Philippines : ଭେନେଜୁଏଲା ପରେ ଫିଲିପାଇନ୍ସରେ ଶକ୍ତିଶାଳୀ ଭୂମିକମ୍ପ

Jun 26, 2026 - 18:27

Philippines : ଭେନେଜୁଏଲା ପରେ ଫିଲିପାଇନ୍ସରେ ଶକ୍ତିଶାଳୀ ଭୂମିକମ୍ପ

"ମାନିଲା: ବିପର୍ଯ୍ୟୟ ପରେ ବିପର୍ଯ୍ୟୟ।

ଭେନେଜୁଏଲାରେ ପ୍ରଳୟଙ୍କାରୀ ଭୂମିକମ୍ପରେ ଶହ ଶହ ଲୋକଙ୍କ ମୃତ୍ୟୁର ମାତ୍ର ଗୋଟିଏ ଦିନ ପରେ, ଶୁକ୍ରବାର ସନ୍ଧ୍ୟାରେ ଦକ୍ଷିଣ ଫିଲିପାଇନ୍ସରେ ଆଉ ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି।

ଆମେରିକାର ଭୂତାତ୍ତ୍ୱିକ ସର୍ବେକ୍ଷଣ ସଂସ୍ଥାର ସୂଚନା ଅନୁଯାୟୀ, ରିକ୍ଟର ସ୍କେଲରେ ଏହି ଭୂମିକମ୍ପର ତୀବ୍ରତା ୬.୭ ରେକର୍ଡ କରାଯାଇଛି।

ଏହି ଭୂମିକମ୍ପଟି ସ୍ଥାନୀୟ ସମୟ ରାତି ପ୍ରାୟ ୭:୪୨ରେ ମିନ୍ଦାନାଓ ଦ୍ୱୀପର ସାରାଙ୍ଗାନି ସହରଠାରୁ ପ୍ରାୟ ୨୧ କିଲୋମିଟର ଦକ୍ଷିଣ-ପଶ୍ଚିମରେ ଭୂଗର୍ଭର ୬୫.୭ କିଲୋମିଟର ଗଭୀରତାରେ ସୃଷ୍ଟି ହୋଇଥିଲା।

ସୂଚନାଯୋଗ୍ୟ ଯେ, ମାତ୍ର ତିନି ସପ୍ତାହ ପୂର୍ବରୁ ଏହି ଅଞ୍ଚଳରେ ଆସିଥିବା ଏକ ବଡ଼ ଭୂମିକମ୍ପ ଝଟକା ଯୋଗୁଁ ୮୦ ରୁ ଅଧିକ ଲୋକ ପ୍ରାଣ ହରାଇଥିଲେ।

ତେବେ ବର୍ତ୍ତମାନର ଏହି ଭୂମିକମ୍ପ ପରେ ତୁରନ୍ତ କୌଣସି ସୁନାମି ସତର୍କତା ଜାରି କରାଯାଇ ନାହିଁ।Advertisment "