କପୁର ପରିବାରରେ ବାଜିବ ଶାହନାଇ, ଭଉଣୀ ବିବାହ ଉତ୍ସବରେ ଜାହ୍ନବୀ- ଖୁସିଙ୍କ ଧମାଲ୍
ନୂଆଦିଲ୍ଲୀ,୨/୭ : ବୋନୀ କପୁରଙ୍କ ଝିଅ ଅଂଶୁଳା କପୁରଙ୍କ ବିବାହର ପ୍ରସ୍ତୁତି ଆରମ୍ଭ ହୋଇଯାଇଛି । ସେ ଲମ୍ବା ରିଲେଶନସିପ ପରେ ନିଜ ବୟଫ୍ରେଣ୍ଡ ରୋହନ ଠକ୍କରଙ୍କୁ ଜୀବନ ସାଥି କରିବେ । ବୋନୀ କପୁର ନିଜେ ସୋସିଆଲ ମିଡ଼ିଆ ପୋଷ୍ଟ ମାଧ୍ୟମରେ ଏହାର ସୂଚନା ଦେଇଛନ୍ତି । ବିବାହ ଚଳିତ ୬ଜୁଲାଇରେ ଏକ ବ୍ୟକ୍ତିଗତ ସମାରୋହରେ ଶେଷ ହେବ । ବିବାହରେ ଦୁଇ ଭିନ୍ନଭିନ୍ନ ସଂସ୍କୃତି ଏବଂ ରିତିନୀତିର ସୁନ୍ଦର ପରମ୍ପରା ଦେଖିବାକୁ ମିଳିବ । ବିବାହ ଉତ୍ସବ ଶେଷ ହେବା ପରେ ତୁରନ୍ତ ଏକ ଶାନଦାର୍ କକଟେଲ୍ ପାର୍ଟି ରଖାଯାଇଛି, ଯେଉଁଥିରେ ବଲିଉଡ଼ର କେତେକ ଷ୍ଟାର୍ ସାମିଲ ହେବାର ଆଶା ରଖାଯାଇଛି । ଖାସ୍ ସନ୍ଧ୍ୟା ଲାଗି ଅତିଥିମାନଙ୍କୁ ‘ମଡର୍ନ ଇଣ୍ଡିଆନ’ ଡ୍ରେସ କୋଡ଼ ଫଲୋ କରିବାକୁ କୁହାଯାଇଛି । ଏହା ସ୍ପଷ୍ଟ ଅଟେ କି ଏହି ବିବାହ ବହୁ ଟ୍ରେଣ୍ଡି ଏବଂ ଗ୍ଲାମରସ୍ ହେବାକୁ ଯାଉଛି ।
ଅଂଶୁଳା ଏବଂ ରୋହନଙ୍କ ବିବାହ ଉତ୍ସବର ଆରମ୍ଭ ୨୧ଜୁନରୁ ହୋଇଛି । ରୋହନଙ୍କ ପରିବାର 'ମାତା ଙ୍କ ଚୌକି'ରୁ ଏହାକୁ ଆରମ୍ଭ କରିଛନ୍ତି । ଉତ୍ସବର ସନ୍ଧ୍ୟାରେ ପୂରା କପୁର ପରିବାର ଟ୍ରାଡିଶନାଲ୍ ଡ୍ରେସରେ ପହଞ୍ଚିଥିଲେ । ଯେଉଁଥିରେ ସଞ୍ଜୟ କପୁର, ମହୀପ, ସୁନୀତା, ଶନାୟା, ଜାହ୍ନବୀ ଏବଂ ଖୁସି କପୁର ସାମିଲ ଥିଲେ । ସୋସିଆଲ ମିଡ଼ିଆରେ ଏହି କାର୍ଯ୍ୟକ୍ରମର ଫଟୋ ଏବଂ ଭିଡ଼ିଓ ଖୁବ୍ ଭାଇରାଲ ହେବାରେ ଲାଗିଛି । ଅଂଶୁଳା ନିଜେ ଏକ ଇନସାଇଡ ଭିଡ଼ିଓ ସେୟାର କରି ଲେଖିଛନ୍ତି କି ଏହି ସନ୍ଧ୍ୟା ମାତାଙ୍କ ଆଶୀର୍ବାଦ, ଢେର ସାରା ଭଲ ପାଇବା ଏବଂ ନୃତ୍ୟରେ ପରିପୂର୍ଣ୍ଣ ଥିଲା। ସେହିଭଳି ଭାଇ ଅର୍ଜୁନ କପୁର ବି ନିଜ ଭଉଣୀ ଲାଗି ବହୁ ଇମୋଶନାଲ ଏବଂ ରୋମାଞ୍ଚିତ ଦେଖାଯାଇଛନ୍ତି । ସେ ସୋସିଆଲ ମିଡ଼ିଆରେ ଲେଖିଛନ୍ତି କି ଏବେ ତ କେବଳ ଆରମ୍ଭ ହୋଇଛି ଏବଂ ସେ ଏହି ପୂରା ଉତ୍ସବକୁ ଭରପୁର ଉପଭୋଗ କରିବାକୁ ଉତ୍ସାହିତ ଅଛନ୍ତି ।
ଯଦି ଅଂଶୁଳା ଏବଂ ରୋହନଙ୍କ ଲମ୍ବା ଷ୍ଟୋରୀର କଥା କହିବା ତେବେ ତାଙ୍କର ପ୍ରଥମ ସାକ୍ଷାତ ଏକ ଡେଟିଂ ଆପ୍ ମାଧ୍ୟମରେ ହୋଇଥିଲା । ଯାହାପରେ ଉଭୟଙ୍କ ମଧ୍ୟରେ ଭଲ ପାଇବା ହୋଇଥିଲା । ରୋହନ ପୂର୍ବ ବର୍ଷ ଜୁଲାଇରେ ନ୍ୟୁୟର୍କର ସୁନ୍ଦର ସେଣ୍ଟ୍ରାଲ ପାର୍କରେ ଅଂଶୁଳାଙ୍କୁ ବଡ଼ ରୋମାଣ୍ଟିକ୍ ଅନ୍ଦାଜରେ ପ୍ରପୋଜ କରିଥିଲେ। ଉଭୟଙ୍କ ଅକ୍ଟୋବରରେ ମୁମ୍ବାଇରେ ଏକ ଗ୍ରାଣ୍ଡ ଏନଗେଜମେଣ୍ଟ ପାର୍ଟି ହୋଇଥିଲା । ଯେଉଁଥିରେ ସୋନମ, ରିୟା, ଶନାୟା, ଜାହ୍ନବୀ, ଖୁସି ଏବଂ ଅର୍ଜୁନ କପୁରଙ୍କ ସମେତ କେତେକ ନିକଟତମ ସମ୍ପର୍କୀୟ ସାମିଲ ହୋଇଥିଲେ । ଏବେ ଫ୍ୟାନ୍ସଙ୍କୁ କେବଳ ୬ଜୁଲାଇର ଅପେକ୍ଷା ଅଛି, ଯେତେବେଳେ ଏହି ସୁନ୍ଦର ଯୋଡ଼ି ସବୁଦିନ ଲାଗି ଜଣେ ଅନ୍ୟ ଜଣଙ୍କ ହାତ ଧରିବେ ।
