୨ ଛାତ୍ରବତ୍ସଳ ଶିକ୍ଷକଙ୍କ ଅବସର: ବିଦ୍ୟାଳୟ ପ୍ରତି ନିଷ୍ଠାକୁ ଭୂୟସୀ ପ୍ରଶଂସା

କେସିଙ୍ଗା,୧।୭(ତୁମେଶର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକ ଅନୁର୍ଗତ ବାଲସି ଗ୍ରାମ ଅଧିନସ୍ଥ ଜବହାର ଉଚ୍ଚ ବିଦ୍ୟାପୀଠ-କର ଦୁଇଜଣ ଶିକ୍ଷକ ଚାକିରିରୁ ଅବସର ନେଇଛନ୍ତି। ଏହି ଉପଲକ୍ଷେ ବିଦ୍ୟାପୀଠର ସ୍କୁଲ ପରିଚାଳନା କମିଟି ଓ ଶିକ୍ଷୟିତ୍ରୀଶିକ୍ଷକମାନେ ଏକ ବିଦାୟକାଳୀନ ସମ୍ବର୍ଦ୍ଧନା ସଭାର ଆୟୋଜନ କରିଥିଲେ। ଶିକ୍ଷା କମିଟିର ସଭାପତି ଗୋପାଳ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ପ୍ରଧାନ ଶିକ୍ଷିକ ବୁଦ୍ଧାଦେବ ପୋଢ଼ ମୁଖ୍ୟ ଅତିଥି ଭାବେ ଯୋଗଦେଇ ଥିଲେ। ସମ୍ମାନୀତ ଅତିଥି ଭାବରେ କର ବାବୁ , ସ୍କୁଲ ସମସ୍ତ ଶିକ୍ଷକବୃନ୍ଦ ,ଛାତ୍ରୀଛାତ୍ରମାନେ ଅଂଶଗ୍ରହଣ କରିଥିଲେ। ବିଦ୍ୟାଳୟରେ ଶିକ୍ଷକତା ସମୟରେ ତାଙ୍କର ଛାତ୍ର ବତ୍ସଳ ସ୍ବଭାବ ବିଷୟରେ ଆଲୋକ ପାତ କରିଥିଲେ।
ବିଦାୟୀ ଦୁଇ ଜଣ ଶିକ୍ଷକ ହେଲେ ଜଣେ ସାଂକୃତିକ ଶିକ୍ଷକ ପୀତବାସ ସାହୁ ଏବଂ ହିନ୍ଦୀ ଶିକ୍ଷକ ରମେଶ ଚନ୍ଦ୍ର ସାହୁ ଗତ ମାସ ୩୧ରେ ଅବସର ନେଇଥିଲେ। ଦୁଇ ଜଣ ଶିକ୍ଷକଙ୍କୁ ସ୍ବାଗତ ସମ୍ବର୍ଦ୍ଧନା କଲା ପରେ ମଶାଣିବନ୍ଧ ଗ୍ରାମ ପରିକ୍ରମା କରି ଥିଲେ। ଉଭୟଙ୍କୁ ବିଦ୍ୟାପୀଠ ପକ୍ଷରୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ଅତିଥ ବୃନ୍ଦ ବିଦାୟୀ ଶିକ୍ଷକଙ୍କ ତାଙ୍କର ବିଦ୍ୟାଳୟ ପ୍ରତି ନିଷ୍ଠା ବିଷୟରେ କହିବା ସହ ତାଙ୍କର ଭୂୟସୀ ପ୍ରଶଂସା କରିଥିଲେ।