Massive Traffic Plan for Puri Rath Yatra: ପୁରୀ ଟ୍ରାଫିକ୍ ପାଇଁ ବ୍ୟାପକ ପ୍ରସ୍ତୁତି; AI, CCTV ଓ ଡ୍ରୋନ୍ ନଜରରେ ରହିବ ରଥଯାତ୍ରା

ରଥଯାତ୍ରା-୨୦୨୬କୁ ଶୃଙ୍ଖଳିତ ଓ ସୁରକ୍ଷିତ କରିବା ପାଇଁ ଓଡ଼ିଶା ପୋଲିସର ଟ୍ରାଫିକ୍ କଣ୍ଟ୍ରୋଲ ସେଣ୍ଟର ପକ୍ଷରୁ ବ୍ୟାପକ ଟ୍ରାଫିକ୍ ବ୍ୟବସ୍ଥା କରାଯାଇଛି। ଯାତ୍ରୀଙ୍କ ସୁବିଧା ପାଇଁ ମୋଟ ୩୦ଟି ପାର୍କିଂ ସ୍ଥାନ, AI ଆଧାରିତ ଯାନ ଗଣନା, ୨୪୪ଟି CCTV କ୍ୟାମେରା, ୩ଟି ଡ୍ରୋନ୍, ୧,୬୪୫ଟି ସାଇନେଜ୍ ଓ ରିଅଲ୍ ଟାଇମ୍ ଟ୍ରାଫିକ୍ ସୂଚନା ବ୍ୟବସ୍ଥା କରାଯାଇଛି।

୩୦ଟି ପାର୍କିଂ ସ୍ଥାନ ବ୍ୟବସ୍ଥା:

ଏ ବର୍ଷ ପୁରୀରେ ମୋଟ ୩୦ଟି ପାର୍କିଂ ସ୍ଥାନ ଚିହ୍ନଟ କରାଯାଇଛି।

• ୪ ଚକିଆ ଯାନ ପାଇଁ: ୨୨ଟି ପାର୍କିଂ (୧୮ ସାଧାରଣ ଓ ୪ ପାସ୍‌ଧାରୀଙ୍କ ପାଇଁ) 
• କ୍ଷମତା: ୭,୭୩୦ଟି ଗାଡ଼ି
• ୨ ଚକିଆ ଯାନ ପାଇଁ: ୪ଟି ପାର୍କିଂ
• କ୍ଷମତା: ୧୫,୦୦୦ଟି ଗାଡ଼ି
• ବସ୍ ପାଇଁ: ୪ଟି ପାର୍କିଂ
• କ୍ଷମତା: ୭୫୦ଟି ବସ୍

୨୦୨୫ ତୁଳନାରେ ଏ ବର୍ଷ ୬ଟି ନୂଆ ପାର୍କିଂ ସ୍ଥାନ ଯୋଡ଼ାଯାଇଥିବା ବେଳେ ମୋଟ ପାର୍କିଂ କ୍ଷମତା ୨,୧୦୦ଟି ଗାଡ଼ି ବୃଦ୍ଧି ପାଇଛି।

ପାସ୍ ଓ ନନ୍-ପାସ୍ ଧାରୀଙ୍କ ପାଇଁ ସ୍ୱତନ୍ତ୍ର ପାର୍କିଂ:

ପାସ୍‌ଧାରୀଙ୍କ ପାଇଁ ୪ଟି ପାର୍କିଂ ସ୍ଥାନ ନିର୍ଦ୍ଧାରଣ କରାଯାଇଛି।

ସେହିପରି ସାଧାରଣ ଯାନବାହନ ପାଇଁ ୧୮ଟି ନନ୍-ପାସ୍ ପାର୍କିଂ ବ୍ୟବସ୍ଥା ରହିଛି। ସମଙ୍ଗ, ସେଣ୍ଟ୍ରାଲ୍ ସ୍କୁଲ, ଶ୍ରୀସେତୁ, ଭୂଦାନ, ITI କଲେଜ, ହେଲିପ୍ୟାଡ୍, ଇଣ୍ଡୋର ଷ୍ଟାଡିୟମ, ତାଳବଣିଆ, ଷ୍ଟର୍ଲିଂ ଛକ ଓ ସରଧାବାଲି ଅଞ୍ଚଳରେ ଏହି ପାର୍କିଂ ବ୍ୟବସ୍ଥା ହୋଇଛି।

AI ସହାୟତାରେ ଟ୍ରାଫିକ୍ ନିୟନ୍ତ୍ରଣ:

ଏଥର ଯାନବାହନର ଆସିବା ଓ ଯିବା ସଂଖ୍ୟା AI ଆଧାରିତ ସିଷ୍ଟମ୍ ଓ ମାନୁଆଲ୍ ପ୍ରଣାଳୀରେ ଗଣନା କରାଯିବ।

୧,୬୪୫ଟି ସାଇନେଜ୍ ଓ LED ସ୍କ୍ରିନ୍:

ଯାତ୍ରୀଙ୍କ ସୁବିଧା ପାଇଁ:

• ୫୯୫ଟି ସ୍ଥାୟୀ ସାଇନେଜ୍ 
• ୧,୦୫୦ଟି ଅସ୍ଥାୟୀ ସାଇନେଜ୍ 
• ମୋଟ ୧,୬୪୫ଟି ସାଇନେଜ୍ ଲଗାଯାଇଛି

ଏହାସହ ବିଭିନ୍ନ ଜାତୀୟ ରାଜପଥରେ LED Display ଲଗାଯାଇ ରିଅଲ୍ ଟାଇମ୍ ଟ୍ରାଫିକ୍ ସୂଚନା ପ୍ରଦାନ କରାଯିବ।

ମୋବାଇଲ LED ଓ Bulk SMS ସେବା:

ଉତ୍ତରା-ଲିଙ୍ଗିପୁର ଓ ଭୁବନେଶ୍ୱର ଅଞ୍ଚଳରେ ୨ଟି ମୋବାଇଲ LED ୟୁନିଟ୍ ମୁତୟନ କରାଯାଇଛି। ସେହିପରି ଟ୍ରାଫିକ୍ ଜାମ୍ ଓ ରାସ୍ତା ସ୍ଥିତି ସମ୍ପର୍କରେ ଜନସାଧାରଣଙ୍କୁ Bulk SMS ମାଧ୍ୟମରେ ସୂଚନା ଦିଆଯିବ।

୭୩ଟି ଟ୍ରାଫିକ୍ ସହାୟତା କେନ୍ଦ୍ର:

ପୁରୀ ଜିଲ୍ଲାର ବିଭିନ୍ନ ସ୍ଥାନରେ ୭୩ଟି ଟ୍ରାଫିକ୍ ଏଡ୍ ପୋଷ୍ଟ ଖୋଲାଯାଇଛି। ତାଳବଣିଆ ଓ ମାଳତୀପାଟପୁରରେ ବୃଦ୍ଧ ଓ ଦିବ୍ୟାଙ୍ଗଙ୍କ ପାଇଁ ୨ଟି ମଡେଲ୍ ଟ୍ରାଫିକ୍ ସହାୟତା କେନ୍ଦ୍ର ମଧ୍ୟ ରହିଛି। ଏଠାରେ ପିଇବା ପାଣି, ବିଶ୍ରାମ ଓ ଅନ୍ୟାନ୍ୟ ସୁବିଧା ମିଳିବ।

୨୪୪ CCTV ଓ ୩ ଡ୍ରୋନ୍:

ରଥଯାତ୍ରା ସମୟରେ ଟ୍ରାଫିକ୍ ଓ ସୁରକ୍ଷା ଉପରେ କଡ଼ା ନଜର ରଖିବା ପାଇଁ ୨୪୪ଟି CCTV କ୍ୟାମେରା ଓ ୩ଟି ଡ୍ରୋନ୍ ମୁତୟନ କରାଯାଇଛି।

୧୬ ଜୁଲାଇରୁ ନୋ-ଭେହିକଲ୍ ଜୋନ୍:

୧୬ ଜୁଲାଇ ରାତି ୧୨ଟାରୁ ୧୭ ଜୁଲାଇ ରାତି ୧୨ଟା ପର୍ଯ୍ୟନ୍ତ ପୁରୀର ଗ୍ରାଣ୍ଡ ରୋଡ୍ ସମେତ ବିଭିନ୍ନ ପ୍ରମୁଖ ରାସ୍ତାକୁ ନୋ-ଭେହିକଲ୍ ଜୋନ୍ ଘୋଷଣା କରାଯାଇଛି। ଝାଡେଶ୍ୱରୀ ଛକରୁ ହସ୍ପିଟାଲ୍ ଛକ, ବ୍ରୁଷଭ ଛକରୁ ଶ୍ରୀମନ୍ଦିର, ମୋଚିସାହି ଛକ, ସୋଲଖିଆ ବରଗଛ ଛକ ଓ ଅନ୍ୟାନ୍ୟ ସଂଲଗ୍ନ ଅଞ୍ଚଳରେ ଯାନ ଚଳାଚଳ ନିଷିଦ୍ଧ ରହିବ।

ରଥଯାତ୍ରା ସମୟରେ ଶୃଙ୍ଖଳିତ ଯାତାୟାତ ଓ ଭକ୍ତଙ୍କ ସୁରକ୍ଷାକୁ ସର୍ବାଧିକ ଗୁରୁତ୍ୱ ଦେଇ ଏହି ବ୍ୟାପକ ଟ୍ରାଫିକ୍ ବ୍ୟବସ୍ଥା କରାଯାଇଛି। ଓଡ଼ିଶା ପୋଲିସ ପକ୍ଷରୁ ସମସ୍ତ ଭକ୍ତଙ୍କୁ ଟ୍ରାଫିକ୍ ନିୟମ ମାନି ସହଯୋଗ କରିବାକୁ ଅନୁରୋଧ କରାଯାଇଛି।