ଟିମ୍ ଇଣ୍ଡିଆର ବୋଲର ଭୁବନେଶ୍ବର କୁମାରଙ୍କ ବୟାନକୁ ନେଇ ଚର୍ଚ୍ଚା, କହିଲେ…

ନୂଆଦିଲ୍ଲୀ,୨/୮ : ଭାରତର ଅନୁଭବୀ ଦ୍ରୁତ ବୋଲର ଭୁବନେଶ୍ବର କୁମାର କହିଛନ୍ତି କି ଜାତୀୟ ଟିମକୁ ଫେରିବା ଏବେ ତାଙ୍କ ମୁଖ୍ୟ ଉଦ୍ଦେଶ୍ୟ ନୁହେଁ । ସେ କହିଛନ୍ତି କି, ସେ ଭାରତୀୟ ଟିମରୁ ବାହାର ଜୀବନକୁ ଆପଣାଇନେଇଛନ୍ତି ଏବଂ ଏବେ ସେ କେବଳ ଖେଳ ପ୍ରତି ନିଜ ଭଲପାଇବା କାରଣରୁ ଖେଳୁଛନ୍ତି ।

୩୬ବର୍ଷୀୟ ଭୁବନେଶ୍ବର ଭାରତୀୟ ଜର୍ସିରେ ନିଜ ଶେଷ ଅନ୍ତର୍ଜାତୀୟ ମ୍ୟାଚ ନଭେମ୍ବର ୨୦୨୨ରେ ଖେଳିଥିଲେ । ସେ ନିଜ ଅନ୍ତର୍ଜାତୀୟ କ୍ୟାରିୟରରେ ଏବେ ପର୍ଯ୍ୟନ୍ତ ୨୧ଟେଷ୍ଟ, ୧୨୧ଓ୍ବାନଡେ ଏବଂ ୮୭ଟି-୨୦ ଅନ୍ତର୍ଜାତୀୟ ମ୍ୟାଚ ଖେଳି ସାରିଛନ୍ତି । ଡାହାଣ ହାତୀ ଏହି ଦ୍ରୁତ ବୋଲର କହିଛନ୍ତି କି ଦେଶର ପ୍ରତିନିଧିତ୍ବ କରିବାର ନିଜ ସ୍ବପ୍ନ ପୂରା କରିବା ପରେ ତାଙ୍କୁ ଏବେ ନିଜକୁ ସାବ୍ୟସ୍ତ କରିବାର କୌଣସି ଚାପ ଅନୁଭବ ହେଉନାହିଁ ।

ଏକ ପୋଡ଼କାଷ୍ଟରେ ଭୁବନେଶ୍ଵର କହିଛନ୍ତି, "ମୁଁ IPL ଏବଂ ଘରୋଇ କ୍ରିକେଟ ଖେଳୁଛି କାରଣ ମୁଁ ଖେଳକୁ ବହୁତ ଭଲ ପାଏ। ଯେତେବେଳେ ଆପଣ ଯୁବକ ଥାଆନ୍ତି ଏବଂ ଭାରତ ପାଇଁ ଖେଳୁଥାନ୍ତି ତେବେ ଆପଣ କହିଥାନ୍ତି କି ଖେଳ ପ୍ରତି ଭଲ ପାଇବା ଅଛି । ସତ କହିବାକୁ ଗଲେ, ଯାହା ଆପଣଙ୍କ ନିୟନ୍ତ୍ରଣରେ ଅଛି ତାହା ଉପରେ ଧ୍ୟାନ ଦିଅନ୍ତୁ ଏବଂ ଅଧିକ ଚିନ୍ତା କରନ୍ତୁ ନାହିଁ । ମୋ କ୍ୟାରିୟରର ଏହି ପର୍ଯ୍ୟାୟରେ ମୁଁ ଅନୁଭବ କରୁଛି ଯେ ଖେଳ ମଧ୍ୟ ଆଗ୍ରହରୁ ଖେଳାଯାଏ।"

ଅନ୍ତର୍ଜାତୀୟ କ୍ରିକେଟରୁ ଦୂରରେ ଥିବା ତାଙ୍କ ଜୀବନ ବିଷୟରେ କହିଛନ୍ତି କି, ବିନା କୌଣସି ଅନୁତାପ କିମ୍ବା ତିକ୍ତତା ବିନା ଆଗକୁ ବଢ଼ିବାରେ ସାହାଯ୍ୟ କରିଥିବାରୁ ନିଜ ପରିବାର ଓ ପରିବେଶକୁ ଶ୍ରେୟ ଦେଇଛନ୍ତି। ସେ କହିଛନ୍ତି, "ମୁଁ ସମ୍ପୂର୍ଣ୍ଣ ଶାନ୍ତିରେ ଅଛି ଏବଂ ଏଥିପାଇଁ ମୁଁ ମୋ ପରିବାରକୁ ଶ୍ରେୟ ଦେଉଛି । ଘରେ ଆମେ କେବେ କ୍ରିକେଟ ବିଷୟରେ କଥା ହେଉନାହୁଁ। ମୁଁ ଭାରତୀୟ ଦଳକୁ ଫେରିବି କି ନାହିଁ, ମୋତେ କାହିଁକି ଚୟନ କରାଯାଇ ନାହିଁ, କିମ୍ବା କ'ଣ ଭୁଲ ହୋଇଛି ସେ ବିଷୟରେ ଆମେ କେବେ କଥା ହେଉନାହୁଁ। ଏହା ଏକ ବଡ଼ ଭୂମିକା ଗ୍ରହଣ କରିଛି ଏବଂ ମୋର କୌଣସି ଅନୁତାପ ନାହିଁ। ଯେତେବେଳେ ଆପଣ ଏକ ଦଳର ଜଣେ ପ୍ରମୁଖ ସଦସ୍ୟ ହୁଅନ୍ତି ସମସ୍ତେ କୁହନ୍ତି ଯେ, ଦଳ ପ୍ରଥମେ ଆସେ। ମାତ୍ର ଯେତେବେଳେ ଆପଣ ଆଉ ଦଳର ଅଂଶ ନୁହଁନ୍ତି, ଆପଣ ସ୍ୱାଭାବିକ ଭାବରେ ଅନୁଭବ କରନ୍ତି ଯେ ହୁଏତ ମୁଁ ସେଠାରେ ରହିବା ଉଚିତ ଥିଲା ।"