Rahul Gandhi: ରାହୁଲ ଗାନ୍ଧୀ କେତେ ସମ୍ପତ୍ତିର ମାଲିକ, କେଉଁଠୁ ହୁଏ ତାଙ୍କର ଆୟ?

"ନୂଆଦିଲ୍ଲୀ: ଲୋକସଭାର ବିରୋଧୀ ଦଳ ନେତା ରାହୁଲ ଗାନ୍ଧୀ ପ୍ରାୟତଃ ତାଙ୍କ ରାଜନୈତିକ ନିଷ୍ପତ୍ତି ଓ ସରକାର ବିରୋଧୀ ବୟାନକୁ ନେଇ ଚର୍ଚ୍ଚାରେ ରହିଥାନ୍ତି।

ଗତକାଲି ରାଜଧାନୀ ଦିଲ୍ଲୀର ଆକାଶବାଣୀ ଭବନ ନିକଟରେ ମୁଖ୍ୟ ନିର୍ବାଚନ କମିସନର ଜ୍ଞାନେଶ କୁମାରଙ୍କ ଇସ୍ତଫା ଦାବିରେ ସେ ଦଳୀୟ ନେତାମାନଙ୍କ ସହ ଧାରଣାରେ ବସିଥିଲେ।

ଏହି ସମୟରେ ପୁଲିସ ତାଙ୍କୁ ହେପାଜତକୁ ନେଇ ପରେ ଛାଡ଼ିଦେବା ପରେ ସେ ପୁଣି ଚର୍ଚ୍ଚାକୁ ଆସିଥିଲେ।Advertisment ରାହୁଲ ଗାନ୍ଧୀଙ୍କ ବ୍ୟକ୍ତିଗତ ସମ୍ପତ୍ତି ଏବଂ ଗୁରୁଗ୍ରାମରେ ଥିବା ତାଙ୍କ କାର୍ଯ୍ୟାଳୟର ମୂଲ୍ୟକୁ ନେଇ ମଧ୍ୟ ଲୋକଙ୍କ ମଧ୍ୟରେ ଉତ୍ସୁକତା ରହିଛି।

ନିର୍ବାଚନ କମିସନଙ୍କ ନିକଟରେ ଦାଖଲ ହୋଇଥିବା ସରକାରୀ ଦସ୍ତାବିଜ ଆଧାରରେ ରାହୁଲ ଗାନ୍ଧୀଙ୍କ ମୋଟ ସମ୍ପତ୍ତି କେତେ ଏବଂ କେଉଁ କେଉଁ ଉତ୍ସରୁ ତାଙ୍କ ଆୟ ହୋଇଥାଏ ଆସନ୍ତୁ ଜାଣିବା।

୨୦୨୪ ଲୋକସଭା ନିର୍ବାଚନ ସମୟରେ ଦାଖଲ କରିଥିବା ସତ୍ୟପାଠ ଅନୁଯାୟୀ, ରାହୁଲ ଗାନ୍ଧୀଙ୍କ ମୋଟ ସମ୍ପତ୍ତି ୨୦.୩୯ କୋଟି ଟଙ୍କାରୁ ଅଧିକ।

ସତ୍ୟପାଠରେ ସେ ଦେଇଥିବା ସୂଚନା ଅନୁଯାୟୀ, ଗତ ୫ ବର୍ଷ ମଧ୍ୟରେ ତାଙ୍କ ମୋଟ ଆୟ ପ୍ରାୟ ୬ କୋଟି ଟଙ୍କା ଥିଲା।

ଏହା ପୂର୍ବରୁ ୨୦୧୯ ସାଧାରଣ ନିର୍ବାଚନରେ ସେ ନିଜ ସମ୍ପତ୍ତି ୧୫.୮୮ କୋଟି ଟଙ୍କା ବୋଲି ଘୋଷଣା କରିଥିଲେ।

ଅର୍ଥାତ୍‌ ୫ ବର୍ଷ ମଧ୍ୟରେ ତାଙ୍କ ମୋଟ ସମ୍ପତ୍ତିରେ ପ୍ରାୟ ୫ କୋଟି ଟଙ୍କା ବୃଦ୍ଧି ହୋଇଛି।

ନଗଦ ଓ ବ୍ୟାଙ୍କ ଜମା ସତ୍ୟପାଠରେ ଦିଆଯାଇଥିବା ବିବରଣୀ ଅନୁଯାୟୀ, ରାହୁଲ ଗାନ୍ଧୀଙ୍କ ପାଖରେ ଅଧିକ ନଗଦ ଟଙ୍କା ନଥାଏ।

ସତ୍ୟପାଠ ଦାଖଲ ସମୟରେ ତାଙ୍କ ପାଖରେ ୫୫ ହଜାର ଟଙ୍କା ନଗଦ ଥିଲା।

ଏହା ବ୍ୟତୀତ ଦିଲ୍ଲୀର ଦୁଇଟି ଭିନ୍ନ ବ୍ୟାଙ୍କ ଖାତାରେ ମୋଟ ୨୬.୨୫ ଲକ୍ଷ ଟଙ୍କା ଜମା ଥିଲା।

ରାହୁଲ ଗାନ୍ଧୀଙ୍କ ସ୍ଥାବର ସମ୍ପତ୍ତିର ଏକ ବଡ଼ ଅଂଶ ସେୟାର ବଜାର ଓ ବିଭିନ୍ନ ଆର୍ଥିକ ନିବେଶରେ ଲାଗିଛି।

ତାଙ୍କ ପାଖରେ ୟଙ୍ଗ ଇଣ୍ଡିଆନ୍ କମ୍ପାନିର ୧୦୦ ଟଙ୍କା ମୂଲ୍ୟର ୧,୯୦୦ଟି ସେୟାର ରହିଛି, ଯାହାର ମୋଟ ମୂଲ୍ୟ ୧.୯୦ ଲକ୍ଷ ଟଙ୍କା।

ଏହା ବ୍ୟତୀତ ଦେଶର ୨୫ଟି ପ୍ରମୁଖ କମ୍ପାନିର ସେୟାରରେ ସେ ୪.୩୩ କୋଟି ଟଙ୍କା ନିବେଶ କରିଛନ୍ତି।ସେହିପରି ୭ଟି ଭିନ୍ନ ମ୍ୟୁଚୁଆଲ୍ ଫଣ୍ଡରେ ତାଙ୍କର ୩.୮୧ କୋଟି ଟଙ୍କା ନିବେଶ ରହିଛି।

ଏଥିସହ ପ୍ରାୟ ୧୫ ଲକ୍ଷ ଟଙ୍କାର ଗୋଲ୍ଡ ବଣ୍ଡରେ ମଧ୍ୟ ତାଙ୍କ ନିବେଶ ରହିଛି।

ଆର୍ଥିକ ସୁରକ୍ଷା ପାଇଁ ରାହୁଲ ଗାନ୍ଧୀ ପବ୍ଲିକ୍ ପ୍ରୋଭିଡେଣ୍ଟ ଫଣ୍ଡ ଓ ବୀମା ଯୋଜନାରେ ୬୧.୫୨ ଲକ୍ଷ ଟଙ୍କା ଜମା କରିଛନ୍ତି।

ମୂଲ୍ୟବାନ ଧାତୁ ବିଷୟରେ କହିଲେ, ତାଙ୍କ ପାଖରେ ପ୍ରାୟ ୪.୨୦ ଲକ୍ଷ ଟଙ୍କା ମୂଲ୍ୟର ସୁନା ଅଳଙ୍କାର ଓ ଅନ୍ୟାନ୍ୟ ଗହଣା ରହିଛି।ଏହି ସମସ୍ତ ଆର୍ଥିକ ସାଧନ, ନିବେଶ, ବ୍ୟାଙ୍କ ଜମା ଓ ଅଳଙ୍କାରକୁ ମିଶାଇ ରାହୁଲ ଗାନ୍ଧୀଙ୍କ ମୋଟ ସ୍ଥାବର ସମ୍ପତ୍ତିର ମୂଲ୍ୟ ପ୍ରାୟ ୯.୨୪ କୋଟି ଟଙ୍କା ରହିଛି।

ଅସ୍ଥାବର ସମ୍ପତ୍ତି ଅସ୍ଥାବର ସମ୍ପତ୍ତି କ୍ଷେତ୍ରରେ ରାହୁଲ ଗାନ୍ଧୀଙ୍କ ପାଖରେ ପ୍ରାୟ ୧୧.୧୫ କୋଟି ଟଙ୍କାର ସମ୍ପତ୍ତି ରହିଛି।

ଏଥିରେ ରାଜଧାନୀ ଦିଲ୍ଲୀର ମେହରୌଲିସ୍ଥିତ ସୁଲତାନପୁର ଗାଁରେ ଥିବା ଦୁଇଟି କୃଷି ଜମି ଅନ୍ତର୍ଭୁକ୍ତ।

ଏହି କୃଷି ଜମିକୁ ସେ ତାଙ୍କ ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସହ ମିଳିତ ଭାବେ କିଣିଥିଲେ।

ଜମିରେ ଉଭୟ ଭାଇ-ଭଉଣୀଙ୍କ ସମାନ ୫୦ ପ୍ରତିଶତ ଅଂଶ ରହିଛି।

ବର୍ତ୍ତମାନର ବଜାର ଦର ଅନୁଯାୟୀ, ଏହି ସମଗ୍ର ଜମିର ମୂଲ୍ୟ ପ୍ରାୟ ୨.୧୦ କୋଟି ଟଙ୍କା ଆକଳନ କରାଯାଇଛି।

ଗୁରୁଗ୍ରାମରେ କାର୍ଯ୍ୟାଳୟର ମୂଲ୍ୟ ପ୍ରାୟ ୯ କୋଟି ରାହୁଲ ଗାନ୍ଧୀଙ୍କ ନାମରେ କୌଣସି ବ୍ୟକ୍ତିଗତ ଘର କିମ୍ବା କାର୍‌ ପଞ୍ଜୀକୃତ ହୋଇନାହିଁ।

ହରିୟାଣାର ଗୁରୁଗ୍ରାମରେ ଥିବା ଏକ ବହୁତଳ କୋଠାରେ ତାଙ୍କର ୫,୫୩୮ ବର୍ଗଫୁଟ୍‌ର କାର୍ଯ୍ୟାଳୟ ସ୍ଥାନ ରହିଛି।

ରିଅଲ୍ ଇଷ୍ଟେଟ୍‌ ବଜାରର ତଥ୍ୟ ଏବଂ ନିର୍ବାଚନୀ ସତ୍ୟପାଠ ଅନୁଯାୟୀ, ଏହି କାର୍ଯ୍ୟାଳୟର ବର୍ତ୍ତମାନର ମୂଲ୍ୟ ପ୍ରାୟ ୯ କୋଟି ଟଙ୍କା।

ଏହା ତାଙ୍କ ମୋଟ ଅସ୍ଥାବର ସମ୍ପତ୍ତିର ସବୁଠାରୁ ବଡ଼ ଅଂଶ।

ବେସରକାରୀ ବିଦ୍ୟାଳୟକୁ ସିଓଆର୍ ଜାଲିଆତି, ଶିକ୍ଷା ସଚିବଙ୍କୁ ଏନ୍‌ଏଚ୍‌ଆର୍‌ସି ନୋଟିସ୍‌ "