Vladimir Putin: ପୁଟିନ ୫ ଲକ୍ଷ ନୂଆ ସୈନ୍ୟ ମୁତୟନ କରିପାରନ୍ତି: ଜେଲେନସ୍କିଙ୍କ ଚେତାବନୀ

"କିବ୍‌: ରୁଷ୍‌-ୟୁକ୍ରେନ ଯୁଦ୍ଧ ଆହୁରି ତୀବ୍ର ହେବାର ଆଶଙ୍କା ମଧ୍ୟରେ ରୁଷ୍‌ ରାଷ୍ଟ୍ରପତି ଭ୍ଲାଦିମିର ପୁଟିନ ପ୍ରାୟ ୫ ଲକ୍ଷ ନୂଆ ସୈନ୍ୟ ମୁତୟନ କରିବାକୁ ପ୍ରସ୍ତୁତ ହେଉଥିବା ନେଇ ୟୁକ୍ରେନ ରାଷ୍ଟ୍ରପତି ବୋଲଡିମିର ଜେଲେନସ୍କି ଚେତାବନୀ ଦେଇଛନ୍ତି।

ୟୁକ୍ରେନୀୟ ଗୁଇନ୍ଦା ସୂଚନାକୁ ଉଦ୍ଧୃତ କରି ସେ କହିଛନ୍ତି, ରୁଷ୍‌ରେ ସେପ୍ଟେମ୍ବର ୨୧ରେ ରାଜ୍ୟ ଡୁମା ନିର୍ବାଚନ ଶେଷ ହେବା ପରେ ପୁଟିନ ଏହି ପ୍ରକ୍ରିୟା ଆରମ୍ଭ କରିପାରନ୍ତି।Advertisment ଆହୁରି ପଢନ୍ତୁ :"Pushpa Gang" Leader ଚଳାଉଥିଲା "ପୁଷ୍ପା ଗ୍ୟାଙ୍ଗ", ଚକମା ଦେଇ ଫେରାଥିଲା, ସୁବର୍ଣ୍ଣପୁରରୁ ଧରାପଡ଼ିଲା ଏତେ ବଡ଼ ସଂଖ୍ୟାରେ ଲୋକଙ୍କୁ ତୁରନ୍ତ ସାମରିକ ପ୍ରଶିକ୍ଷଣ ଦେବା ରୁଷ୍‌ ପାଇଁ ସହଜ ହେବ ନାହିଁ ବୋଲି ମଧ୍ୟ ଜେଲେନସ୍କି ଦାବି କରିଛନ୍ତି।

ଫଳରେ ଅଳ୍ପ ପ୍ରଶିକ୍ଷଣ ପାଇଥିବା ଲୋକଙ୍କୁ ଯୁଦ୍ଧକ୍ଷେତ୍ରକୁ ପଠାଯାଇପାରେ ଏବଂ ଏଥିରେ ଅଧିକ ଜୀବନହାନି ହୋଇପାରେ ବୋଲି ସେ ଚେତାବନୀ ଦେଇଛନ୍ତି।

ଏହା ମଧ୍ୟରେ ୟୁକ୍ରେନ ରୁଷ୍‌ର ଗଭୀର ଅଞ୍ଚଳଗୁଡ଼ିକୁ ଦୂରଗାମୀ ଆକ୍ରମଣ ଜାରି ରଖିଥିବାରୁ ପରମାଣୁ ଅସ୍ତ୍ର ବ୍ୟବହାର ନେଇ ମଧ୍ୟ ଆଶଙ୍କା ବଢ଼ିଛି।

ତୁର୍କୀର ବୈଦେଶିକ ମନ୍ତ୍ରୀ ହାକାନ ଫିଦାନ କହିଛନ୍ତି, ଯଦି ଯୁଦ୍ଧ ରୁଷ୍‌କୁ ଏପରି ସ୍ଥିତିକୁ ଠେଲିଦିଏ, ଯେଉଁଠାରେ ଦେଶର ଅସ୍ତିତ୍ୱ ସଂକଟରେ ପଡ଼େ, ତେବେ ପୁଟିନ ତାଙ୍କର "ଶେଷ ବିକଳ୍ପ" ଭାବେ ପରମାଣୁ ଅସ୍ତ୍ର ବ୍ୟବହାର କରିପାରନ୍ତି।

ଆହୁରି ପଢନ୍ତୁ :Lightning Strike ବଜ୍ରପାତରେ ଜଣେ ମହିଳାଙ୍କ ସମେତ ୨ ଚାଷୀ ମୃତ  ଏହା ଅତ୍ୟନ୍ତ ବିପଜ୍ଜନକ ସ୍ଥିତି ହେବ ବୋଲି ଫିଦାନ କହିଛନ୍ତି।

ଏହି ସମୟରେ ରୁଷ୍‌ ଓ ୟୁକ୍ରେନ ଉଭୟ ପକ୍ଷରୁ ଦୂରଗାମୀ ଆକ୍ରମଣ ବଢ଼ିଛି।

ଜାତିସଂଘ ଅନୁଯାୟୀ, ଚଳିତ ବର୍ଷ ଆକ୍ରମଣ ବୃଦ୍ଧି ପାଇବାରୁ ସାଧାରଣ ନାଗରିକଙ୍କ ମୃତ୍ୟୁ ମଧ୍ୟ ବଢ଼ିଛି।

ସୋମବାର ୟୁକ୍ରେନର ଡ୍ରୋନ୍‌ ଆକ୍ରମଣରେ ରୁଷ୍‌ର ତାଟାରସ୍ତାନରେ ଅତି କମ୍‌ରେ ୧୩ ଜଣଙ୍କ ମୃତ୍ୟୁ ହୋଇଥିବା ବେଳେ ୟୁକ୍ରେନର ଉତ୍ତର-ପୂର୍ବ ଖାରକିଭ ଅଞ୍ଚଳର ଏକ ଗାଁରେ ରୁଷ୍‌ର ତୋପ ଆକ୍ରମଣରେ ୫ ଜଣଙ୍କ ମୃତ୍ୟୁ ହୋଇଛି।

ରୁଷ୍‌ ପ୍ରତିରକ୍ଷା ମନ୍ତ୍ରଣାଳୟ୪୫୬ ୟୁକ୍ରେନୀୟ ଡ୍ରୋନ୍‌ ଖସାଇଥିବା ଦାବି କରିଥିବା ବେଳେ ୟୁକ୍ରେନ ବାୟୁସେନା ରୁଷ୍‌ ପକ୍ଷରୁ ୧୨୬ ଡ୍ରୋନ୍‌ ଛଡ଼ାଯାଇଥିବା କହିଛି।

"