Shrimp vs. fish: ଚିଙ୍ଗୁଡ଼ି ବନାମ ମାଛ

"ଚିଙ୍ଗୁଡ଼ି ଓ ମାଛ ଉଭୟ ପ୍ରୋଟିନ୍‌ରେ ଭରପୂର।

ତେବେ ସେମାନଙ୍କ ପୋଷଣ ଭିନ୍ନ ଭିନ୍ନ ସ୍ବାସ୍ଥ୍ୟ ସମ୍ବନ୍ଧୀୟ ଆବଶ୍ୟକତା ପୂରଣ କରିଥାଏ।

ଚିଙ୍ଗୁଡ଼ି ଅତ୍ୟନ୍ତ କମ୍‌ କ୍ୟାଲୋରିଯୁକ୍ତ ପ୍ରୋଟିନ୍‌ର ଉତ୍ସ, ଯେଉଁଥିରେ ସେଲେନିୟମ୍‌, ଜିଙ୍କ୍‌ ଓ ଆୟୋଡିନ୍‌ ପରି ଅତ୍ୟାବଶ୍ୟକ ମିନେରାଲ୍‌ସ ଥାଏ।

ଅନ୍ୟପକ୍ଷରେ ମାଛ ହୃତ୍‌ପିଣ୍ଡକୁ ସୁରକ୍ଷା ଦେଉଥିବା ଓମେଗା-୩ ଫ୍ୟାଟି ଏସିଡ୍ ଓ ଭିଟାମିନ୍-ଡି ଯୋଗାଇଥାଏ।

ପ୍ରତି ୧୦୦ ଗ୍ରାମ ରନ୍ଧା ଚିଙ୍ଗୁଡ଼ିରେ ୧୦୦ କ୍ୟାଲୋରି, ୨୦ ଗ୍ରାମ୍‌ ପ୍ରୋଟିନ୍‌ ଓ ୧ ଗ୍ରାମ୍‌ ଫ୍ୟାଟ୍ ରହିଥାଏ।

ତା ସହ ଭିଟାମିନ୍ ବି-୧୨, ସେଲେନିୟମ୍, ଜିଙ୍କ୍, ଆୟୋଡିନ୍, ଫସଫରସ୍ ଓ ଆଷ୍ଟାକ୍ସାନ୍ଥିନ୍ ବି ଥାଏ।

ଯେଉଁମାନେ ଓଜନ କମାଇବାକୁ ଚାହାନ୍ତି ବା ଶରୀରରେ ଖଣିଜ ପଦାର୍ଥର ମାତ୍ରା ବଢ଼ାଇବାକୁ ଚାହାନ୍ତି, ସେମାନଙ୍କ ପାଇଁ ଚିଙ୍ଗୁଡ଼ି ଏକ ଉତ୍ତମ ବିକଳ୍ପ।

ସେହିପରି ୧୦୦ ଗ୍ରାମ୍‌ ମାଛରେ କ୍ୟାଲୋରି ୧୦୦ରୁ ୧୩୦ ରହିଥିବା ବେଳେ ପ୍ରୋଟିନ୍‌ ୨୦ରୁ ୨୪ ଗ୍ରାମ୍‌ ଓ ଫ୍ୟାଟ୍‌ ୧-୩ ଗ୍ରାମ୍‌ ରହିଥାଏ।

ସେହିପରି ଭିଟାମିନ୍-ବି, ଭିଟାମିନ୍-ଡି, ଆୟୋଡିନ୍ ଓ ଓମେଗା-୩ ଫ୍ୟାଟି ଏସିଡ୍ ମଧ୍ୟ ଥାଏ।Advertisment Elephant: ଘର ଭାଙ୍ଗିଲା, ଫସଲ ନଷ୍ଟ କଲା ଦନ୍ତା; ଭୟଭୀତ ଅଞ୍ଚଳବାସୀ ଉଭୟ ଚିଙ୍ଗୁଡ଼ି ଓ ମାଛ ପ୍ରୋଟିନ୍‌ର ଭଲ ଉତ୍ସ।

ଉଭୟରେ ଶରୀର ପାଇଁ ଆବଶ୍ୟକୀୟ ଆମିନୋ ଏସିଡ୍ ରହିଛି, ଯାହା ମାଂସପେଶୀ ଗଠନ ଓ ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ସାହାଯ୍ୟ କରେ।

ଉଭୟ ଚିଙ୍ଗୁଡ଼ି ଓ ମାଛ ଓଜନ କମାଇବା ପାଇଁ ଖୁବ୍ ଉପଯୋଗୀ।

ଚିଙ୍ଗୁଡ଼ିରେ କ୍ୟାଲୋରି ଓ ଚର୍ବି ବହୁତ କମ୍ ଥାଏ।

ଏହା ପେଟକୁ ଦୀର୍ଘ ସମୟ ପର୍ଯ୍ୟନ୍ତ ପୂର୍ଣ୍ଣ ରଖେ।

ମାଛ ଓଜନ ନିୟନ୍ତ୍ରଣ ପାଇଁ ଭଲ ଓ ତେଲିଆ ମାଛରେ ଥିବା ଓମେଗା-୩ ଚର୍ବି ହ୍ରାସ କରିବାରେ ସାହାଯ୍ୟ କରେ।

ଅତ୍ୟଧିକ ତେଲ, ମସଲା କିମ୍ବା କ୍ରିମି ସସ୍ ବ୍ୟବହାର କରିବା ପରିବର୍ତ୍ତେ ଗ୍ରିଲ୍ କରି, ବାମ୍ଫରେ ସିଝାଇ ବା ଅଳ୍ପ ତେଲରେ ରାନ୍ଧି ଖାଇଲେ ଏହାର ପ୍ରକୃତ ସ୍ୱାସ୍ଥ୍ୟଗୁଣ ମିଳିଥାଏ।

ଚିଙ୍ଗୁଡ଼ି ମେଟାବୋଲିଜିମ୍ ଓ ଥାଇରଏଡ୍ ସ୍ୱାସ୍ଥ୍ୟ ପାଇଁ ଉତ୍ତମ।

ଆଖି ଓ ଚର୍ମର ସୁରକ୍ଷା ପାଇଁ ଏହା ଆଣ୍ଟି-ଅକ୍ସିଡାଣ୍ଟ ଯୋଗାଏ।

ଶରୀରର ପ୍ରଦାହ କମାଇବାରେ ବି ସାହାଯ୍ୟ କରେ।

ସେହିପରି ମାଛ ଓମେଗା-୩ ହୃତ୍‌ପିଣ୍ଡ, ମସ୍ତିଷ୍କ ଏବଂ ଗଣ୍ଠିର ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଜରୁରି।

ଏହା ସ୍ମରଣଶକ୍ତି ବୃଦ୍ଧି କରେ ଏବଂ ଭିଟାମିନ୍‌-ଡି ଯୋଗାଏ।

ସାଧା ମାଛ ହଜମ କରିବା ସହଜ, ତେଣୁ ପେଟ ପାଇଁ ଭଲ।

Heavy rain: କେରଳରେ ବର୍ଷା ବିପର୍ଯ୍ୟୟ, ମୃତ୍ୟୁସଂଖ୍ୟା ୨୦କୁ ବୃଦ୍ଧି"