Polio Vaccines: ଓପିଭି ଓ ଆଇପିଭି: ଶିଶୁଙ୍କୁ ପୋଲିଓରୁ ସମ୍ପୂର୍ଣ୍ଣ ସୁରକ୍ଷା ଦେବାରେ ଦୁଇଟି ଯାକ ଟିକା କାହିଁକି ଆବଶ୍ୟକ?

ପୋଲିଓ କଥା ମନକୁ ଆସିଲେ ସାଧାରଣତଃ ଟିଭିରେ ଆସୁଥିବା "ଦୋ ବୁନ୍ଦ ଜିନ୍ଦଗୀ କି" ବା ଦୁଇ ଟୋପା ଜୀବନର ବିଜ୍ଞାପନ ହିଁ ଆମ ମନେପଡ଼ିଥାଏ।

ତେବେ ଶିଶୁଙ୍କ ଟିକାକରଣ ଚାର୍ଟରେ ପାଟିରେ ଦିଆଯାଉଥିବା ଟିକା ସହ ଇଞ୍ଜେକ୍ସନ ମାଧ୍ୟମରେ ଦିଆଯାଉଥିବା ପୋଲିଓ ଟିକା ଦେଖି ଅନେକ ପିତାମାତାଙ୍କ ମନରେ ପ୍ରଶ୍ନ ଆସେ ଗୋଟିଏ ରୋଗ ପାଇଁ ଦୁଇଟି ଭିନ୍ନ ଟିକା କାହିଁକି ଦରକାର?

Advertisment ଆହୁରି ପଢ଼ନ୍ତୁ: ବନ୍ଧୁ କେନ୍‌ଙ୍କୁ ବିରାଟଙ୍କ ଅଭିନନ୍ଦନ ବିଶ୍ୱ ପୋଲିଓ ଦିବସ ଅବସରରେ ଶିଶୁରୋଗ ବିଶେଷଜ୍ଞ ଡାକ୍ତର ରୋହିଣୀ ନାଗରକର ଓପିଭି (ଓରାଲ ପୋଲିଓ ଭାକସିନ) ଏବଂ ଆଇପିଭି (ଇନ୍-ଆକ୍ଟିଭେଟେଡ୍ ପୋଲିଓଭାଇରସ୍ ଭାକସିନ) ମଧ୍ୟରେ ଥିବା ପାର୍ଥକ୍ୟ ଏବଂ ଏହି ଦୁଇଟିଯାକ ଟିକାର ମିଳିତ ଭୂମିକା ସମ୍ପର୍କରେ ଗୁରୁତ୍ୱପୂର୍ଣ୍ଣ ତଥ୍ୟ ବୁଝାଇଛନ୍ତି।

ପୋଲିଓ ଭାଇରସ୍ କିପରି ବ୍ୟାପିଥାଏ?

ପୋଲିଓ ଭାଇରସ୍ ମୁଖ୍ୟତଃ ପାଟି ମାଧ୍ୟମରେ ଶରୀରକୁ ପ୍ରବେଶ କରେ ଏବଂ ଅନ୍ତନଳୀ ରେ ବଂଶବୃଦ୍ଧି କରେ।

ଦୂଷିତ ପାଣି, ଖାଦ୍ୟ କିମ୍ବା ଅପରିଷ୍କାର ହାତ ମାଧ୍ୟମରେ ଏହା ସଂକ୍ରମିତ ହୋଇଥାଏ।

ଅଧିକାଂଶ ସଂକ୍ରମଣରେ ବିଶେଷ ଲକ୍ଷଣ ଦେଖାଯାଏ ନାହିଁ, କିନ୍ତୁ ପ୍ରତ୍ୟେକ ୨୦୦ ଜଣ ସଂକ୍ରମିତ ଶିଶୁଙ୍କ ମଧ୍ୟରୁ ଜଣଙ୍କଠାରେ ଏହା ଆଜୀବନ ପକ୍ଷାଘାତ ସୃଷ୍ଟି କରିପାରେ।

ଥରେ ଏହି କ୍ଷତି ହୋଇଗଲେ, ତାହାକୁ ଭଲ କରିବା ପାଇଁ କୌଣସି ଚିକିତ୍ସା ନାହିଁ।

ଦୁଇଟିଯାକ ଟିକା କାହିଁକି ଆବଶ୍ୟକ?

ଡାକ୍ତର ନାଗରକରଙ୍କ ଅନୁସାରେ, ଓପିଭି ଏବଂ ଆଇପିଭି ଏକାଠି ମିଶି ଶିଶୁକୁ ସମ୍ପୂର୍ଣ୍ଣ ସୁରକ୍ଷା ପ୍ରଦାନ କରନ୍ତି: ଓପିଭି ର ଭୂମିକା: ଏହା ଅନ୍ତନଳୀରେ ସ୍ଥାନୀୟ ରୋଗପ୍ରତିରୋଧକ ଶକ୍ତି ତିଆରି କରେ।

ଫଳରେ ଜଣେ ଶିଶୁଠାରୁ ଅନ୍ୟ ଶିଶୁକୁ ପୋଲିଓ ଭାଇରସ ସଂକ୍ରମିତ ହେବାର ଆଶଙ୍କା ଯଥେଷ୍ଟ କମିଯାଏ।

ଆଇପିଭି ର ଭୂମିକା: ଆଇପିଭିରେ କୌଣସି ଜୀବନ୍ତ ଭାଇରସ ନଥାଏ, ତେଣୁ ଏହା ଦ୍ୱାରା ପୋଲିଓ ହେବାର କୌଣସି ବିପଦ ନଥାଏ।

ଏହା ଶରୀରର ମୁଖ୍ୟ ରକ୍ତସଞ୍ଚାଳନରେ ପ୍ରବଳ ଆଣ୍ଟିବଡି ତିଆରି କରି ଭାଇରସକୁ ସ୍ନାୟୁ ସଂସ୍ଥାନ ପର୍ଯ୍ୟନ୍ତ ପହଞ୍ଚିବାକୁ ଦିଏନାହିଁ, ଯାହା ଶିଶୁକୁ ପକ୍ଷାଘାତରୁ ବଞ୍ଚାଏ।

ଆହୁରି ପଢ଼ନ୍ତୁ: ଓଏମସିରେ ଦୁର୍ନୀତି ନିବାରଣ ସଚେତନତା ସପ୍ତାହ ପାଳିତ ଅଧିକ ଦେଖନ୍ତୁ: