କାନାଡାରେ ଟ୍ରେନିଂ ବେଳେ ବିମାନ ଦୁର୍ଘଟଣା, ଦୁଇ ଭାରତୀୟ ଛାତ୍ରଙ୍କ ମୃତ୍ୟୁ

ନନ୍ଦିଘୋଷ ବ୍ୟୁରୋ: କାନାଡାରେ ଟ୍ରେନିଂ ବେଳେ ବିମାନ ଦୁର୍ଘଟଣା ଘଟି ଦୁଇ ଜଣ ଭାରତୀୟ ଛାତ୍ରଙ୍କ ମୃତ୍ୟୁ ଘଟିଛି । ମୃତକଙ୍କ ଘର ତାମିଲନାଡୁ ଏବଂ ପୁଡୁଚେରୀରେ ବୋଲି ଜଣାପଡିଛି । ମୃତକମାନେ ହେଲେ ମନୋଜ ଶିବକୁମାର ଏବଂ ଶ୍ରୀସରଣ ଥିରୁଗ୍ନାନାସମ୍ପନ୍ଧମ । ଏନେଇ ଭାନକୁବର ସ୍ଥିତି ଭାରତୀୟ ବାଣିଜ୍ୟିକ ଦୂତାବାସ ପକ୍ଷରୁ ସ୍ପଷ୍ଟ କରାଯାଇଛି ।

ଦୂତାବାସ ପକ୍ଷରୁ ସୋସିଆଲ ମିଡିଆରେ ଏକ ପୋଷ୍ଟ କରାଯାଇ ଦୁଃଖ ପ୍ରକାଶ କରାଯାଇଛି । ଏଥିରେ ଦୁଇ ଭାରତୀୟ ଛାତ୍ରଙ୍କ ମୃତ୍ୟୁକୁ ନେଇ ଗଭୀର ଶୋକ ବ୍ୟକ୍ତ କରାଯାଇଛି । ଦୂତାବାସ ପକ୍ଷରୁ ଆଗକୁ କୁହାଯାଇଛି, ଏହି ସମୟରେ ମୃତକଙ୍କ ପରିବାର ସହ ସରକାର ଅଛନ୍ତି । ମୃତକଙ୍କ ମର ଶରୀରକୁ ଭାରତ ଆଣିବାକୁ ପରିବାର ଲୋକଙ୍କୁ ସବୁ ପ୍ରକାର ସହଯୋଗ କରାଯାଉଛି । ମୃତକଙ୍କ ଆତ୍ମାର ସଦଗତି କାମନା କରୁଛୁ । ଏହାସହ ଦୂତାବାସ ପକ୍ଷରୁ ସ୍ପଷ୍ଟ କରାଯାଇଛି, ସେମାନେ ସ୍ତାନୀୟ ଅଧିକାରୀ ଏବଂ ମୃତକଙ୍କ ପରିବାର ସହ ସମ୍ପର୍କରେ ଅଛନ୍ତି ।

ଅନ୍ୟପକ୍ଷେ ଦୁର୍ଘଟଣାର କାରଣ ସ୍ପଷ୍ଟ ହୋଇନି । ସ୍ଥାନୀୟ ପ୍ରଶାସନ ଘଟଣାର ତଦନ୍ତ ଆରମ୍ଭ କରିଛି । କାଡାନା ମିଡିଆ ସିବିସି ଅନୁସାରେ ଶୁକ୍ରବାର ସକାଳରେ ହର୍ସ ଏୟାର ଦ୍ବାରା ପରିଚିାଳିତ ଏକ ସେସନ ୧୭୨ ବିମାନ ସକ୍ସେଚେବାନ ନିକଟରେ ଦୁର୍ଘଟଣାର ଶିକାର ହୋଇଥିଲା । ବିମାନରେ ଥିବା ଦୁଇ ଜଣ ବ୍ୟକ୍ତିଙ୍କ ମୃତ୍ୟୁ ଘଟିଛି ।