Hockey: ଆମେରିକାକୁ ପରାସ୍ତ କରି ଭାରତର ବିଜୟ ଅଭିଯାନ

"ଅକ୍‌ଲାଣ୍ଡ: ଭାରତୀୟ ମହିଳା ହକିଦଳ ଏଠାରେ ଚାଲିଥିବା ଏଫ୍‌ଆଇଏଚ୍‌ ନେସନ୍ସ କପ୍‌ରେ ବିଜୟରୁ ଅଭିଯାନ ଆରମ୍ଭ କରିଛି।

ନିଜର ପ୍ରଥମ ପୁଲ୍‌-ଏ" ମ୍ୟାଚ୍‌ରେ ଭାରତ ୩-୨ ଗୋଲ୍‌ରେ ଆମେରିକାକୁ ପରାସ୍ତ କରିଛି।

Advertisment ଏହି ମ୍ୟାଚ୍‌ରେ ଆମେରିକା ଚମତ୍କାର ଆରମ୍ଭ କରିଥିଲା।

ଚତୁର୍ଥ ମିନିଟ୍‌ରେ ଆସ୍‌ଲେ ସେସାଙ୍କ ଗୋଲ୍‌ରେ ଆମେରିକା ପ୍ରାରମ୍ଭିକ ଅଗ୍ରଣୀ ନେଇଥିଲା।

ଏହାର ୩ ମିନିଟ୍‌ ପରେ ଆମେରିକାକୁ ମିଳିଥିବା ପେନାଲ୍‌ଟି କର୍ଣ୍ଣରକୁ ମାଡେଲିନ୍‌ଜିମର (୭ ମିନିଟ୍‌) ଗୋଲ୍‌ରେ ପରିଣତ କରି‌ ଭାରତକୁ ଚାପରେ ରଖିଥିଲେ।

ହେଲେ ପ୍ରଥମ କ୍ବାର୍ଟର ୦-୨ରେ ପଛୁଆ ଥିବା ଭାରତ ଦ୍ବିତୀୟ କ୍ବାର୍ଟରରେ ଆକ୍ରମଣାତ୍ମକ ଖେଳ ଖେଳି ଚମତ୍କାର ପ୍ରତ୍ୟାବର୍ତ୍ତନ କରିଥିଲା।

ଏହାର ଫଳ ଦଳକୁ ୧୭ତମ ମିନିଟ୍‌ରେ ମିଳିଥିଲା।

ଆହୁରି ପଢ଼ନ୍ତୁ: FIFA World Cup 2026: ଫିଫା ଫୁଟ୍‌ବଲ୍‌ ବିଶ୍ବକପ୍‌-୨୦୨୬: ମହାକୁମ୍ଭର ମହାଉଦ୍‌ଘାଟନ ୧୭ତମ ମିନିଟ୍‌ରେ ଭାରତକୁ ମିଳିଥିବା ପେନାଲ୍‌ଟି କର୍ଣ୍ଣରକୁ ଡ୍ରାଗ ଫ୍ଲିକର୍‌ ଦୀପିକା ଗୋଲ୍‌ରେ ପରିଣତ କରି ସ୍ଥିତି ୧-୨ କରିଥିଲେ।

୨୪ତମ ମିନିଟ୍‌ରେ ଆଉ ଏକ ପେନାଲ୍‌ଟି କର୍ଣ୍ଣରକୁ ଦୀପିକା ଗୋଲ୍‌ରେ ପରିଣତ କରି ବ୍ୟକ୍ତିଗତ ଯୁଗଳ ସଫଳତା ପାଇବା ସହ ସ୍ଥିତି ୨-୨ ସମାନ ସ୍ତରକୁ ଆଣିଥିଲେ।

ଏହାର ୪ ମିନିଟ୍‌ ପରେ ନବନୀତ କୌର (୨୮ ମିନିଟ୍‌) ଆଉ ଏକ ପେନାଲ୍‌ଟି କର୍ଣ୍ଣରକୁ ଗୋଲ୍‌ରେ ପରିଣତ କରି ପ୍ରଥମାର୍ଦ୍ଧ ସୁଦ୍ଧା ମ୍ୟାଚ୍‌ ୩-୨ରେ ଭାରତ ପକ୍ଷରେ ରଖିଥିଲେ।

ପରବର୍ତ୍ତୀ ଦୁଇ କ୍ବାର୍ଟର ଗୋଲ୍‌ଶୂନ୍ୟରେ ଶେଷ ହେବାରୁ ଭାରତ ୩-୨ରେ ବିଜୟ ମୁଣ୍ଡି ମାରିଥିଲା।

ଦୀପିକାଙ୍କୁ ମ୍ୟାଚ୍‌ର ଶ୍ରେଷ୍ଠ ଖେଳାଳି ପୁରସ୍କାର ମିଳିଥିଲା।

ମଙ୍ଗଳବାର ଭାରତ ପରବର୍ତ୍ତୀ ମ୍ୟାଚ୍‌ରେ ଜାପାନ୍‌କୁ ଭେଟିବ।

"