Zelensky: ମିଳିଲାନି ପାଟ୍ରିଅଟ୍: ଆମେରିକାରେ ଅବସ୍ଥାପିତ ୟୁକେନ ରାଷ୍ଟ୍ରଦୂତଙ୍କୁ ବହିଷ୍କାର କଲେ ଜେଲେନସ୍କି

"କିଭ୍: ୟୁକ୍ରେନୀୟ ରାଷ୍ଟ୍ରପତି ଭୋଲୋଡିମିର ଜେଲେନସ୍କି ଆମେରିକାରେ ତାଙ୍କ ରାଷ୍ଟ୍ରଦୂତ ଓଲଗା ଷ୍ଟେଫାନିସିନାଙ୍କୁ ବହିଷ୍କାର କରିଛନ୍ତି।

ଗତ ମାସରେ ହୋଇଥିବା ସରକାରୀ ଅଦଳବଦଳ ପରେ ଏହା ଆଶା କରାଯାଉଥିଲା।

କିଭ୍ ରୁଷିଆ ଆକ୍ରମଣକୁ ରୋକିବା ପାଇଁ ୱାସିଂଟନରୁ ଅଧିକ ପାଟ୍ରିଅଟ୍ ବାୟୁ ପ୍ରତିରକ୍ଷା କ୍ଷେପଣାସ୍ତ୍ର ପାଇବା ପାଇଁ ଲବି କରୁଥିଲା।

ମାତ୍ର ଏଥିରେ ବିଫଳ ହୋଇଥିଲା।

ଷ୍ଟେଫାନିଶିନାଙ୍କୁ ହଟାଇବାର ଏହା ମୁଖ୍ୟ କାରଣ ବୋଲି କୁହାଯାଉଛି।

ଏକ ଫେସବୁକ୍ ପୋଷ୍ଟରେ ସେ ତାଙ୍କ ଦାୟିତ୍ୱରୁ ମୁକ୍ତ ହେବା ପାଇଁ ଏକ ଚିଠି ମଧ୍ୟ ପୋଷ୍ଟ କରିଛନ୍ତି।

ଷ୍ଟେଫାନିଶିନା କହିଛନ୍ତି ଯେ, ଏହି ନିଷ୍ପତ୍ତି ତାଙ୍କର ନିଜର ଏବଂ ବ୍ୟକ୍ତିଗତ ପରିସ୍ଥିତି ଯୋଗୁଁ ହୋଇଛି।

ସେ ୱାଶିଂଟନରେ ତାଙ୍କର ପୋଷ୍ଟିଂକୁ ତାଙ୍କ ଜୀବନର ସର୍ବୋତ୍ତମ ସମ୍ମାନ ବୋଲି କହିଛନ୍ତି।Advertisment ଆନୁଷ୍ଠାନିକ ଭାବରେ ଅଭିଯୁକ୍ତ କରାଯାଇ ନାହିଁ ୱାସିଂଟନର ରାଜନୈତିକ ସ୍ଥିତି ଆମ ବିରୋଧରେ ବଦଳୁଥିବା ସମୟରେ ଆମେ ଆମେରିକୀୟ ଅସ୍ତ୍ରଶସ୍ତ୍ର ଆଣିବା ବୃଦ୍ଧି କରିଥିଲୁ ଏବଂ ସମର୍ଥନ ବଜାୟ ରଖିଥିଲୁ ବୋଲି ସେ କହିଛନ୍ତି।

ପୂର୍ବତନ ଉପପ୍ରଧାନମନ୍ତ୍ରୀ ଏବଂ ନ୍ୟାୟ ମନ୍ତ୍ରୀ ଷ୍ଟେଫାନିଶିନାଙ୍କୁ ଗତ ବର୍ଷ ଜୁଲାଇରେ ରାଷ୍ଟ୍ରଦୂତ ଭାବରେ ମନୋନୀତ କରାଯାଇଥିଲା।ୟୁକ୍ରେନ ପାଇଁ ଏହି ପଦବୀ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଯାହା ରୁଷ ବିରୁଦ୍ଧରେ ସଂଘର୍ଷରେ ଆମେରିକାର ଅସ୍ତ୍ରଶସ୍ତ୍ର ଯୋଗାଣ ଏବଂ ଗୁପ୍ତଚର ଆଦାନପ୍ରଦାନ ଉପରେ ନିର୍ଭର କରେ।

ୟୁକ୍ରେନୀୟ ଗଣମାଧ୍ୟମ ଅନୁସାରେ, ଷ୍ଟେଫାନିଶିନାଙ୍କ ବିରୋଧରେ ଦେଶର ଦୁର୍ନୀତି ନିବାରଣ ଏଜେନ୍ସି ତଦନ୍ତ କରୁଛି।

ମାତ୍ର ତାଙ୍କୁ ଆନୁଷ୍ଠାନିକ ଭାବରେ ଅଭିଯୁକ୍ତ କରାଯାଇ ନାହିଁ।

ଷ୍ଟେଫାନିଶିନାଙ୍କ ସ୍ଥାନରେ କିଏ ରାଷ୍ଟ୍ରଦୂତ ହେବେ ସେନେଇ ଜେଲେନସ୍କି କୌଣସି ଘୋଷଣା କରି ନାହାନ୍ତି।

NATO: ୟୁକ୍ରେନ ପାଲଟିଛି ନୂତନ ଯୁଦ୍ଧ କୌଶଳ ପରୀକ୍ଷାର ପ୍ରୟୋଗଶାଳା: ନାଟୋ ପରେ ଇୟୁ ମଧ୍ୟ ୟୁକ୍ରେନକୁ ସମର୍ଥନ କରିବାକୁ ପଛଘୁଞ୍ଚା "