Suvendu Adhikari: ବିଜେପିର ନନ୍ଦୀଗ୍ରାମ ଉପନିର୍ବାଚନ ପ୍ରାର୍ଥୀ ହେଲେ ଶୁଭେନ୍ଦୁଙ୍କ ମୃତ ପିଏଙ୍କ ମା’

"କୋଲକାତା: ପଶ୍ଚିମବଙ୍ଗର ନନ୍ଦୀଗ୍ରାମ ବିଧାନସଭା ଆସନରେ ଅକ୍ଟୋବର ୬ରେ ହେବାକୁ ଥିବା ଉପନିର୍ବାଚନ ପାଇଁ ବିଜେପି ହାସିରାଣୀ ରଥଙ୍କୁ ପ୍ରାର୍ଥୀ କରିଛି।

ସେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ମୃତ ବ୍ୟକ୍ତିଗତ ସହାୟକ (ପିଏ) ଚନ୍ଦ୍ରନାଥ ରଥଙ୍କ ମା"।

ବିଜେପି ମଙ୍ଗଳବାର ନନ୍ଦୀଗ୍ରାମ ସମେତ ରେଜିନଗର ଆସନ ପାଇଁ ମଧ୍ୟ ପ୍ରାର୍ଥୀ ଘୋଷଣା କରିଛି।

ରେଜିନଗରରୁ ଦଳ ଶଖାରାଓ ସରକାରଙ୍କୁ ପ୍ରାର୍ଥୀ କରିଛି।Advertisment ଚନ୍ଦ୍ରନାଥ ରଥ ଶୁଭେନ୍ଦୁ ଅଧିକାରୀଙ୍କ ଘନିଷ୍ଠ ସହଯୋଗୀ ଥିଲେ।

ପଶ୍ଚିମବଙ୍ଗ ବିଧାନସଭା ନିର୍ବାଚନ ଫଳ ପ୍ରକାଶର ଦୁଇ ଦିନ ପରେ, ମେ ୬ ତାରିଖରେ ଉତ୍ତର ୨୪ ପ୍ରଗଣା ଜିଲ୍ଲାର ମଧ୍ୟମଗ୍ରାମରେ ତାଙ୍କୁ ଗୁଳି କରି ହତ୍ୟା କରାଯାଇଥିଲା।

ଶୁଭେନ୍ଦୁ ଅଧିକାରୀ ମୁଖ୍ୟମନ୍ତ୍ରୀ ଭାବେ ଶପଥ ନେବାର ତିନି ଦିନ ପୂର୍ବରୁ ଏହି ହତ୍ୟା ଘଟିଥିଲା।

ଘଟଣାର ତଦନ୍ତ ଏବେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) କରୁଛି।

ଜୁଲାଇରେ ଚନ୍ଦ୍ରନାଥଙ୍କ ହତ୍ୟା ଷଡ଼୍‌ଯନ୍ତ୍ରରେ ସମ୍ପୃକ୍ତ ଥିବା ଅଭିଯୋଗରେ ଦୁଇ ବିଜେପି କର୍ମୀଙ୍କୁ ସିବିଆଇ ଗିରଫ କରିଥିଲା।

ପୁଅର ମୃତ୍ୟୁ ପରେ ଶୁଭେନ୍ଦୁଙ୍କୁ ଅଭିଭାବକ ମାନନ୍ତି ହାସିରାଣୀ।

ଦଳ ପ୍ରାର୍ଥୀ ଘୋଷଣା କରିବା ପୂର୍ବରୁ ସେ କହିଥିଲେ, ଶୁଭେନ୍ଦୁ ଯେଉଁ ଦାୟିତ୍ୱ ଦେବେ, ସେ ତାହା ଗ୍ରହଣ କରିବେ ଏବଂ ନନ୍ଦୀଗ୍ରାମ ପାଇଁ ନିଜର ସମସ୍ତ ଶକ୍ତି ଦେବେ।

ମଙ୍ଗଳବାର ସେ ହାଲଦିଆ ଉପଖଣ୍ଡ କାର୍ଯ୍ୟାଳୟରେ ନାମାଙ୍କନପତ୍ର ଦାଖଲ କରିଛନ୍ତି।

ଶୁଭେନ୍ଦୁ ଅଧିକାରୀ ନନ୍ଦୀଗ୍ରାମ ଆସନ ଛାଡ଼ିବା ପରେ ଏଠାରେ ଉପନିର୍ବାଚନ ହେଉଛି।

୨୦୨୬ ବିଧାନସଭା ନିର୍ବାଚନରେ ସେ ନନ୍ଦୀଗ୍ରାମ ଓ ଭବାନୀପୁର ଦୁଇଟି ଆସନରୁ ଜିତିଥିଲେ।

ପରେ ଭବାନୀପୁର ଆସନକୁ ରଖି ନନ୍ଦୀଗ୍ରାମରୁ ଇସ୍ତଫା ଦେଇଥିଲେ।

ନନ୍ଦୀଗ୍ରାମ ସହ ରେଜିନଗର ଆସନରେ ମଧ୍ୟ ଅକ୍ଟୋବର ୬ରେ ମତଦାନ ହେବ ଏବଂ ଅକ୍ଟୋବର ୯ରେ ଫଳ ପ୍ରକାଶ ପାଇବ।

ଏହି ଉପନିର୍ବାଚନରେ ତୃଣମୂଳ କଂଗ୍ରେସର ଦୁଇ ଗୋଷ୍ଠୀ ମଧ୍ୟ ଭିନ୍ନ ଭିନ୍ନ ପ୍ରାର୍ଥୀ ଦେଇଛନ୍ତି।

ତେଣୁ ନନ୍ଦୀଗ୍ରାମର ଲଢ଼େଇ ଏଥର ଅଧିକ ରୋଚକ ହେବାର ସମ୍ଭାବନା ରହିଛି।

ଓରାକଲ୍‌ରେ ପୁଣି ଛଟେଇ; ଏଥର ଏଆଇ ପାଇଁ ବଢ଼ୁଥିବା ଖର୍ଚ୍ଚ ମଧ୍ୟରେ କର୍ମଚାରୀଙ୍କୁ ଚାକିରିରୁ ବିଦା "