FATFର ବିଶ୍ୱସନୀୟତାକୁ ପ୍ରଶ୍ନ କରିବା ପଛରେ ଅଛି ଯାଞ୍ଚ ଓ ନିରୀକ୍ଷଣର ଭୟ

"ନୂଆଦିଲ୍ଲୀ: ଜାତିସଂଘରେ ଭାରତ କହିଛି ଯେ, ଆତଙ୍କବାଦୀଙ୍କୁ ଅର୍ଥ ଯୋଗାଣ ଉପରେ ନଜର ରଖୁଥିବା ଆନ୍ତର୍ଜାତିକ ସଂସ୍ଥା ଫାଇନାନ୍ସିଆଲ୍ ଆକ୍ସନ୍ ଟାସ୍କ ଫୋର୍ସ (ଏଫ୍‌ଏଟିଏଫ୍‌)ର ବିଶ୍ୱସନୀୟତାକୁ କେତେକ ଦେଶ ପ୍ରଶ୍ନ କରୁଛନ୍ତି।

ଏହାର ପ୍ରକୃତ କାରଣ ହେଉଛି ଯାଞ୍ଚ ଓ ନିରୀକ୍ଷଣର ଭୟ।

ଭାରତ ପରୋକ୍ଷ ଭାବେ ପାକିସ୍ତାନକୁ ଇଙ୍ଗିତ କରି କହିଛି, ଯେଉଁ ଦେଶଗୁଡ଼ିକ ନିଜ ଭୂଖଣ୍ଡ, ସଂସ୍ଥା କିମ୍ବା ଆର୍ଥିକ ବ୍ୟବସ୍ଥାକୁ ଆତଙ୍କବାଦୀ କାର୍ଯ୍ୟକଳାପ ପାଇଁ ବ୍ୟବହାର ହେବାକୁ ଦେଉଛନ୍ତି, ସେମାନେ ଅନ୍ୟ ଦେଶରେ ଅସ୍ଥିରତା ସୃଷ୍ଟି ବନ୍ଦ କରି ଆନ୍ତର୍ଜାତିକ ଦାୟିତ୍ୱ ପାଳନ କରିବା ଉଚିତ।Advertisment ଜାତିସଂଘରେ ଭାରତର ସ୍ଥାୟୀ ପ୍ରତିନିଧି ପର୍ବତାନେନୀ ହରିଶ "ପରିବର୍ତ୍ତିତ ବିପଦ ଓ ନୂତନ ପ୍ରଯୁକ୍ତି ପରିପ୍ରେକ୍ଷୀରେ ଆତଙ୍କବାଦୀଙ୍କୁ ଅର୍ଥ ଯୋଗାଣର ମୁକାବିଲା" ଶୀର୍ଷକ ଏକ କାର୍ଯ୍ୟକ୍ରମରେ ଏହି ମତ ରଖିଥିଲେ।

ଭାରତ, ଫ୍ରାନ୍ସ, ଜାତିସଂଘର କାଉଣ୍ଟର ଟେରୋରିଜମ୍ କମିଟି ଏକ୍ସିକ୍ୟୁଟିଭ୍ ଡିରେକ୍ଟୋରେଟ୍, ଜାତିସଂଘ କାଉଣ୍ଟର ଟେରୋରିଜମ୍ କାର୍ଯ୍ୟାଳୟ ଏବଂ ଗ୍ଲୋବାଲ୍ ଇଣ୍ଟରନେଟ୍ ଫୋରମ୍ ଟୁ କାଉଣ୍ଟର ଟେରୋରିଜମ୍ ମିଳିତ ଭାବେ ଏହି କାର୍ଯ୍ୟକ୍ରମର ଆୟୋଜନ କରିଥିଲେ।

ହରିଶ କହିଥିଲେ, ଏଫ୍‌ଏଟିଏଫ୍‌ ବିଶ୍ୱସ୍ତରରେ ଆତଙ୍କବାଦୀଙ୍କ ଅର୍ଥ ଯୋଗାଣ ବିରୋଧୀ ବ୍ୟବସ୍ଥାର ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ।

ଏହାର କାର୍ଯ୍ୟ ପ୍ରମାଣଭିତ୍ତିକ, ପ୍ରଯୁକ୍ତିନିର୍ଭର ତଥା ଆନ୍ତର୍ଜାତିକ ମାନଦଣ୍ଡ ଉପରେ ଆଧାରିତ।

ତେଣୁ ଏହାର ବିଶ୍ୱସନୀୟତାକୁ ନେଇ ସନ୍ଦେହ ସୃଷ୍ଟି କରିବା ପରିବର୍ତ୍ତେ, ଯେଉଁ ଦେଶ ବିରୋଧରେ ଆପତ୍ତି ଉଠିଛି ସେମାନେ ନିଜ ବ୍ୟବସ୍ଥାର ଦୁର୍ବଳତା ଦୂର କରିବା, ଆଇନ ପ୍ରୟୋଗକୁ ସୁଦୃଢ଼ କରିବା, ଆର୍ଥିକ ସ୍ୱଚ୍ଛତା ବଢ଼ାଇବା ଏବଂ ଆତଙ୍କବାଦୀଙ୍କୁ ଅର୍ଥ ଯୋଗାଣ ବନ୍ଦ କରିବା ଦିଗରେ ଦୃଢ଼ ପଦକ୍ଷେପ ନେବା ଉଚିତ।

ସେ କହିଥିଲେ, ଭାରତ ଦୀର୍ଘ ଦିନ ଧରି ସୀମାପାର ଆତଙ୍କବାଦର ସମ୍ମୁଖୀନ ହୋଇଆସୁଛି।

ବର୍ତ୍ତମାନ ଡିଜିଟାଲ୍ ପ୍ରଯୁକ୍ତିର ବ୍ୟାପକ ବ୍ୟବହାର ଯୋଗୁଁ ଆତଙ୍କବାଦୀଙ୍କ ଅର୍ଥ ଯୋଗାଣର ଉତ୍ସ, ପଦ୍ଧତି ଓ ମାଧ୍ୟମ ଅଧିକ ଜଟିଳ ହୋଇପଡ଼ିଛି।

ଏହା ବିଶ୍ୱ ସମୁଦାୟ ପାଇଁ ଗମ୍ଭୀର ଚିନ୍ତାର ବିଷୟ।

ଭାରତ ଏହି ଚ୍ୟାଲେଞ୍ଜକୁ ମୁକାବିଲା ପାଇଁ କେନ୍ଦ୍ରୀଭୂତ ଡିଜିଟାଲ୍ ବିନିମୟ ପ୍ଲାଟଫର୍ମ ଓ ବ୍ୟବହାରକାରୀଙ୍କ ପାଇଁ କଡ଼ା ଯାଞ୍ଚ ବ୍ୟବସ୍ଥା ଲାଗୁ କରିଛି।

ଆତଙ୍କବାଦୀଙ୍କ ଅର୍ଥ ଯୋଗାଣକୁ ରୋକିବା ପାଇଁ ଭାରତ ନିଜ ଅଭିଜ୍ଞତା ଓ ଶ୍ରେଷ୍ଠ ପଦ୍ଧତିଗୁଡ଼ିକୁ ଏଫ୍‌ଏଟିଏଫ୍‌ ସହ ବାଣ୍ଟିଥିବା କଥା ମଧ୍ୟ ସେ ଉଲ୍ଲେଖ କରିଥିଲେ।

Pakistan terror: ପାକିସ୍ତାନର ଆତଙ୍କବାଦୀ ପ୍ରେମର ପୁଣି ଥରେ ପର୍ଦ୍ଦାଫାଶ "