Border Tension: ଭାରତ-ବାଂଲାଦେଶ ସୀମାରେ ଉତ୍ତେଜନା: ଜିରୋ ଲାଇନରେ ସଶସ୍ତ୍ର ଭିଡ଼ ଜମା

"ଗୁଆହାଟୀ : ଆସାମର ଶ୍ରୀଭୂମି ଜିଲ୍ଲାର ଭାରତ-ବାଂଲାଦେଶ ସୀମାରେ ଅନୁପ୍ରବେଶ ନେଇ ଉତ୍ତେଜନା ଦେଖାଦେଇଛି।

ଯାହା ଫଳରେ ସୀମା ସୁରକ୍ଷା ବଳ(ବିଏସଏଫ) ଏବଂ ସୀମା ସୁରକ୍ଷା ବାଂଲାଦେଶ (ବିଜିବି) ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି।

ବିଜିବି ଭାରତୀୟ ପାର୍ଶ୍ୱକୁ ବନ୍ଧୁକ ଦେଖାଇଥିବା ସୂଚନା ମିଳିଛି।

ବହୁ ସଂଖ୍ୟକ ବାଂଲାଦେଶୀ ଅସ୍ତ୍ରଶସ୍ତ୍ର ଧରି ସୀମାରେ ବିଏସଏଫକୁ ବାରମ୍ବାର ଧମକ ଦେଇଥିବା କୁହାଯାଉଛି।

ଏହି ଘଟଣା ବିଲାବାରୀ ସୀମାନ୍ତ ଅଞ୍ଚଳରେ ଘଟିଛି।

ଫଳରେ ଉତ୍ତେଜନା ସୃଷ୍ଟି ହୋଇଛି।

ରିପୋର୍ଟ ଅନୁଯାୟୀ, ନ୍ୟୁ ପଲ୍ଲାଥଲ ଅଞ୍ଚଳରେ ସୀମାରେ ବାଂଲାଦେଶୀ ଅନୁପ୍ରବେଶ ରୋକାଯିବା ପରେ ମୁହାଁମୁହିଁ ସ୍ଥିତି ସୃଷ୍ଟି ହୋଇଥିଲା।

ସୀମା ନିକଟବର୍ତ୍ତୀ ଗ୍ରାମଗୁଡ଼ିକର ଗ୍ରାମବାସୀମାନେଛୁରୀ, ଲାଠି ଏବଂ ବାଉଁଶ ବାଡ଼ି ଧରି ବିଜିବିର ସମର୍ଥନରେ ଏକତ୍ରିତ ହୋଇଥି ଅସ୍ତ୍ରଶସ୍ତ୍ର ଦେଖାଇ ବିଏସଏଫକୁ ଧମକ ଦେଇଥିବା କୁହାଯାଉଛି।

ରିପୋର୍ଟ ଅନୁଯାୟୀ, ବିଜିବିର ପଲ୍ଲାଥଲ ସୀମା ଆଉଟପୋଷ୍ଟର ସୈନିକମାନେ ଲାଉଡସ୍ପିକର ମାଧ୍ୟମରେ ବିଏସଏଫକୁ ବାରମ୍ବାର ଚେତାବନୀ ଦେଇଥିଲେ।

ସେମାନଙ୍କୁ ସୀମାରୁ ଦୂରେଇ ଯିବାକୁ ଅନୁରୋଧ କରିଥିଲେ।

ବିଜିବି ଏହା ମଧ୍ୟ ଚେତାବନୀ ଦେଇଥିଲା ଯେ ଯଦି ପରିସ୍ଥିତି ଆହୁରି ବିଗିଡ଼ିଯାଏ ଏବଂ ଲୋକଙ୍କୁ ହଟା ନଯାଏ ନାହିଁ, ତେବେ ସେମାନଙ୍କୁ ଗୁଳି ଚଳାଇବାକୁ ପଡ଼ିପାରେ।

ଏହି ଘଟଣା ଶ୍ରୀଭୂମି ଜିଲ୍ଲାରେ ଅନ୍ତର୍ଜାତୀୟ ସୀମାରେ ଉତ୍ତେଜନାକୁ ବୃଦ୍ଧି କରିଛି।Advertisment ଶ୍ରୀଭୂମି ଜିଲ୍ଲାର ବିଲାବାରୀ ସୀମାରେ ଘଟିଛି ସୂଚନା ଅନୁଯାୟୀ, ଏହି ଘଟଣା ଆସାମର ଶ୍ରୀଭୂମି ଜିଲ୍ଲାର ବିଲାବାରୀ ସୀମାରେ ଘଟିଛି, ଯେଉଁଠାରେ ଭାରତୀୟ ସୁରକ୍ଷା କର୍ମୀମାନେ ବାଂଲାଦେଶୀ ନାଗରିକଙ୍କ ଏକ ଗୋଷ୍ଠୀକୁ ନ୍ୟୁ ପାଲାଥୋଲ ଅଞ୍ଚଳ ଆଡ଼କୁ ବାଂଲାଦେଶ ଭିତରକୁ ଠେଲି ଦେବାକୁ ଚେଷ୍ଟା କରିଥିବା ଅଭିଯୋଗ ହୋଇଛି।

ବିଜିବି ଏହି ପଦକ୍ଷେପର ପ୍ରତିବାଦ କରିଥିଲା ​​ଏବଂ ଏହି ଗୋଷ୍ଠୀକୁ ନିଜ ଅଞ୍ଚଳରେ ପ୍ରବେଶ କରିବାକୁ ଅନୁମତି ଦେବାକୁ ମନା କରିଥିଲା।

ବାଂଲାଦେଶୀମାନେ ଲାଠି ଏବଂ ଅସ୍ତ୍ରଶସ୍ତ୍ର ଧରି ଜିରୋ ଲାଇନକୁ ଆସିଥିଲେ।

କିଛି ଘଣ୍ଟା ଧରି ଚାଲିଥିବା ଏହି ଅଚଳାବସ୍ଥା ମଧ୍ୟରେ ଉଭୟ ପକ୍ଷର ସୁରକ୍ଷା କର୍ମୀ ସୀମାରେ ମୁତୟନ ରହିଥିଲେ।

ଗୁଳି ବିନିମୟ କିମ୍ବା ମୃତାହତର କୌଣସି ରିପୋର୍ଟ ମିଳିନାହିଁ।

ବିଲାବାରୀ ସୀମାରେ ପରିସ୍ଥିତି ଉତ୍ତେଜନାପୂର୍ଣ୍ଣ ରହିଛି।

ଏହି ଘଟଣା ସମ୍ପର୍କରେ ବିଏସଏଫ କିମ୍ବା ବିଜିବି ପକ୍ଷରୁ କୌଣସି ସରକାରୀ ବିବୃତି ଦିଆଯାଇ ନାହିଁ।

ସୁରକ୍ଷା ସୂତ୍ରଗୁଡ଼ିକ କହିଛନ୍ତି ଯେ ପରିସ୍ଥିତି ନିୟନ୍ତ୍ରଣ ବାହାରକୁ ନ ଯିବା ପାଇଁ ବିଏସଏଫ ସୈନିକମାନେ ସଂଯମତା ଅବଲମ୍ବନ କରିଥିଲେ ଏବଂ ସମନ୍ୱୟ ବଜାୟ ରଖିଥିଲେ।

ପରେ, ପରିସ୍ଥିତି ନିୟନ୍ତ୍ରଣ କରିବା ପାଇଁ ଉଭୟ ପାର୍ଶ୍ୱରୁ ଅତିରିକ୍ତ ସୁରକ୍ଷାକର୍ମୀଙ୍କୁଘଟଣାସ୍ଥଳକୁ ପଠାଯାଇଥିଲା।

ସ୍ଥାନୀୟ ପ୍ରଶାସନ ଏବଂ ଆସାମ ପୁଲିସ ୟୁନିଟଗୁଡ଼ିକୁ ମଧ୍ୟ ସତର୍କ କରାଯାଇଥିଲା।

ତେବେ ଘଟଣା କିମ୍ବା ପ୍ରତ୍ୟାବର୍ତ୍ତନ କାର୍ଯ୍ୟରେ ସାମିଲ ଲୋକଙ୍କ ସଂଖ୍ୟା ସମ୍ପର୍କରେ ଏପର୍ଯ୍ୟନ୍ତ କୌଣସି ସରକାରୀ ବିବୃତି ଜାରି କରାଯାଇ ନାହିଁ।

Tamilnadu Case: ଜାତୀୟ ମାନବାଧିକାର କମିସନରେ ତାମିଲନାଡ଼ୁରେ ୧୧ ଓଡ଼ିଆ ଶ୍ରମିକଙ୍କ ମୃତ୍ୟୁ ମାମଲା "