suicide in Delhi: ଦିଲ୍ଲୀରେ ୨୪ ବର୍ଷୀୟା ମହିଳାଙ୍କ ଆତ୍ମହତ୍ୟା: ଶ୍ବଶୁର ଘର ଲୋକ ନିର୍ଯାତନା ଦେଉଥିବା ଅଭିଯୋଗ

"ନୂଆଦିଲ୍ଲୀ: ଦିଲ୍ଲୀର ନାଙ୍ଗଲୋଇ ଅଞ୍ଚଳରେ ଥିବା ତାଙ୍କ ଶ୍ବଶୁର ଘରେ ଜଣେ ୨୪ ବର୍ଷୀୟା ମହିଳା ଆତ୍ମହତ୍ୟା କରିଛନ୍ତି।

ଆତ୍ମହତ୍ୟା ପୂର୍ବରୁ ମହିଳା ଜଣକ ଦୁଇଟି ଭିଡିଓ ଜାରି କରି ସେ ତାଙ୍କ ସ୍ବାମୀ ଓ ଶ୍ୱଶୁର ଘର ଲୋକଙ୍କ ବିରୋଧରେ ନିର୍ଯାତନା ଅଭିଯୋଗ କରିଛନ୍ତି।

ପୁଲିସ ଅଧିକାରୀଙ୍କ ଅନୁଯାୟୀ, ସୋମବାର ସକାଳ ୧୧ଟା ୯ ମିନିଟରେ ନାଙ୍ଗଲୋଇ ପୁଲିସ ଷ୍ଟେସନକୁ ଏହି ଘଟଣାର ରିପୋର୍ଟ ମିଳିଥିଲା।

ନାଙ୍ଗଲୋଇ ଏକ୍ସଟେନସନର ବାସିନ୍ଦା ୨୪ ବର୍ଷୀୟା ମହିଳାଙ୍କୁ ସଞ୍ଜୟ ଗାନ୍ଧୀ ମେମୋରିଆଲ ହସ୍ପିଟାଲକୁ ଅଣାଯାଇଥିଲା।

ଡାକ୍ତର ମହିଳାଙ୍କୁ ମୃତ ଘୋଷଣା କରିଥିଲେ।

ପ୍ରାଥମିକ ତଦନ୍ତ ସମୟରେ ମହିଳା ଜଣକ ସିଲିଂ ଫ୍ୟାନରେ ରସି ଦେଇ ଆତ୍ମହତ୍ୟା କରିଥିବା ଜଣାପଡ଼ିଛି।Advertisment ମୃତ ମହିଳାଙ୍କ ମାଆଙ୍କ ବୟାନ ରେକର୍ଡ କରିଛନ୍ତି ଅଧିକାରୀମାନେ କହିଛନ୍ତି ଯେ ମୁଣ୍ଡକା ତହସିଲଦାର ମୃତ ମହିଳାଙ୍କ ମାଆଙ୍କ ବୟାନ ରେକର୍ଡ କରିଛନ୍ତି, ଯେଉଁଥିରେ ସେ ଅଭିଯୋଗ କରିଛନ୍ତି ଯେ, ତାଙ୍କ ଝିଅର ସ୍ୱାମୀ ରୋହିତ ମଦ୍ୟପାନ କରି ତାଙ୍କୁ ପ୍ରାୟତଃ ମାଡ଼ପିଟ୍‌ କରୁଥିଲା।

ତାଙ୍କ ଝିଅ ଦୀର୍ଘ ଦିନ ଧରି ବୈବାହିକ ସମସ୍ୟାର ସମ୍ମୁଖୀନ ହେଉଥିଲେ।

ମୃତ ମହିଳାଙ୍କର ଏକ ଦେଢ଼ ବର୍ଷର ଶିଶୁକନ୍ୟା ଅଛନ୍ତି।

ସେ ତାଙ୍କ ଝିଅକୁ ସ୍ବାମୀଙ୍କୁ ନଦେଇ ତାଙ୍କ ବାପାମା" ନିଜ ପାଖରେ ରଖନ୍ତୁ ବୋଲି କହିଛନ୍ତି।ମୃତ ମହିଳାଙ୍କ ଆତ୍ମହତ୍ୟା କରିବାର କିଛି ସମୟ ପୂର୍ବରୁ ତାଙ୍କ ଦ୍ୱାରା ରେକର୍ଡ କରାଯାଇଥିବା ଦୁଇଟି ଭିଡିଓ ଦାଖଲ କରିଥିଲେ।

ପୁଲିସ କହିଛି ଯେ, ଏହି ରେକର୍ଡିଂଗୁଡ଼ିକର ଯାଞ୍ଚ କରାଯାଉଛି।

ଅଧିକାରୀଙ୍କ ଅନୁଯାୟୀ, ଭିଡିଓଗୁଡ଼ିକ ମହିଳାଙ୍କ ଉପରେ ତାଙ୍କ ସ୍ୱାମୀଙ୍କ ଦ୍ୱାରା ନିରନ୍ତର ନିର୍ଯାତନା ଯୋଗୁଁ ତୀବ୍ର ମାନସିକ ଯନ୍ତ୍ରଣା ଓ ଜୀବନ ପ୍ରତି ବିପଦ ରହିଥିବା ଦର୍ଶାଉଛି।

ତଦନ୍ତକାରୀମାନେ ମହିଳାଙ୍କ ମୃତ୍ୟୁର କାରଣ ନିର୍ଣ୍ଣୟ କରିବା ପାଇଁ ରେକର୍ଡିଂଗୁଡ଼ିକର ବିଷୟବସ୍ତୁ ଓ ଅନ୍ୟାନ୍ୟ ଉପଲବ୍ଧ ପ୍ରମାଣର ମୂଲ୍ୟାଙ୍କନ କରୁଛନ୍ତି।

ମଙ୍ଗଳବାର ମହିଳାଙ୍କ ମୃତଦେହର ବ୍ୟବଚ୍ଛେଦ କରାଯାଇଥିଲା।

ପରିବାର ଦ୍ୱାରା କରାଯାଇଥିବା ଅଭିଯୋଗ ଓ ଏପର୍ଯ୍ୟନ୍ତ ସଂଗୃହୀତ ସୂଚନାକୁ ଆଧାର କରି ତଦନ୍ତ ପରେ ପୁଲିସ ମହିଳାଙ୍କ ସ୍ୱାମୀଙ୍କ ବିରୋଧରେ ଏକ ମାମଲା ରୁଜୁ କରିଛି।

ଅଧିକ ତଦନ୍ତ ଚାଲିଛି ଓ ପୁଲିସ ମାମଲାର ସମସ୍ତ ଦିଗ ଯାଞ୍ଚ କରୁଛି।

Pune Murder Case: ପୁଣେରେ ଭାବୀ ବରକୁ ହତ୍ୟା ମାମଲା: କେତନଙ୍କ ଭଉଣୀଙ୍କ ସନ୍ଦେହରୁ ଧରାପଡ଼ିଥିଲା ସିୟା "