• ​​​​​​ଅସ୍ମିତା ଦେ ଓ ହର୍ଷ ସିଂହ ରାଜ୍ୟଗୋଷ୍ଠୀ କ୍ରୀଡ଼ାରେ ଜୁଡୋରେ ଭାରତ ପାଇଁ ପ୍ରଥମ ସ୍ୱର୍ଣ୍ଣ ପଦକ ଜିତି ଇତିହାସ ରଚିଛନ୍ତି।
• ୯୨ ବର୍ଷରେ ପ୍ରଥମ ଥର ପାଇଁ ଜୁଡୋରେ ଭାରତ ସ୍ୱର୍ଣ୍ଣ ପଦକ ହାସଲ କରିଛି।
• ଅସ୍ମିତା ୪୮ କିଲୋଗ୍ରାମ ଓ ହର୍ଷ ୬୦ କିଲୋଗ୍ରାମ ବର୍ଗରେ ସ୍ୱର୍ଣ୍ଣ ଜିତିଛନ୍ତି।
• ହର୍ଷ ସିଂହ ୧୦-୦ ବ୍ୟବଧାନରେ ଫାଇନାଲ୍ ଜିତି ଜୁଡୋରେ ଭାରତର ପ୍ରଥମ ପୁରୁଷ ସ୍ୱର୍ଣ୍ଣ ବିଜେତା ହୋଇଛନ୍ତି।
• ଏହି ସଫଳତା ସହ ୨୦୨୬ ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତର ସ୍ୱର୍ଣ୍ଣ ପଦକ ସଂଖ୍ୟା ୫ରେ ପହଞ୍ଚିଛି।

ନୂଆଦିଲ୍ଲୀ,୩୧/୦୭:  ଅସ୍ମିତା ଦେ ଏବଂ ହର୍ଷ ସିଂହ ଜୁଡୋରେ ସ୍ୱର୍ଣ୍ଣ ପଦକ ଜିତି ଇତିହାସ ରଚିଛନ୍ତି। ଏହା ପୂର୍ବରୁ ରାଜ୍ୟଗୋଷ୍ଠୀ କ୍ରୀଡ଼ା ଇତିହାସରେ କୌଣସି ଭାରତୀୟ ଜୁଡୋରେ ସ୍ୱର୍ଣ୍ଣ ପଦକ ଜିତି ନଥିଲେ। ମହିଳା ୪୮ କିଲୋଗ୍ରାମ ବର୍ଗର ଫାଇନାଲରେ ଅସ୍ମିତା ଜଣେ କାନାଡିଆନ ଆଥଲେଟଙ୍କୁ ପରାସ୍ତ କରିଥିବା ବେଳେ ହର୍ଷ ସିଂହ ପୁରୁଷ ୬୦ କିଲୋଗ୍ରାମ ବର୍ଗରେ ଜଣେ ଅଷ୍ଟ୍ରେଲୀୟ ଆଥଲେଟଙ୍କୁ ପରାସ୍ତ କରି ଇତିହାସ ରଚିଛନ୍ତି।

ଭାରତ ପ୍ରଥମ ଥର ପାଇଁ ୧୯୩୪ ମସିହାରେ ରାଜ୍ୟଗୋଷ୍ଠୀ କ୍ରୀଡ଼ାରେ ଅଂଶଗ୍ରହଣ କରିଥିଲା। ୯୨ ବର୍ଷ ବିତିଯାଇଥିଲେ ମଧ୍ୟ, ଭାରତ ଜୁଡୋରେ କେବେ ସ୍ୱର୍ଣ୍ଣ ପଦକ ଜିତି ନଥିଲା। ଫାଇନାଲରେ କାନାଡାର ହାଇଡି କ୍ୱାଚଙ୍କୁ ପରାସ୍ତ କରି ଅସ୍ମିତା ଦେ ଭାରତ ପାଇଁ ଏହି ସ୍ୱର୍ଣ୍ଣ ପଦକ ଅପେକ୍ଷାର ଅନ୍ତ କରିଥିଲେ। ନିୟନ୍ତ୍ରିତ ସମୟ ଶେଷରେ ମ୍ୟାଚ୍ ଟାଇ ରହିବାରୁ ଅତିରିକ୍ତ ସମୟର ସାହାରା ନିଆଯାଇଥିଲା। ଅତିରିକ୍ତ ସମୟରେ, ସ୍କୋର କରିଥିବା ପ୍ରଥମ ଖେଳାଳିଙ୍କୁ ବିଜେତା ଘୋଷିତ କରାଯାଏ; ଏହି ସମୟ ମଧ୍ୟରେ ଅସ୍ମିତା ପ୍ରଥମ ସ୍କୋର କରି ଏକ ଐତିହାସିକ ବିଜୟ ହାସଲ କରିଥିଲେ।

ଅଧିକ ପଢ଼ନ୍ତୁ: ୨୦୨୬ରେ ଆଉ କେତୋଟି ଟେଷ୍ଟ ଖେଳିବ ଟିମ୍ ଇଣ୍ଡିଆ? WTC ଫାଇନାଲ ପାଇଁ କେତୋଟି ବିଜୟ ଜରୁରୀ?

ଏହି ପରିପ୍ରେକ୍ଷିରେ , ହର୍ଷ ସିଂହ ଫାଇନାଲରେ ଅଷ୍ଟ୍ରେଲିଆର ଜୋଶୁଆ କାଟଜ ଙ୍କୁ ବହୁତ ସହଜରେ ପରାସ୍ତ କରି ୧୦-୦ ବ୍ୟବଧାନରେ ବିଜୟୀ ହୋଇଥିଲେ। ସେ ରାଜ୍ୟଗୋଷ୍ଠୀ କ୍ରୀଡ଼ାରେ ଜୁଡୋରେ ସ୍ୱର୍ଣ୍ଣ ପଦକ ଜିତିଥିବା ଭାରତର ପ୍ରଥମ ପୁରୁଷ ଆଥଲେଟ୍ ହୋଇଛନ୍ତି।

ଭାରତ ହାତରେ ୫ ସ୍ବର୍ଣ୍ଣ ପଦକ:

୨୦୨୬ ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତର ସ୍ୱର୍ଣ୍ଣ ପଦକ ସଂଖ୍ୟା ୫ ରେ ପହଞ୍ଚିଛି। ଏହା ଦେଶକୁ ପଦକ ତାଲିକାରେ ଅଷ୍ଟମ ସ୍ଥାନରେ ପହଞ୍ଚାଇଛି। ଭାରତ ବର୍ତ୍ତମାନ ୫ ସ୍ୱର୍ଣ୍ଣ, ୧୦ ରୌପ୍ୟ ଏବଂ ୪ କାଂସ୍ୟ ପଦକ ପାଇଛି। ଅସ୍ମିତା ଏବଂ ହର୍ଷଙ୍କ ପରେ, ଭାରତ ଯାମିନୀ ମୌର୍ଯ୍ୟଙ୍କଠାରୁ ଜୁଡୋରେ ସ୍ୱର୍ଣ୍ଣ ପଦକ ପାଇଁ ମଧ୍ୟ ଆଶାବାଦୀ ଅଛି। ସେ ମହିଳା ୫୭ କିଲୋଗ୍ରାମ ବର୍ଗର ଫାଇନାଲରେ ଇଂଲଣ୍ଡର ଆସେଲିଆ ଟୋପ୍ରାକ୍ ଙ୍କୁ ଭେଟିବାକୁ ଯାଉଛନ୍ତି।

​​​​​​​ପ୍ରମେୟ ପୃଷ୍ଠାର ପ୍ରମୁଖ ଖବର: CWG 2026: ଗଛରୁ ପଡ଼ି ହାତ ହରାଇଥିଲେ, ସ୍ୱର୍ଣ୍ଣ ପଦକ ଜିତି ଗୌରବ ଆଣିଲେ, ପଢନ୍ତୁ ଦିଲ୍ଲୀପଙ୍କ ସଂଘର୍ଷର କାହାଣୀ