ଆଜି ଦେବ ଶିଳ୍ପୀ ବିଶ୍ଵକର୍ମାଙ୍କ ପୂଜା। ଏଥିପାଇଁ ଉତ୍ସବ ମୁଖର ରାଜ୍ୟର ସମସ୍ତ ଶିଳ୍ପନଗରୀ

ନନ୍ଦିଘୋଷ ବ୍ୟୁରୋ :ଆଜି ଦେବ ଶିଳ୍ପୀ ବିଶ୍ଵକର୍ମାଙ୍କ ପୂଜା। ଏଥିପାଇଁ ଉତ୍ସବ ମୁଖର ରାଜ୍ୟର ସମସ୍ତ ଶିଳ୍ପନଗରୀ। ପାରାଦୀପ, ଅନୁଗୁଳ ଓ ରାଉରକେଲାରେ ବେଶ ଧୂମଧାମର ସହ ହେଉଛି ବିଶ୍ଵକର୍ମା ପୂଜା। ବିଭିନ୍ନ ପୂଜା କମିଟି ପକ୍ଷରୁ ସୁଉଚ୍ଚ ତୋରଣ ପ୍ରସ୍ତୁତ ହୋଇଛି।

ସଜେଇ ହୋଇଛି ବନ୍ଦର ନଗରୀ ପାରାଦୀପ । ଚଳିତ ବର୍ଷ ୧୫ ରୁ ଉର୍ଦ୍ଧ୍ୱ ସୁଉଚ୍ଚ ତୋରଣ ସାଙ୍ଗକୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ମଜା ଉଠାଇବେ ଦର୍ଶକ । ପୂଜାକୁ ସୁରୁଖୁରୁରେ ପାଳନ କରିବାକୁ ପ୍ରଶାସନ ପକ୍ଷରୁ ୧୫ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯିବା ସହିତ ୧୬ ଜଣ ଅଫିସର ନିୟୋଜିତ ରହିଛନ୍ତି । ବନ୍ଦର ପକ୍ଷରୁ ୬୬ ଟି ସିସିଟିଭି କ୍ୟାମେରା ଓ ବିଭିନ୍ନ ପୂଜା ମଣ୍ଡପ ପକ୍ଷରୁ ମଧ୍ୟ ସିସିଟିଭି କ୍ୟାମେରା ଲଗାଯାଇଛି ।  ଆସନ୍ତା ୭ ଦିନ ଧରି ଲକ୍ଷାଧିକ ଲୋକଙ୍କ ସମାଗମ ହେଉଥିବାରୁ ପୋଲିସ ପ୍ରଶାସନ ପକ୍ଷରୁ ୪ଟି କଣ୍ଟ୍ରୋଲ ରୁମ୍ କରାଯାଇ  ଟ୍ରାଫିକ ବ୍ୟବସ୍ଥାକୁ କଡାକଡି କରାଯାଇଥିବା ଅତିରିକ୍ତ ଏସପି ସୂଚନା ଦେଇଛନ୍ତି । ସେହିପରି ବିଭିନ୍ନ ମଣ୍ଡପ ପକ୍ଷରୁ ମଧ୍ୟ ରାତି ଭିତରେ ସମସ୍ତ ସାଜସଜ୍ଜା ସାରିବା ପାଇଁ ପ୍ରୟାସ ଜାରି ରହିଛି । ଗାଡି ପାର୍କିଂ ପାଇଁ ବିଜୁ କନଭେନସନ ଓ ଏମ୍ପାୟାର୍ସ ହୋଟେଲ ନିକଟ ସ୍ଥାନକୁ ପ୍ରଶାସନ ପକ୍ଷରୁ ଚିହ୍ନଟ କରାଯାଇଛି ।  ସକାଳୁ କଳସ ଯାତ୍ରା ଆରମ୍ଭ ହେବା ସହିତ ସନ୍ଧ୍ୟା ପର୍ଯ୍ୟନ୍ତ ପୂଜା ନୀତି କରାଯିବ ଏବଂ ୧୮ ତାରିଖ ଠାରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯିବ । ….