• ୨୦୨୭ ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ଜୁନ୍ ୯-୧୩ରେ ଲଣ୍ଡନର ଓଭାଲ୍‌ରେ ଖେଳାଯିବ
• ବର୍ତ୍ତମାନ WTC ପଏଣ୍ଟ ତାଲିକାରେ ଭାରତ ୪୮.୧୫ PCT ସହ ପଞ୍ଚମ ସ୍ଥାନରେ ରହିଛି
• ୨୦୨୬ରେ ଭାରତକୁ ଶ୍ରୀଲଙ୍କା ଓ ନ୍ୟୁଜିଲ୍ୟାଣ୍ଡ ବିପକ୍ଷରେ ଆଉ ୪ଟି ଟେଷ୍ଟ ଖେଳିବାକୁ ଅଛି
• ଫାଇନାଲ୍ ଦୌଡ଼ରେ ରହିବା ପାଇଁ ଭାରତକୁ ବାକି ୯ଟି ଟେଷ୍ଟରୁ ଅତିକମରେ ୭ଟି ଜିତିବା ଜରୁରୀ
• ଶ୍ରୀଲଙ୍କା ଓ ନ୍ୟୁଜିଲ୍ୟାଣ୍ଡ ବିପକ୍ଷରେ କ୍ଲିନ୍ ସୁଇପ୍ କଲେ ଭାରତର PCT ୬୪.୦୧କୁ ବୃଦ୍ଧି ପାଇବ

ନୂଆଦିଲ୍ଲୀ,୩୧/୦୭: କ୍ରିକେଟ୍ ଦଳ ଏବଂ କ୍ରିକେଟ ପ୍ରଶଂସକମାନଙ୍କ ପାଇଁ ୨୦୨୭ ବର୍ଷ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି। ଏହି ବର୍ଷ ଦିନିକିଆ ବିଶ୍ୱକପ୍ ହେବାକୁ ସ୍ଥିର ହୋଇଥିବା ବେଳେ, ଏହା ପୂର୍ବରୁ ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ଅନୁଷ୍ଠିତ ହେବ। ଅର୍ଥାତ୍ ଫାଇନାଲ୍ ମ୍ୟାଚ୍ ଜୁନ୍ ୯ ରୁ ଜୁନ୍ ୧୩ ପର୍ଯ୍ୟନ୍ତ ଲଣ୍ଡନର ଓଭାଲ୍‌ରେ ଅନୁଷ୍ଠିତ ହେବାର ଯୋଜନା ରହିଛି।

ବର୍ତ୍ତମାନର ବିଶ୍ୱ ଟେଷ୍ଟ ଚାମ୍ପିଅନସିପ୍ ସ୍ଥିତିକୁ ଦେଖିଲେ, ଟିମ୍ ଇଣ୍ଡିଆ ୪୮.୧୫ PCT (ପଏଣ୍ଟ ପ୍ରତିଶତ) ସହିତ ପଞ୍ଚମ ସ୍ଥାନରେ ରହିଛି। ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭଳି ଦଳ ବହୁତ ଆଗରେ ଅଛନ୍ତି। ଏହି ପରିପ୍ରେକ୍ଷିରେ ଆସନ୍ତୁ ଜାଣିବା ୨୦୨୬ରେ ଭାରତୀୟ ଦଳକୁ ଆଉ କୋତୋଟି ଟେଷ୍ଟ ମ୍ୟାଚ୍ ଖେଳିବା ବାକି ଅଛି ଏବଂ ଏହି ମ୍ୟାଚ୍ ଗୁଡ଼ିକ ଫାଇନାଲ୍ ସମୀକରଣ ଉପରେ କି ପ୍ରଭାବ ପକାଇବ?

 ଅଧିକ ପଢ଼ନ୍ତୁ: Rohit Sharma: ନୂଆ ଲୁକ୍, ନୂଆ ଅନ୍ଦାଜ ! ଇଂଲଣ୍ଡ ସିରିଜ ପରେ ବଦଳିଗଲେ କି ହିଟ୍‌ମ୍ୟାନ୍ ?

୨୦୨୬ ରେ କେତୋଟି ମ୍ୟାଚ୍ ବାକି ଅଛି?

୨୦୨୬ ଶେଷ ହେବା ପୂର୍ବରୁ ଭାରତୀୟ ଦଳକୁ ଆଉ ଚାରୋଟି ଟେଷ୍ଟ ମ୍ୟାଚ୍ ଖେଳିବାର ଅଛି। ପ୍ରଥମେ, ଟିମ୍ ଇଣ୍ଡିଆ ଦୁଇଟି ଟେଷ୍ଟ ସିରିଜ୍ ଖେଳିବା ପାଇଁ ଶ୍ରୀଲଙ୍କା ଗସ୍ତ କରିବ। ଏହା ପରେ, ଅକ୍ଟୋବର-ନଭେମ୍ବରରେ, ଦଳ ନ୍ୟୁଜିଲ୍ୟାଣ୍ଡ ଗସ୍ତ କରିବ, ସେଠାରେ ନଭେମ୍ବରରେ ଉଭୟ ଦଳ ମଧ୍ୟରେ ଦୁଇଟି ଟେଷ୍ଟ ମ୍ୟାଚ୍ ଖେଳାଯିବ।

ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ପାଇଁ ସମୀକରଣକୁ ବିଚାରକୁ ନେଇ, ଭାରତୀୟ ଦଳକୁ ଏହି ଚାରୋଟି ମ୍ୟାଚ୍ ରେ ଯଥାସମ୍ଭବ ବିଜୟ ହାସଲ କରିବାକୁ ପଡ଼ିବ। ପ୍ରକୃତରେ, ଟିମ୍ ଇଣ୍ଡିଆର ବିଶ୍ବ ଟେଷ୍ଟ ଚାମ୍ପିୟନସିପ୍ ୨୦୨୫-୨୭ ଚକ୍ରରେ ନଅଟି ଟେଷ୍ଟ ମ୍ୟାଚ୍ ବାକି ଅଛି, ଏବଂ ଦଳ ପାଇଁ ଏହି ମୁକାବିଲା ମଧ୍ୟରୁ ଅତି କମରେ ସାତଟି ଜିତିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

​​​​​​​

କ୍ରିଡ଼ା ସମ୍ପର୍କିତ ଖବର ପଢ଼ନ୍ତୁ: CWG 2026: ଗଛରୁ ପଡ଼ି ହାତ ହରାଇଥିଲେ, ସ୍ୱର୍ଣ୍ଣ ପଦକ ଜିତି ଗୌରବ ଆଣିଲେ, ପଢନ୍ତୁ ଦିଲ୍ଲୀପଙ୍କ ସଂଘର୍ଷର କାହାଣୀ

ଚାରୋଟି ମ୍ୟାଚ୍ ଜିତିଲେ ମିଳିବ ଲାଭ:

ଭାରତୀୟ ଦଳର ପଏଣ୍ଟ ପ୍ରତିଶତ ବର୍ତ୍ତମାନ ମାତ୍ର ୪୮.୧୫ ରହିଛି। ଯଦି ଟିମ୍ ଇଣ୍ଡିଆ ଚଳିତ ବର୍ଷ ଶ୍ରୀଲଙ୍କା ଏବଂ ନ୍ୟୁଜିଲ୍ୟାଣ୍ଡ ବିପକ୍ଷରେ କ୍ଲିନ୍ ସୁଇପ୍ ହାସଲ କରେ, ତେବେ ଦଳର ପଏଣ୍ଟ ପ୍ରତିଶତ ୬୪.୦୧ କୁ ବୃଦ୍ଧି ପାଇବ, ଯାହାଫଳରେ ଦଳ ଫାଇନାଲ୍ ଦୌଡ଼ରେ ଏକ ଦୃଢ଼ ସ୍ଥିତିରେ ରହିବ। ଉଲ୍ଲେଖନୀୟ ଯେ ଟିମ୍ ଇଣ୍ଡିଆର ବିଶ୍ବ ଟେଷ୍ଟ ଚାମ୍ପିୟନସିପ୍ ୨୦୨୫-୨୭ ଚକ୍ରର ଶେଷ ସିରିଜ୍ ଅଷ୍ଟ୍ରେଲିଆ ବିପକ୍ଷରେ ହେବ, ଯାହା ଆସନ୍ତା ବର୍ଷ ଜାନୁଆରୀ-ଫେବୃଆରୀରେ ଖେଳାଯିବାକୁ ସ୍ଥିର ହୋଇଛି।

​​​​​​​ପ୍ରମେୟ ପୃଷ୍ଠାର ପ୍ରମୁଖ ଖବର: World Cup 2027: ବିଶ୍ୱକପ ସିଡ୍ୟୁଲ ଫାଇନାଲ...୩ ଦେଶର ୧୨ଟି ମୈଦାନରେ ହେବ ୫୭ ଫାଇଟ୍‌, ଲଢିବେ ୧୪ ଦଳ​​