ରାତିରେ ନିଆଁ ଲାଗି ଜଳିଗଲା ବହୁ ଦୋକାନ
ବଲାଙ୍ଗୀର : ବଲାଙ୍ଗୀର ଜିଲ୍ଲା ଗାନ୍ଧୀନଗରପଡାରେ ଅଗ୍ନିକାଣ୍ଡ । ନିଆଁ ଲାଗି ଜଳିଗଲା ୩ ଦୋକାନ । ଗ୍ୟାରେଜ, ଅଟୋ ପାର୍ଟସ ଓ ଫର୍ନିଚର ଦୋକାନରେ ବିଳମ୍ବିତ ରାତିରେ ନିଆଁ ଲାଗି ଲକ୍ଷାଧିକ ଟଙ୍କାର ଜିନିଷ ନଷ୍ଟ ହୋଇଯାଇଛି । ଦୁଇଟି ଦମକଳ ବାହିନୀ ନିଆଁକୁ ଆୟତ୍ତ କରିଛନ୍ତି । ତେବେ ସର୍ଟସର୍କିଟରୁ ଅଗ୍ନିକାଣ୍ଡ ହୋଇଥିବା ଜଣାପଡ଼ିଛି । ପାଖାପାଖି ୫୦ ଲକ୍ଷରୁ ଅଧିକ ଟଙ୍କାର କ୍ଷୟକ୍ଷତି ହୋଇଥିବା ଜଣାପଡ଼ିଛି। ଗ୍ୟାରେଜରେ ଥିବା ବାଇକ, ସ୍କୁଟି, ଇଭି ସମେତ ୨୦ରୁ ଅଧିକ ଗାଡ଼ି ଜଳି ପୋଡ଼ି ପାଉଁଶ ହୋଇଛି। ଅଟୋ ପାର୍ଟସ ମଧ୍ୟ ସମ୍ପୂର୍ଣ୍ଣ ଜଳି ଯାଇଛି I ବହୁ କଷ୍ଟରେ ନିଆଁ ଲିଭାଇଥିଲା ଅଗ୍ନିଶମ ବାହିନୀ। ୨ ଘଣ୍ଟାରୁ ଅଧିକ ସମୟ ଲାଗିଥିଲା।
