Recruitment Exam: ପରୀକ୍ଷା ବାତିଲ ନିଷ୍ପତ୍ତି ଉପରେ ଝାଡ଼ଖଣ୍ଡ ହାଇକୋର୍ଟଙ୍କ ରୋକ; ୧୫ ଦିନ ମଧ୍ୟରେ ଜବାବ ତଲବ

"ରାଞ୍ଚି: ଝାଡ଼ଖଣ୍ଡ ସରକାରଙ୍କ ପକ୍ଷରୁ ଝାଡ଼ଖଣ୍ଡ ଲୋକସେବା ଆୟୋଗ (ଜେପିଏସ୍‌ସି) ଏବଂ ଝାଡ଼ଖଣ୍ଡ କର୍ମଚାରୀ ଚୟନ ଆୟୋଗ (ଜେଏସ୍‌ଏସ୍‌ସି) ଦ୍ୱାରା ପରିଚାଳିତ ବିଭିନ୍ନ ନିଯୁକ୍ତି ପରୀକ୍ଷାକୁ ବାତିଲ କରିବା ନିଷ୍ପତ୍ତି ଉପରେ ଝାଡ଼ଖଣ୍ଡ ହାଇକୋର୍ଟ ଗୁରୁବାର ରୋକ ଲଗାଇଛନ୍ତି।

ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ନେତୃତ୍ୱାଧୀନ ସରକାରଙ୍କ ଏହି ପରୀକ୍ଷା ବାତିଲ ନିଷ୍ପତ୍ତିକୁ ଚ୍ୟାଲେଞ୍ଜ କରି କୃତକାର୍ଯ୍ୟ ହୋଇଥିବା ପ୍ରାର୍ଥୀମାନଙ୍କ ପକ୍ଷରୁ ଦାୟର ୪ଟି ଆବେଦନ ଉପରେ ଶୁଣାଣି କରି ଅଦାଲତ ଏହି ସ୍ଥଗିତାଦେଶ ଜାରି କରିଛନ୍ତି।Advertisment ଏହାଦ୍ବାରା ପରୀକ୍ଷାରେ ଉତ୍ତୀର୍ଣ୍ଣ ହୋଇ ନିଯୁକ୍ତି ପାଇଥିବା ଏବଂ ନିଯୁକ୍ତି ଅପେକ୍ଷାରେ ଥାଇ ଅନିଶ୍ଚିତତା ମଧ୍ୟକୁ ଠେଲି ହୋଇଯାଇଥିବା ପ୍ରାର୍ଥୀଙ୍କୁ ଏକ ବଡ଼ ସାମୟିକ ଆଶ୍ୱସ୍ତି ମିଳିଛି।

ଏହା ସହିତ ମାମଲାର ପରବର୍ତ୍ତୀ ବିଚାର କରି ହାଇକୋର୍ଟ ଏହି ପ୍ରସଙ୍ଗରେ ୧୫ ଦିନ ମଧ୍ୟରେ ଜବାବ ଦାଖଲ କରିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି।

CRP: ଜେପିଏସ୍‌ସି, ଜେଏସ୍‌ଏସ୍‌ସି ପରୀକ୍ଷା ବାତିଲ କରିବାକୁ ଝାଡ଼ଖଣ୍ଡ ସରକାରଙ୍କ ନିଷ୍ପତ୍ତି ଉପରେ ରୋକ୍‌ ଲଗାଇଲେ ହାଇକୋର୍ଟ ଆବେଦନକାରୀଙ୍କ ପକ୍ଷରୁ କୋର୍ଟରେ ଯୁକ୍ତି ଉପସ୍ଥାପନ କରାଯାଇଥିଲା ଯେ, ରାଜ୍ୟ ସରକାର ପ୍ରଭାବିତ ପ୍ରାର୍ଥୀମାନଙ୍କୁ ନିଜର ପକ୍ଷ ରଖିବାକୁ କୌଣସି ସୁଯୋଗ ନ ଦେଇ ଏକପାଖିଆ ଭାବେ ୨୨ଟି ନିଯୁକ୍ତି ପରୀକ୍ଷା ଏବଂ ନିଯୁକ୍ତି ପ୍ରକ୍ରିୟାକୁ ବାତିଲ କରିଦେଇଛନ୍ତି।

ତେବେ ପରୀକ୍ଷା ପ୍ରକ୍ରିୟାରେ କିଛି ଅନିୟମିତତା ଅଭିଯୋଗ ହେବା ଯୋଗୁଁ ସରକାର ସମସ୍ତ ସଫଳ ପ୍ରାର୍ଥୀଙ୍କ ନିଯୁକ୍ତିକୁ ଏକାସଙ୍ଗେ ବାତିଲ କରିବା ଅନୁଚିତ।

ଅଦାଲତ ଏହି ମାମଲାରେ ପ୍ରାକୃତିକ ନ୍ୟାୟର ସିଦ୍ଧାନ୍ତ ଆଧାରରେ ପ୍ରକୃତ ଦୋଷୀ ଏବଂ ସଠିକ୍‌ ଭାବେ ଯୋଗ୍ୟତା ହାସଲ କରିଥିବା ପ୍ରାର୍ଥୀମାନଙ୍କ ମଧ୍ୟରେ ପାର୍ଥକ୍ୟ ନିରୂପଣ କରିବାକୁ ନିବେଦନ କରାଯାଇଛି।

ସୂଚନାଯୋଗ୍ୟ ଯେ, ଏହି ବାତିଲ ପ୍ରକ୍ରିୟା ଦ୍ୱାରା ୧୧ତମ-୧୩ତମ ଜେପିଏସ୍‌ସି ମିଳିତ ସିଭିଲ ସେବା ପରୀକ୍ଷା, ଜେଏସ୍‌ଏସ୍‌ସି-ସିଜିଏଲ ଏବଂ ଖାଦ୍ୟ ସୁରକ୍ଷା ଅଧିକାରୀ ପରୀକ୍ଷା ସମେତ ବହୁ ଗୁରୁତ୍ୱପୂର୍ଣ୍ଣ ନିଯୁକ୍ତି ପ୍ରଭାବିତ ହୋଇଥିଲା।

ଅନ୍ୟପକ୍ଷରେ ରାଜ୍ୟରେ ନିଯୁକ୍ତି ପରୀକ୍ଷାଗୁଡ଼ିକରେ ବ୍ୟାପକ ଅନିୟମିତତା ଏବଂ ପ୍ରଶ୍ନପତ୍ର ଲିକ୍‌ ଅଭିଯୋଗକୁ ନେଇ ଚାକିରି ଆଶାୟୀ ଛାତ୍ରମାନଙ୍କ ପକ୍ଷରୁ ଜୋରଦାର ଆନ୍ଦୋଳନ କରାଯାଇଥିଲା।

ଏହି ବିରୋଧ ପ୍ରଦର୍ଶନ ଏବଂ ସିବିଆଇ ତଦନ୍ତ ଦାବି ପରେ ହେମନ୍ତ ସୋରେନ ସରକାର ୨୨ଟି ନିଯୁକ୍ତି ପରୀକ୍ଷାକୁ ସମ୍ପୂର୍ଣ୍ଣ ବାତିଲ କରିବା ସହ ଅନ୍ୟ କେତେକ ପରୀକ୍ଷାର ତଦନ୍ତ ନିର୍ଦ୍ଦେଶ ଦେଇଥିଲେ।

ମାତ୍ର ସରକାରଙ୍କ ଏହି ସାମଗ୍ରିକ ବାତିଲ ନିଷ୍ପତ୍ତି ଯୋଗୁଁ ପୂର୍ବରୁ ସରକାରୀ ସେବାରେ ଯୋଗ ଦେଇସାରିଥିବା ଅନେକ ନିରୀହ ପ୍ରାର୍ଥୀଙ୍କ ଚାକିରି ପ୍ରତି ବିପଦ ସୃଷ୍ଟି ହୋଇଥିଲା।

"