Misir Besra Arrest: ଗିରଫ ହେଲେ ଦେଶର ଶେଷ ପଲିଟବ୍ୟୁରୋ ସଦସ୍ୟ ମିସିର ବେସରା

"ରାଞ୍ଚି: ନକ୍ସଲ ବିରୋଧୀ ଅଭିଯାନ ବେଳେ ମଙ୍ଗଳବାର ସୁରକ୍ଷାକର୍ମୀଙ୍କୁ ବଡ଼ ସଫଳତା ମିଳିଛି।

ସରଣ୍ଡା ଜଙ୍ଗଲରେ ସକ୍ରିୟ ଥିବା ୨୪ ନକ୍ସଲ ପୁଲିସ ନିକଟରେ ଆତ୍ମସମର୍ପଣ କରିବା ପରେ ମଙ୍ଗଳବାର ରାତିରେ ଭାରତୀୟ କମ୍ୟୁନିଷ୍ଟ ପାର୍ଟି (ମାଓବାଦୀ)ର ଶେଷ ପଲିଟବ୍ୟୁରୋ ସଦସ୍ୟ ମିସିର ବେସରା ଗିରଫ ହୋଇଛନ୍ତି।

ବେସରାଙ୍କ ଉପରେ ୧ କୋଟି ଟଙ୍କାର ପୁରସ୍କାର ରାଶି ଥିଲା।

ବେସରାଙ୍କୁ ଝାଡ଼ଖଣ୍ଡରେ ତାଙ୍କର ଚାରି ସହଯୋଗୀଙ୍କ ସହିତ ଗିରଫ କରାଯାଇଛି।

ବେସରା ସମେତ ଅନ୍ୟ ମାଓବାଦୀଙ୍କୁ ଧାନବାଦ-ଗିରିଡିହ ସୀମାରୁ ଏକ ଟାଟା ମାଜିକ ଗାଡ଼ିରୁ ଗିରଫ କରାଯାଇଥିଲା।Advertisment Strait of Hormuz: ହର୍ମୁଜ୍ ପ୍ରଣାଳୀରେ ପୁଣି ନାକାବନ୍ଦୀ!: ୩ ତେଲ ଟ୍ୟାଙ୍କରକୁ ଟାର୍ଗେଟ କଲା ଇରାନ ଭାରତର ମୋଷ୍ଟ ୱାଣ୍ଟେଡ ମାଓ ନେତାମାନଙ୍କ ମଧ୍ୟରୁ ଜଣେ ଓ ବାମପନ୍ଥୀ ଉଗ୍ରବାଦର ଜଣେ ପ୍ରମୁଖ ବ୍ୟକ୍ତିତ୍ୱ ବେସରା ପୂର୍ବ ଭାରତରେ ରେଡ କରିଡରରେ ନିଷିଦ୍ଧ ସଂଗଠନର କାର୍ଯ୍ୟକଳାପ ସମନ୍ୱୟ କରିବାରେ କେନ୍ଦ୍ରୀୟ ଭୂମିକା ଗ୍ରହଣ କରିଥିଲେ।

ସୁରକ୍ଷାକର୍ମୀଙ୍କ ଉପରେ ଆକ୍ରମଣ, ଦାଦାବଟି ଆଦାୟ, ଅସ୍ତ୍ରଶସ୍ତ୍ର ଲୁଟ୍‌ ଓ ହିଂସା ସହିତ ଜଡିତ ଅନେକ ମାମଲାରେ ସେ ୱାଣ୍ଟେଡ୍ ଥିଲେ।

ପୁଲିସ କହିଛି ଯେ, ଗୁଇନ୍ଦା ସୂଚନା ପରେ କେନ୍ଦ୍ରୀୟ ସୁରକ୍ଷା ଏଜେନ୍ସିଗୁଡ଼ିକର ସହାୟତାରେ ଝାଡ଼ଖଣ୍ଡ ପୁଲିସ ଦ୍ୱାରା ମିଳିତ ଭାବରେ କରାଯାଇଥିବା ଏକ ଅଭିଯାନ ସମୟରେ ଗିରିଡିହ ଜିଲ୍ଲାର ବାସିନ୍ଦା ବେସରାଙ୍କୁ ଗିରଫ କରାଯାଇଥିଲା।

ବରିଷ୍ଠ ସିପିଆଇ (ମାଓବାଦୀ) ପଲିଟବ୍ୟୁରୋ ସଦସ୍ୟ ବେସରା ୨୦୦୭ରେ ଗିରଫ ହୋଇଥିଲେ କିନ୍ତୁ ୨୦୦୯ରେ ବିହାରର ଲଖିସରାଇ କୋର୍ଟ ପରେ ମାଓବାଦୀମାନେ ଆକ୍ରମଣ କରି ତାଙ୍କୁ ଖସାଇ ନେଇଥିଲେ।

ବର୍ଷ ବର୍ଷ ଧରି ଅନ୍ୟ ଅନେକ ପ୍ରମୁଖ ମାଓ ନେତା ଆତ୍ମସମର୍ପଣ କରିଥିଲେ କିମ୍ବା ଏନକାଉଣ୍ଟରରେ ନିହତ ହୋଇଥିଲେ, ବେସରା ଅଣ୍ଡରଗ୍ରାଉଣ୍ଡ ଅପରେସନ ଜାରି ରଖିଥିଲେ।

ବିଭିନ୍ନ ରାଜ୍ୟରେ ୧୫୪ଟି ଅପରାଧିକ ମାମଲା ରିପୋର୍ଟ ଅନୁଯାୟୀ, ବେସରାଙ୍କ ନାଁ ବିଭିନ୍ନ ରାଜ୍ୟରେ ୧୫୪ଟି ଅପରାଧିକ ମାମଲା ରହିଛି।

ଝାଡ଼ଖଣ୍ଡ, ଓଡ଼ିଶା ଓ ଅନ୍ୟାନ୍ୟ ମାଓ ପ୍ରଭାବିତ ରାଜ୍ୟରେ ପଞ୍ଜିକୃତ ମାମଲାରେ ସେ ୱାଣ୍ଟେଡ୍ ଥିଲେ।

ଗିରଫ ହେବା ପରେ ବେସରା ଓ ଅନ୍ୟ ଅଟକ ମାଓବାଦୀମାନଙ୍କୁ ସୁରକ୍ଷା ଏଜେନ୍ସିଗୁଡ଼ିକ ପଚରାଉଚରା କରୁଛନ୍ତି।

ତଦନ୍ତକାରୀମାନେ ଆଶା କରୁଛନ୍ତି ଯେ, ବେସରାଙ୍କଠାରୁ ମାଓ ନେଟୱାର୍କ ବିଷୟରେ ଗୁରୁତ୍ୱପୂର୍ଣ୍ଣ ସୂଚନା ମିଳିପାରିବ, ଯେଉଁଥିରେ ସକ୍ରିୟ କ୍ୟାଡରଙ୍କ ପରିଚୟ, ସଂଗଠନ ଗଠନ, ଅସ୍ତ୍ରଶସ୍ତ୍ର କ୍ରୟ ଓ ଯୋଗାଣ ପଥ, ଲଜିଷ୍ଟିକ୍ ସହାୟତା ପ୍ରଣାଳୀ, ପାଣ୍ଠି ଚ୍ୟାନେଲ ଏବଂ ଯୋଜନାବଦ୍ଧ ଅପରେସନର ବିବରଣୀ ଅନ୍ତର୍ଭୁକ୍ତ।

"