତିକ ଭୂଦୃଶ୍ୟ ଦେଖିବାର ସୁଯୋଗ ପାଇବେ ଏବଂ ଦୁର୍ବଳ ପରିବେଶ ପର୍ଯ୍ୟଟନକୁ ସୁରକ୍ଷା ଦେଉଥିବା ଦାୟିତ୍ବପୂର୍ଣ୍ଣ ପର୍ଯ୍ୟଟନ ମଡେଲଗୁଡ଼ିକୁ ସମର୍ଥନ କରିବାରେ ସକ୍ଷମ ହେବେ ।
ସ୍ଥାନୀୟ ଅର୍ଥବ୍ୟବସ୍ଥା ଏବଂ ଉପକୂଳ ବିକାଶକୁ ପ୍ରୋତ୍ସାହନ
ନୂତନ ରାଜପଥ ପାର୍ଶ୍ଵରେ ହୋଟେଲ, ହୋମଷ୍ଟେ, ରେସ୍ତୋରାଁ, ହସ୍ତଶିଳ୍ପ ବଜାର ଏବଂ ପର୍ଯ୍ୟଟନ-ଭିତ୍ତୀକ ବ୍ୟବସାୟ ଅଭିବୃଦ୍ଧିକୁ ପ୍ରୋତ୍ସାହନ ମିଳିବ । ଏହା ସ୍ଥାନୀୟ ସମ୍ପ୍ରଦାର ପାଇଁ ଜୀବିକା ଓ ରୋଜଗାର ସୁଯୋଗ ସୃଷ୍ଟି କରିବ।
ପ୍ରଧାନମନ୍ତ୍ରୀ ଗତିଶକ୍ତି ନୀତି ସହ ସମନ୍ବିତ ଏହି ପ୍ରକଳ୍ପ ୯ଟି ଆର୍ଥିକ କ୍ଷେତ୍ର ଏବଂ ୫ଟି ଲଜିଷ୍ଟିକ୍ସ କ୍ଷେତ୍ରକୁ ଯୋଡ଼ିବ ଯାହା ଓଡ଼ିଶାର ଆର୍ଥିକ ନେଟୱର୍କକୁ ମଜବୁତ କରିବ। ଏହା ପାରାଦୀପ ବନ୍ଦର, ପୁରୀ ରେଳ ଷ୍ଟେସନ, ପୁରୀ ବିମାନବନ୍ଦର ଏବଂ ଅନ୍ୟାନ୍ୟ ଆଞ୍ଚଳିକ ଆର୍ଥିକ କେନ୍ଦ୍ର ମଧ୍ୟରେ ଯୋଗାଯୋଗକୁ l
ଆହୁରି ପଢନ୍ତୁ : କୁକୁର ପାଇଁ ନାକେଦମ ପୋଲିସ ; ଅଜଣା ଶବ ଭାବି ଖୋଳାଗଲା ଗାତ, ବାହାରିଲା ମୃତ କୁକୁର
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
