IGCAR Recruitment: ସରକାରୀ ଚାକିରି ସୁଯୋଗ: ଜେଆରଏଫର ଖାଲିଥିବା ୫୦ଟି ପଦବି ହେବ ପୂରଣ

"ନୂଆଦିଲ୍ଲୀ: ଇନ୍ଦିରା ଗାନ୍ଧୀ ପରମାଣୁ ଗବେଷଣା କେନ୍ଦ୍ର (ଆଇଜିସିଏଆର), କଳ୍ପାକ୍କମ ଜୁନିଅର ରିସର୍ଚ୍ଚ ଫେଲୋ (ଜେଆରଏଫ)ର ଖାଲିଥିବା ୫୦ଟି ପଦବି ପାଇଁ ନିଯୁକ୍ତି ବିଜ୍ଞପ୍ତି ପ୍ରକାଶ ପରିଛି।

ଏହି ନିଯୁକ୍ତି ଅଭିଯାନ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ସାମଗ୍ରୀ ବିଜ୍ଞାନ, ବିକିରଣ ପଦାର୍ଥ ବିଜ୍ଞାନ ଏବଂ ବିଭିନ୍ନ ଇଞ୍ଜିନିୟରିଂ ବିଭାଗ ସହିତ ଜଡ଼ିତ ପ୍ରାର୍ଥୀମାନେ ଆବେଦନ କରି ପାରିବେ।

ଅନଲାଇନ୍ ଆବେଦନ ପ୍ରକ୍ରିୟା ୨୦୨୬ ଜୁନ୍ ୨୨ରୁ ଆରମ୍ଭ ହୋଇଥିବା ବେଳେ ଆଗ୍ରହୀ ପ୍ରାର୍ଥୀମାନେ ୨୦୨୬ ଜୁଲାଇ ୧୩ ପର୍ଯ୍ୟନ୍ତ ଆବେଦନ କରିପାରିବେ।

ଆବେଦନଗୁଡ଼ିକ ସରକାରୀ ଆଇଜିସିଏଆର ୱେବସାଇଟ୍ ମାଧ୍ୟମରେ ଅନଲାଇନ୍ ଦାଖଲ କରିବାକୁ ପଡିବ।Advertisment କିଏ ଆବେଦନ କରିପାରିବେ?

ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ସାମଗ୍ରୀ ବିଜ୍ଞାନ ଏବଂ ବିକିରଣ ପଦବି ପାଇଁ ପ୍ରାର୍ଥୀମାନଙ୍କ ପାଖରେ ପ୍ରାସଙ୍ଗିକ ବିଷୟରେ ଏମଏସସି କିମ୍ବା ଇଣ୍ଟିଗ୍ରେଟେଡ ଏମଏସସିର ଡିଗ୍ରି ଥିବା ଆବଶ୍ୟକ।

କିଛି ପଦବି ପାଇଁ ପ୍ରାର୍ଥୀମାନେ ବିଏସସି ସ୍ତରରେ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ ଏବଂ ଗଣିତ ଅଧ୍ୟୟନ କରିଥିବା ଆବଶ୍ୟକ।

ଇଞ୍ଜିନିୟରିଂ ସମ୍ବନ୍ଧୀୟ ପଦବି ପାଇଁ ପ୍ରାର୍ଥୀମାନଙ୍କର ସମ୍ପୃକ୍ତ ଶାଖାରେ ବିଇ., ବିଟେକ, ଏମଇ, ଏମଟେକ ଡିଗ୍ରି ଥିବା ଆବଶ୍ୟକ।

କିଛି ପଦବି ପାଇଁ ଏକ ବୈଧ ଗେଟ ସ୍କୋର ବାଧ୍ୟତାମୂଳକ।ଆବେଦନକାରୀଙ୍କ ପାଇଁ ସର୍ବାଧିକ ବୟସ ସୀମା ୨୮ ବର୍ଷ ଧାର୍ଯ୍ୟ କରାଇଥିବା ବେଳେ ସଂରକ୍ଷିତ ବର୍ଗର ପ୍ରାର୍ଥୀମାନଙ୍କୁ ସରକାରୀ ନିୟମ ଅନୁଯାୟୀ ବୟସ ଛାଡ଼ ପ୍ରଦାନ କରାଯାଇଛି।

ଅଶୋଧିତ ତୈଳ ମୂଲ୍ୟରେ ହ୍ରାସ; ବ୍ୟାଙ୍କ-ଆଇଟି ସେୟାର ମୂଲ୍ୟରେ ବୃଦ୍ଧି ଆବେଦନ ସମୟରେ, ପ୍ରାର୍ଥୀମାନଙ୍କୁ ନିମ୍ନଲିଖିତ ଡକ୍ୟୁମେଣ୍ଟ୍ ପ୍ରସ୍ତୁତ ରଖିବାକୁ ପଡିବ: ଜନ୍ମ ତାରିଖର ପ୍ରମାଣ; ସମସ୍ତ ଶିକ୍ଷାଗତ ପ୍ରମାଣପତ୍ର ଏବଂ ମାର୍କ ସିଟ୍, ଅଭିଜ୍ଞତା ପ୍ରମାଣପତ୍ର (ଯଦି ପ୍ରଯୁଜ୍ୟ ହୁଏ); ଜାତି ପ୍ରମାଣପତ୍ର, ଅକ୍ଷମତା ପ୍ରମାଣପତ୍ର; ଏନଓସି; ଏବଂ ଗେଟ, ୟୁଜିସି-ସିଏସଆଇଆର ନେଟ, କିମ୍ବା ଜେଇଏସଟି ପାଇଁ ସ୍କୋରକାର୍ଡ।

ଏହି ଡକ୍ୟୁମେଣ୍ଟଗୁଡ଼ିକର ମୂଳ କପି ଏବଂ ସ୍ୱ-ପ୍ରମାଣିତ ଫଟୋକପି ଆବଶ୍ୟକ ହେବ।

କିପରି ଆବେଦନ କରିବେ?

ପ୍ରଥମେ ଆଇଜିସିଏଆରର ଅଫିସିଆଲ୍ ୱେବସାଇଟକୁ ଯାଇ 'ଜେଆରଏଫ ନିଯୁକ୍ତି ୨୦୨୬'  ଲିଙ୍କ୍ ଉପରେ କ୍ଲିକ୍ କରନ୍ତୁ।

ତାପରେ, ପଞ୍ଜୀକରଣ ପ୍ରକ୍ରିୟା ସମାପ୍ତ କରନ୍ତୁ ଏବଂ ଆବଶ୍ୟକୀୟ ବିବରଣୀ ପ୍ରବେଶ କରନ୍ତୁ।

ପଞ୍ଜୀକୃତ ହେବା ପରେ, ଲଗ୍ ଇନ୍ କରନ୍ତୁ ଏବଂ ଆବେଦନ ଫର୍ମ ପୂରଣ କରନ୍ତୁ।

ତାପରେ, ଏକ ପାସପୋର୍ଟ ଆକାରର ଫଟୋଗ୍ରାଫ୍, ଆପଣଙ୍କର ଦସ୍ତଖତ ଏବଂ ଆବଶ୍ୟକୀୟ ଡକ୍ୟୁମେଣ୍ଟ ଅପଲୋଡ୍ କରନ୍ତୁ।

ସମସ୍ତ ସୂଚନା ଯାଞ୍ଚ କରିବା ପରେ, ଶେଷରେ ଆବେଦନ ଫର୍ମ ଦାଖଲ କରନ୍ତୁ।

"