Cricket: ଆଜିଠୁ ଜିମ୍ବାୱେ ବିପକ୍ଷ ଟ୍ବେଣ୍ଟି-୨୦ ଶୃଙ୍ଖଳା; ରିଦିମ୍‌କୁ ଫେରିବାକୁ ଭାରତର ଲକ୍ଷ୍ୟ

"ହରାରେ: ଲଗାତାର ୩ ଶୃଙ୍ଖଳା ପରାଜୟ ପରେ ଭାରତ ୩ ମ୍ୟାଚ୍‌ ବିଶିଷ୍ଟ ‌ଟ୍ବେଣ୍ଟି-୨୦ ଶୃଙ୍ଖଳା ଘରୋଇ ଜିମ୍ବାୱେ ବିପକ୍ଷରେ ଗୁରୁବାରଠୁ ହରାରେରେ ଖେଳିବ।

ଗତ ୩ ଶୃଙ୍ଖଳା (ଆୟର୍ଲାଣ୍ଡ ବିପକ୍ଷ ଟ୍ବେଣ୍ଟି-୨୦, ଇଂଲଣ୍ଡ ବିପକ୍ଷ ଟ୍ବେଣ୍ଟି-୨୦ ଓ ଦିନିକିଆ) ପରାଜୟକୁ ଭୁଲି ଭାରତ ନିଜ ଲୟକୁ ଫେରିବାକୁ ଲକ୍ଷ୍ୟ ରଖିଛି।

ଆୟର୍ଲାଣ୍ଡ ଓ ଇଂଲଣ୍ଡ ବିପକ୍ଷ ଟ୍ବେଣ୍ଟି-୨୦ ଶୃଙ୍ଖଳାରେ ମୂଳପୋଛ ପରାଜୟ ବରଣ କରିଥିବା ନୂଆ ଅଧିନାୟକ ଶ୍ରେୟସ ଆୟରଙ୍କ ଦଳ ଜିମ୍ବାୱେକୁ ହରାଇବାକୁ ପୂରା ପ୍ରସ୍ତୁତ ହୋଇଛି।

ସଂପ୍ରତି ଶ୍ରେୟସଙ୍କ ନେତୃତ୍ବରେ ଭାରତ ୭ ମ୍ୟାଚ୍‌ ଖେଳି ୬ଟି ପରାଜୟ ପାଇଥିଲା ବେଳେ ଗୋଟିଏ ବାତିଲ ହୋଇଛି।

ତେଣୁ ଜିମ୍ବାୱେ ବିପକ୍ଷରୁ ଶ୍ରେୟସ ବିଜୟ ଅଭିଯାନ ଆରମ୍ଭ କରିବାକୁ ଚେଷ୍ଟା କରିବେ।

ଜିମ୍ବାୱେ ଗସ୍ତରେ ଦଳର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କୁ ବିଶ୍ରାମ ଦିଆଯାଇଛି।

ଫଳରେ ଅନ୍ତରୀଣ ପ୍ରଶିକ୍ଷକ ଭିଭିଏସ୍‌ ଲକ୍ଷ୍ମଣଙ୍କ ତତ୍ତ୍ବାବଧାନରେ ଦଳ ଜିମ୍ବାୱେରେ ଖେଳିବ।Advertisment ଗତ ୩ ମ୍ୟାଚ୍‌ରେ ସଂଜୁ ସାମ୍‌ସନ୍‌ଙ୍କ ସ୍ଥାନ ନେଇ ଅଭିଷେକ ଶର୍ମାଙ୍କ ସହ ଓପନ୍‌ କରିଥିବା ବିସ୍ମୟ ବାଳକ ବୈଭବ ସୂଯ୍ୟବଂଶୀଙ୍କ ଉପରେ ପୁଣି ଥରେ ସମସ୍ତଙ୍କ ନଜର ରହିବ।

ହରାରେ ସ୍ପୋର୍ଟ୍ସ କ୍ଲବ୍‌ ଗ୍ରାଉଣ୍ଡରେ ପୁଣି ଥରେ ଉଭୟ ଅଭି‌ଷେକ ଓ ସୂର୍ଯ୍ୟବଂଶୀ ନିଜ ନିଜର ଚମକ ଦେଖାଇବାର ସୁଯୋଗ ପାଇବେ।

ପଞ୍ଜାବ ଓପନର୍‌ ଅଭିଷେକ ଏଠାରେ ପଦାର୍ପଣର ଦ୍ବିତୀୟ ମ୍ୟାଚ୍‌ରେ ପ୍ରଥମ ଟ୍ବେଣ୍ଟି-୨୦ ଶତକ ହାସଲ କରିଥିଲେ।

ସୂର୍ଯ୍ୟବଂଶୀ ଚଳିତ ବର୍ଷ ଏଠାରେ ଖେଳାଯାଇଥିବା ୧୯ ବର୍ଷରୁ କମ୍‌ ବିଶ୍ବକପ୍‌ ଫାଇନାଲ୍‌ରେ ଇଂଲଣ୍ଡ ବିପକ୍ଷରେ ଶତକୀୟ ପାଳି ଖେଳିଥିଲେ।

ଏହି ଦୁଇ ବ୍ୟାଟର୍‌ ସହ ତିଳକ ବର୍ମା, ଅଧିନାୟକ ଶ୍ରେୟସ, ଈଶାନ କିଶନ ଏବଂ ଦଳକୁ ଫେରିଥିବା ରିଙ୍କୁ ସିଂହଙ୍କୁ ନେଇ ବ୍ୟାଟିଂ ଲାଇନ୍‌ ଦୃଢ଼ ରହିଛି।

ଏମାନଙ୍କ ସହ ଅଲ୍‌ରାଉଣ୍ଡର ହର୍ଷ ଦୁବେ, ଶିବମ ଦୁବେ ଓ ସୂର୍ଯ୍ୟାଂଶ ସେଡ୍‌ଗେ ରହିଛନ୍ତି।

ୟଶ୍‌ ଠାକୁର, ପ୍ରିନ୍ସ ଯାଦବ, ମୟଙ୍କ ଯାଦବ, ଅଶୋକ ଶର୍ମା ଓ ରବି ବିଷ୍ଣୋଇଙ୍କୁ ନେଇ ଭାରତ ପାଖରେ ବୋଲିଂରେ ଭଲ ବିକଳ୍ପ ରହିଛି।

ଅନ୍ୟପକ୍ଷରେ ଜିମ୍ବାୱେ ଘରୋଇ ମାଟିରେ ଭ୍ରମଣକାରୀ ଦଳକୁ ଚ୍ୟାଲେଞ୍ଜ ଦେବାକୁ ପୂରା ପ୍ରସ୍ତୁତ ରହିଛି।

ନିକଟରେ ଏହି ଦଳ ବାଂଲାଦେଶ ବିପକ୍ଷ ଏକମାତ୍ର ଟେଷ୍ଟ୍‌ ସହ ଦିନିକିଆ ଶୃଙ୍ଖଳା ଜିତିଥିଲା। ‌ହେଲେ ଟ୍ବେଣ୍ଟି-୨୦ ଶୃଙ୍ଖଳା ୧-୨ରେ ହାରିଥିଲା।

ଅଧିନାୟକ ଅଲ୍‌ରାଉଣ୍ଡର ସିକନ୍ଦର ରାଜା, ଦ୍ରୁତବୋଲର ବ୍ଲେସିଂ ମୁଜରବାନି, ୱେସ୍‌ଲେ ମାଧେବୀରେ ଓ ବ୍ୟାଟର୍‌ ବ୍ରାଏନ ବେନେଟଙ୍କ ଉପରେ ଦଳ ପୂରା ଭରସା ରଖିଛି।

ସମ୍ଭାବ୍ୟ ଭାରତୀୟ ଦଳ: ଶ୍ରେୟସ ଆୟର (ଅଧିନାୟକ), ବୈଭବ ସୂର୍ଯ୍ୟବଂଶୀ, ଅଭିଷେକ ଶର୍ମା, ତିଳକ ବର୍ମା (ଉପଅଧିନାୟକ), ଈଶାନ କିଶନ (ୱିକେଟ୍‌କିପର), ଶିବମ ଦୁବେ, ରିଙ୍କୁ ସିଂହ, ହର୍ଷ ଦୁବେ, ପ୍ରିନ୍ସ ଯାଦବ, ୟଶ୍‌ ଠାକୁର, ମୟଙ୍କ ଯାଦବ।

ସମ୍ଭାବ୍ୟ ଜିମ୍ବାୱେ ଦଳ: ବ୍ରାଏନ ବେନେଟ, ତଡ଼ିୱାନାସେ ମରୁମଣି (ୱିକେଟ୍‌କିପର), ଡିଅନ୍‌ ମେୟର୍ସ, ସିକନ୍ଦର ରାଜା (ଅଧିନାୟକ), ରିୟାନ ବୁର୍ଲ, ମିଲଟନ୍‌ ଶୁମ୍ବା, ୱେସ୍‌ଲେ ମାଧେବୀରା, ବ୍ରାଡ୍‌ ଇଭାନ୍ସ, ୱେଲିଂଟନ୍‌ ମାସାକାଜା, ରିଚର୍ଡେ ଏନ୍‌ଗାରାଭା, ବ୍ଲେସିଂ ମୁଜରବାନି।ପ୍ରସାରଣ: ୟୁନିଟ୍‌୮ ସ୍ପୋର୍ଟ୍ସ, ଜି୫ଆପ୍‌ସମୟ: ଅପରାହ୍‌ଣ ୪.୩୦ "