ପଥଚାରୀଙ୍କୁ ପିଟିଦେଲା ବାଇକ୍: ପରିବହନ ବିଭାଗ କ୍ୟାମେରା ଆଗରେ ଘଟିଲା…
ଭଞ୍ଜନଗର,୧୮।୫(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ଥାନା ଅନ୍ତର୍ଗତ ମଲାସପଦର ଛକ ନିକଟରେ ସୋମବାର ରାତି ପ୍ରାୟ ୧୦ଟା ସମୟରେ ଏକ ବାଇକ ଚାଳକ ଜଣେ ପଥଚାରୀଙ୍କୁ ଧକ୍କା ଦେଇଛି। ଏଥିରେ ଉଭୟ ଗୁରୁତର ଭାବେ ଆହତ ହୋଇଛନ୍ତି। ସେମାନେ ହେଲେ ରାମେଶ୍ୱର ପୋଲେଇ ଓ ଅଭିମନ୍ୟୁ ସାହୁ । ଉଭୟଙ୍କ ଘର ଘଟଣାସ୍ଥଳ ନିକଟରେ।
ସୂଚନାଯୋଗ୍ୟ ଯେ, ରାମେଶ୍ୱର ଭଞ୍ଜନଗର ସହରରୁ ନିଜ ଗ୍ରାମ କଇଣ୍ଟି ଅଭିମୁଖେ ଯାଉଥିଲେ। ଏହି ସମୟରେ ଅଭିମନ୍ୟୁ ନିଜ ଘରୁ ବାହାରି ସମ୍ମୁଖରେ ଥିବା ଝିଅ ଘରକୁ ଯାଉଥିଲେ। ଏହି ସମୟରେ ରାମେଶ୍ୱରଙ୍କ ବାଇକ ଅଭିମନ୍ୟୁଙ୍କୁ ଧକ୍କା ଦେଇଥିଲା। ଫଳରେ ଉଭୟ ଗୁରୁତର ଭାବେ ଆହତ ହୋଇଥିଲେ। ୧୦୮ ଆମ୍ବୁଲାନ୍ସ ଯୋଗେ ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଚିକିତ୍ସା ପାଇଁ ଭଞ୍ଜନଗର ହସ୍ପିଟାଲକୁ ପଠାଇ ଦିଆଯାଇଛି।
ଅପରପକ୍ଷେ ଯେଉଁଠି ଦୁର୍ଘଟଣା ଘଟିଛି ଠିକ ସମ୍ମୁଖରେ ଆଞ୍ଚଳିକ ପରିବହନ ବିଭାଗ ପକ୍ଷରୁ କ୍ୟାମେରା ଲାଗିଛି। ଏହି କ୍ୟାମେରା ଦ୍ରୁତଗତି ଗାଡ଼ିକୁ ଠାବ କରିବା ପାଇଁ ଲଗାଯାଇଛି। ରାତିରେ କେଉଁଭଳି ପରିସ୍ଥିତିରେ ଉକ୍ତ ଦୁର୍ଘଟଣା ଘଟିଲା ତାହା ସଠିକ ଭାବେ ଜଣାପଡ଼ିନାହିଁ।
Dharitri – Odisha’s No.1 Odia Daily
The post ପଥଚାରୀଙ୍କୁ ପିଟିଦେଲା ବାଇକ୍: ପରିବହନ ବିଭାଗ କ୍ୟାମେରା ଆଗରେ ଘଟିଲା… appeared first on Dharitri Odia News.
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
