Pranab: ଜୀବନ ନାଟକରେ ଯବନିକା: ଅମୂଲ୍ୟ ରତ୍ନ ପ୍ରଣବଙ୍କୁ ହରାଇଲା ଓଡ଼ିଶା

"ଭୁବନେଶ୍ୱର: ଏଇ ଜୀବନଟା ଏକ ନାଟକ, ତା"ର କଳଙ୍କିତ ମୁଁ ନାୟକ...।

ଏହି କାଳଜୟୀ ଗୀତକୁ ପ୍ରାଣ ଦେଇଥିବା କିମ୍ବଦନ୍ତି ପ୍ରଣବ କିଶୋର ପଟ୍ଟନାୟକଙ୍କ ଜୀବନ ନାଟକରେ ଆଜି ପରଦା ନଇଁଛି।

୮୮ ବର୍ଷ ବୟସରେ ନିରବି ଯାଇଛି ପ୍ରଣବଙ୍କ ସ୍ବର।

ପ୍ରାୟ ଦୁଇଶହ ଚଳଚ୍ଚିତ୍ରରେ କଣ୍ଠଦାନ କରି ନିଜ ସୁରିଲା କଣ୍ଠରେ ଓଡ଼ିଶାର ଜନମାନସକୁ ଆଚ୍ଛାଦିତ କରି ରଖିଥିବା ଏହି ଅମୂଲ୍ୟ ରତ୍ନଙ୍କୁ ହରାଇଛି ଓଡ଼ିଶା।

ତାଙ୍କ ପରଲୋକରେ ଓଡ଼ିଆ ସଙ୍ଗୀତ ଜଗତର ଏକ ଯୁଗର ଅବସାନ ଘଟିଛି।

ରାଜ୍ୟର ସଙ୍ଗୀତ ଓ ସାଂସ୍କୃତିକ ଦୁନିଆରେ ଶୋକର ଛାୟା ଖେଳିଯାଇଛି।

ବହୁ ବିଶିଷ୍ଟ ବ୍ୟକ୍ତି ତାଙ୍କର ଶେଷ ଦର୍ଶନ କରିଛନ୍ତି।ତିନି ବର୍ଷ ତଳେ ଶ୍ରୀ ପଟ୍ଟନାୟକ ଡେଙ୍ଗୁରେ ଆକ୍ରାନ୍ତ ହୋଇଥିଲେ।

ହସ୍ପିଟାଲରେ ବହୁ ଦିନ ଧରି ଚିକିତ୍ସିତ ହେଲା ପରେ ସୁସ୍ଥ ହୋଇ ଘରକୁ ଫେରିଥିଲେ।

ଏହା ପରେ ତାଙ୍କ ଦେହ ଅଧିକାଂଶ ସମୟରେ ଅସୁସ୍ଥ ରହୁଥିଲା।

ବିଭିନ୍ନ କାର୍ଯ୍ୟକ୍ରମକୁ ସେ ହ୍ୱିଲ୍‌ଚେୟାର ସହାୟତାରେ ଯାଉଥିଲେ।

ବର୍ଷେରୁ ଊର୍ଦ୍ଧ୍ୱ ସମୟ ହେବ ସେ କୌଣସି ମଞ୍ଚ କାର୍ଯ୍ୟକ୍ରମରେ ଯୋଗ ଦେଇ ପାରୁ ନଥିଲେ।

ଗତ ସପ୍ତାହରେ ଦେହ ଅଧିକ ଅସୁସ୍ଥ ହେବାରୁ ତାଙ୍କୁ ସମ୍‌ ହସ୍ପିଟାଲରେ ଭର୍ତ୍ତି କରାଯାଇଥିଲା।

ଡାକ୍ତରଙ୍କ ବହୁ ଚେଷ୍ଟା ସତ୍ତ୍ୱେ ପ୍ରଣବ ସୁସ୍ଥ ହୋଇ ପାରି ନଥିଲେ।

ଚିକିତ୍ସାଧୀନ ଅବସ୍ଥାରେ ଆଜି ଦିନ ପ୍ରାୟ ୧୧ଟା ୪୫ରେ ନିଜର ଲକ୍ଷ ଲକ୍ଷ ଶୁଭେଚ୍ଛୁ, ପ୍ରଶଂସକଙ୍କୁ ଚିର ଦିନ ପାଇଁ ପର କରି ଚାଲିଗଲେ।

Advertisment Women entrepreneurs Odisha: ମହିଳା ଉଦ୍ୟୋଗୀଙ୍କ ପାଇଁ "ଉଦ୍ୟମୀ ଶକ୍ତି" ସଙ୍ଗୀତ ଜଗତରେ ଏକ ଯୁଗର ଅବସାନ, ୨୦୦ ଚଳଚ୍ଚିତ୍ରରେ କରିଥିଲେ କଣ୍ଠଦାନ ପ୍ରଣବଙ୍କ ପରଲୋକ ଖବର ପ୍ରଚାର ହେଲା ପରେ ସଙ୍ଗୀତପ୍ରେମୀମାନେ ସ୍ତବ୍ଧ ହୋଇଯାଇଥିଲେ।

ଶୁଭେଚ୍ଛୁ ଓ ସମ୍ପର୍କୀୟମାନେ ଛୁଟି ଯାଇଥିଲେ ରାଜଧାନୀର ଲୁଇସ୍‌ ରୋଡ୍‌ସ୍ଥିତ ବାସଭବନକୁ।

ଅପରାହ୍ଣ ୨ଟାରେ ତାଙ୍କ ପାର୍ଥିବ ଶରୀର ବାସଭବନରେ ପହଞ୍ଚିଲା ବେଳକୁ ସେହି ସ୍ଥାନ ଲୋକାରଣ୍ୟ ହୋଇଯାଇଥିଲା।

ରାଜନୀତି, ସଙ୍ଗୀତ, ସାହିତ୍ୟ, ସାମ୍ବାଦିକତା ଆଦି ସବୁ କ୍ଷେତ୍ରରୁ ବିଶିଷ୍ଟ ବ୍ୟକ୍ତିମାନଙ୍କର ଭିଡ଼ ଜମିଥିଲା ନିଜର ପ୍ରିୟ କଣ୍ଠଶିଳ୍ପୀଙ୍କୁ ଶେଷ ଦର୍ଶନ କରିବାକୁ।

ସମସ୍ତେ ଥିଲେ ନିର୍ବାକ, ଆଖିରେ ଥିଲା ଲୁହ।

ପ୍ରଣବଙ୍କ ପତ୍ନୀ କସ୍ତୁରିକା ପଟ୍ଟନାୟକ, ପୁତ୍ର ସତ୍ୟକାମ ଓ ଅନୁଭବଙ୍କ ସମେତ ପରିବାରର ଅନ୍ୟ ସଦସ୍ୟମାନେ ଉପସ୍ଥିତ ଥିଲେ।

Protest: ଯନ୍ତର-ମନ୍ତରରେ "ଆରକ୍ଷଣ ହଟାଅ" ଆନ୍ଦୋଳନ, ୟୁଜିସି ନିୟମକୁ ନେଇ ବିକ୍ଷୋଭ ବିଧାୟକ ସିଦ୍ଧାନ୍ତ ମହାପାତ୍ର, ବାବୁ ସିଂହ, ସୁଶାନ୍ତ ରାଉତ, ପୂର୍ବତନ ମନ୍ତ୍ରୀ ନିରଞ୍ଜନ ପଟ୍ଟନାୟକ, ଅଶୋକ ପଣ୍ଡା, ପୂର୍ବତନ ବିଧାୟକ ପ୍ରିୟଦର୍ଶୀ ମିଶ୍ର, ସୁର ରାଉତରାୟ, ସଙ୍ଗୀତ ନିର୍ଦ୍ଦେଶକ ଲକ୍ଷ୍ମୀକାନ୍ତ ପାଲିତ, କଣ୍ଠଶିଳ୍ପୀ ନାଜିଆ ଆଲାମ, ସୁବାସ ଦାସ, ତୃପ୍ତି ଦାଶ, ଅତିରିକ୍ତ ପୁଲିସ କମିସନର ନରସିଂହ ଭୋଳ ପ୍ରମୁଖ ସେଠାରେ ଉପସ୍ଥିତ ରହି ଶେଷ ଦର୍ଶନ କରିଥିଲେ।

ଓଡ଼ିଆ ସଙ୍ଗୀତ ଜଗତକୁ ପ୍ରଣବଙ୍କ ଅବଦାନକୁ କେହି ଭୁଲିପାରିବେ ନାହିଁ।

ଯେତେ ଦିନ ପର୍ଯ୍ୟନ୍ତ ଓଡ଼ିଆ ଜାତି ଥିବ, ଓଡ଼ିଆ ସଙ୍ଗୀତ ଥିବ, ସେତେ ଦିନ ପର୍ଯ୍ୟନ୍ତ ପ୍ରଣବ ପଟ୍ଟନାୟକ ଶ୍ରୋତାଙ୍କ ହୃଦୟରେ ରହିବେ ବୋଲି ବିଶିଷ୍ଟ ବ୍ୟକ୍ତିମାନେ ମତ ଦେଇଥିଲେ।

ବାସଭବନ ପରିସରରେ ପ୍ରଣବଙ୍କୁ ସମ୍ମାନ ଜଣାଇ ଗାର୍ଡ ଅଫ୍‌ ଅନର୍‌ ଦିଆଯାଇଥିଲା।

ଏହା ପରେ ତାଙ୍କ କୋକେଇ ଉଠିଥିଲା।

ଶେଷକୃତ୍ୟ ପାଇଁ ଖାନ୍‌ନଗର ଶ୍ମଶାନ ଅଭିମୁଖେ ତାଙ୍କ ପାର୍ଥିବ ଶରୀରକୁ ନିଆଯାଇଥିଲା।"