Bay of Bengal: ବଙ୍ଗୋପସାଗରରେ ବାତ୍ୟା ଭୟ: ୨୩ରୁ ୨୫ ମଧ୍ୟରେ ପୂର୍ବ ଉପକୂଳ ଛୁଇଁପା‌ରେ

"ଭୁବନେଶ୍ବର: ବଙ୍ଗୋପସାଗରରେ ଆସିପାରେ ବାତ୍ୟା।

ପ୍ରକୋପ କେତେ ରହିବ?

କେଉଁ ଆଡ଼େ ଗତି କରିବ?

ସେ ନେଇ ଏପର୍ଯ୍ୟନ୍ତ କୌଣସି ଆକଳନ କରାଯାଇ ନାହିଁ।

ତେବେ‌ ଆମେରିକାର ଜିଏଫ୍‌ଏସ୍‌, ୟୁରୋପର ଇସିଏମ୍‌ଡବ୍ଲୁଏଫ୍‌ ମଡେଲ୍‌ ଏଭଳି ପୂର୍ବାନୁମାନ କରିଛନ୍ତି।

ଭାରତୀୟ ପାଣିପାଗ ବିଭାଗ (ଆଇଏମ୍‌ଡି) ସ୍ପଷ୍ଟ ଚିତ୍ର ଦେଇ ନ ଥିଲେ ମଧ୍ୟ ୧୯ କିମ୍ବା ୨୦ ତାରିଖ ବେଳକୁ କେନ୍ଦ୍ରୀୟ ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ହେବା ନେଇ ସୂଚନା ଦେଇଛି।

ବାତ୍ୟା ସମ୍ଭାବନାର କାରଣ ଦର୍ଶାଇବାକୁ ଯାଇ ମଡେଲ୍‌ଗୁଡ଼ିକ କହିଛନ୍ତି ଯେ ଦେଶର ବିଭିନ୍ନ ସ୍ଥାନରେ ମୌସୁମୀ ବାୟୁପ୍ରବାହ ଦୁର୍ବଳ ରହିଛି।

ଉତ୍ତର ପଶ୍ଚିମ ଭାରତରୁ ମୌସୁମୀ ଅପସାରଣ ପାଇଁ ପାଗ ଅନୁକୂଳ ରହିଛି।

ଏଥିସହ ଗତ ୧୫ ଦିନ ହେଲା ପଶ୍ଚିମ ରାଜସ୍ଥାନର ପାର୍ଶ୍ୱବର୍ତ୍ତୀ ଅଞ୍ଚଳରେ ଆଦୌ ବର୍ଷା ହୋଇ ନାହିଁ।

ସମୁଦ୍ରପୃଷ୍ଠ ତାପମାତ୍ରା ଯଥେଷ୍ଟ ଅଧିକ ରହିବା ସହ ଉପର ଓ ତଳ ଭାଗରେ ବାୟୁ ଚଳାଚଳ‌ରେ ତରତମ୍ୟ କମ୍‌ ରହୁଥିବାରୁ ଲଘୁଚାପକୁ ଅଧିକ ଘନୀଭୂତ କରାଇ ବାତ୍ୟାରେ ପରିଣତ କରିବାର ଯଥେଷ୍ଟ ସମ୍ଭାବନା ରହିଛି।Advertisment Cyclone: ଚୀନ୍‌ରେ ତାଣ୍ଡବ ରଚିଲା ଘୂର୍ଣ୍ଣିବାତ୍ୟା"ସାଉଡେଲ୍": ଫୁଜିଆନ୍ ପ୍ରଦେଶରେ ଲ୍ୟାଣ୍ଡଫଲ୍ ଆମେରିକୀୟ ଜିଏଫ୍‌ଏସ୍‌ ମଡେଲର ଆକଳନ ଅନୁଯାୟୀ ୧୮ ଓ ୧୯ ତାରିଖ ବେଳକୁ ଏକ ଘୂର୍ଣ୍ଣିବଳୟ ଦକ୍ଷିଣ ଚୀନ ସାଗରରୁ ଅବଶିଷ୍ଟାଂଶ ଭାବେ ପ୍ରବେଶ କରିବାର ସମ୍ଭାବନା ରହିଛି।

ପ୍ରଭାବରେ ୨୦ ତାରିଖ ବେଳକୁ ଉତ୍ତର ଆଣ୍ଡାମାନ ସାଗର ଓ ପାର୍ଶ୍ୱବର୍ତ୍ତୀ ଅଞ୍ଚଳରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି।

ପରବର୍ତ୍ତୀ ସମୟରେ ଆହୁରି ଘନୀଭୂତ ହୋଇ ବାତ୍ୟାର ରୂପ ନେବା ସହ ଉତ୍ତର ପଶ୍ଚିମ ଦିଗରେ ଗତି କରିପାରେ।

ଏଥିସହ ଏହା ପୂର୍ବ ଉପକୂଳ ଆଡ଼କୁ ଗତିକରି ଓଡ଼ିଶା-ଆନ୍ଧ୍ର ଉପକୂଳମୁହାଁ ହେବ।

ବାତ୍ୟା ପ୍ରଭାବରେ ପ୍ରବଳରୁ ଅତିପ୍ରବଳ ବର୍ଷା ସହ ସମୁଦ୍ର ଭିତରେ ୧୦୦ କିମି ବେଗରେ ପବନ ହୋଇପାରେ।

ସ୍ଥଳଭାଗକୁ ପ୍ରବେଶ ସମୟରେ ପବନର ବେଗ ଘଣ୍ଟାପ୍ରତି ୭୦ରୁ ୮୫ କିମି ଛୁୂଇଁବ।

ଉପକୂଳ ଓଡ଼ିଶାରେ ପ୍ରବଳରୁ ଅତିପ୍ରବଳ ବର୍ଷା ହେବା ନେଇ ଆକଳନ କରାଯାଇଛି।

ପାଣିପାଗ ବିଶେଷଜ୍ଞ ପ୍ରଫେସର ସୁରେନ୍ଦ୍ରନାଥ ପଶୁପାଳକ କହିଛନ୍ତି ଯେ ବିଶ୍ୱର ପ୍ରମୁଖ ପାଣିପାଗ ମଡେଲଗୁଡ଼ିକ ସେପ୍ଟେମ୍ବର ୨୦ରୁ ୨୨ ବେଳକୁ ବଙ୍ଗୋପସାଗରରେ ଏକ ନୂଆ ପ୍ରଣାଳୀ ସୃଷ୍ଟିର ସଙ୍କେତ ଦେଉଛନ୍ତି।

ପ୍ରଥମେ ଘୂର୍ଣ୍ଣିବଳୟ, ଲଘୁଚାପ ଓ ଅବପାତ ଭାବେ ପ୍ରଣାଳୀଟି ଆଗକୁ ବଢ଼ିପାରେ।

ଏହା ବାତ୍ୟାରେ ପରିଣତ ହେବାର ସମ୍ଭାବନାକୁ ଏବେଠାରୁ ବାଦ୍ ଦିଆଯାଇପାରିବ ନାହିଁ।

ପ୍ରଣାଳୀଟି ଶକ୍ତିଶାଳୀ ହେଲେ ୨୩ରୁ ୨୭ ତାରିଖ ମଧ୍ୟରେ ଉତ୍ତର ଆନ୍ଧ୍ର-ଓଡ଼ିଶା-ପଶ୍ଚିମବଙ୍ଗ ଉପକୂଳ ଉପରେ ନଜର ରଖିବାକୁ ପଡ଼ିବ।

ଏବେଠାରୁ କୌଣସି ନିର୍ଦ୍ଦିଷ୍ଟ ସ୍ଥଳଭାଗ ଛୁଇଁବା ସ୍ଥାନ କହିବା ଠିକ୍ ହେବ ନାହିଁ।

ମଡେଲରେ ଦେଖାଯାଉଥିବା ବାତ୍ୟାର ଶକ୍ତି ଓ ଗତିପଥ ପରବର୍ତ୍ତୀ ସମୟରେ ବଦଳିପାରେ।

ଦୁଇଟି ମଡେଲରେ ପ୍ରଣାଳୀ ସୃଷ୍ଟି ଓ ପରେ ଅଧିକ ସଂଗଠିତ ହେବା ନେଇ କିଛିଟା ସମାନ ସଙ୍କେତ ଦେଖାଯାଉଛି।

ମାତ୍ର ଏହାର ଶକ୍ତି, ଗତିପଥ ଓ କେଉଁଠାରେ ସ୍ଥଳଭାଗ ଛୁଇଁବ ସେ ସଂକ୍ରାନ୍ତରେ ଅନିଶ୍ଚିତତା ରହିଛି।

୨୩ରୁ ୨୫ ମଧ୍ୟରେ ପୂର୍ବ ଉପକୂଳ ଛୁଇଁପା‌ରେଓଡ଼ିଶାମୁହାଁ ହେଉଥିବା ଅନ୍ତର୍ଜାତୀୟ ମଡେଲ୍‌ଙ୍କ ଆକଳନ୨୦ରେ ଲଘୁଚାପ ସୃଷ୍ଟି ନେଇ ଆଇଏମ୍‌ଡିର ଆକଳନ ଆଞ୍ଚଳିକ ପାଣିପାଗ କେନ୍ଦ୍ରର ପୂର୍ବତନ ନିର୍ଦ୍ଦେଶକ ଶରତ କୁମାର ସାହୁ କହିଛନ୍ତି ଯେ ମୌସୁମୀ ସମୟରେ ପାଗ ଅନୁକୂଳ ରହିଲେ ଲଘୁଚାପଟି ବାତ୍ୟା ରୂପ ନେଇପାରେ।

ସ୍ଥଳଭାଗ ଅତିକ୍ରମ ପୂର୍ବରୁ ବାତ୍ୟା ରୂପ ନେବାର ସମ୍ଭାବନା ରହିଛି।

ଆଶ୍ବସ୍ତିର କଥା ହେଉଛି ‌ଯେ ବାତ୍ୟା ରୂପରେ ମାତ୍ର ୧୨ରୁ ୨୪ ଘଣ୍ଟା ପର୍ଯ୍ୟନ୍ତ ରହିବ।

ତେବେ ୨୦ ତାରିଖ ବେଳକୁ ଏହାର ସ୍ପଷ୍ଟତା ଆସିବ ବୋଲି ସେ ମତ ଦେଇଛନ୍ତି।

ଆଇଏମ୍‌ଡି ଡିଜି ମୃତ୍ୟୁଞ୍ଜୟ ମହାପାତ୍ର କହିଛନ୍ତି, ଆସନ୍ତା ୧୯ ତାରିଖ ବେଳକୁ ରାଜସ୍ଥାନର ପଶ୍ଚିମ ଭାଗରୁ ମୌସୁମୀ ପ୍ରତ୍ୟାହୃତ ହେବାର ସମ୍ଭାବନା ରହିଛି।

ଯଦିଓ ପଶ୍ଚିମ ଭାରତରୁ ବର୍ଷା ପରିମାଣ କମିବ, କିନ୍ତୁ ପୂର୍ବ ଓ ଦକ୍ଷିଣ ଭାରତରେ ବର୍ଷା ଲାଗି ରହିବ।

ଆଗାମୀ ୧୯ରୁ ୨୦ ତାରିଖ ମଧ୍ୟରେ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି।

ଧୀରେ ଧୀରେ ଏହା ଅଧିକ ଘନୀଭୂତ ହୋଇ ଉତ୍ତର-ପଶ୍ଚିମ ଦିଗକୁ ଗତି କରିବ।

ଓଡ଼ିଶା ଓ ଆନ୍ଧ୍ରପ୍ରଦେଶ ଉପକୂଳରେ ଏହାର ପ୍ରଭାବ ରହିବା ସମ୍ଭାବନା ରହିଛି।

Cyclone in the Bay of Bengal: ବଙ୍ଗୋପସାଗରରେ ଘୂର୍ଣ୍ଣିବଳୟ: ୧୨ ବେଳକୁ ଲଘୁଚାପରେ ପରିଣତ ହୋଇପାରେ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ରର ଆକଳନ ଅନୁଯାୟୀ ଆସନ୍ତା ଦୁଇ ଦିନ ପର୍ଯ୍ୟନ୍ତ କେନ୍ଦୁଝର ଓ ମୟୂରଭଞ୍ଜର କେତେକ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି।

ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, ସୁନ୍ଦରଗଡ଼, ଗଜପତି, ଗଞ୍ଜାମ, ପୁରୀ, ଖୋର୍ଦ୍ଧା ଓ ନୟାଗଡ଼ ଜିଲ୍ଲାରେ ବିଜୁଳି, ଘଡ଼ଘଡ଼ି ସହ ଘଣ୍ଟାପ୍ରତି ୩୦ରୁ ୪୦ କିମି ବେଗରେ ପବନ ହେବାକୁ ଥିବାରୁ ୟେଲୋ ୱାର୍ଣ୍ଣିଂ ଜାରି ହୋଇଛି।

୧୮ ତାରିଖଠାରୁ ବାଲେଶ୍ବର, ଯାଜପୁର, କେନ୍ଦୁଝର, ମୟୂରଭଞ୍ଜରେ ପ୍ରବଳ ବର୍ଷା ହେବାକୁ ଥିବା ବେଳେ ପରବର୍ତ୍ତୀ ସମୟରେ ଉପକୂଳ ଓ ଉତ୍ତର ଓଡ଼ିଶାର ଜିଲ୍ଲାଗୁଡ଼ିକରେ ବର୍ଷା ପରିମାଣ ବୃଦ୍ଧି ପାଇବ।

୨୦ ତାରିଖ ବେଳକୁ କଳାହାଣ୍ଡି, ରାୟଗଡ଼ା, ଗଜପତି ଓ ଗଞ୍ଜାମ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଥିବାରୁ ୟେଲୋ ୱାର୍ଣ୍ଣିଂ ଦିଆଯାଇଛି।

ସମ୍ଭାବ୍ୟ ବିପର୍ଯ୍ୟୟ ମୁକାବିଲା ପାଇଁ ଜିଲ୍ଲା ପ୍ରଶାସନ ସଜାଗ ରହିବାକୁ ଏସ୍‌ଆରସିଙ୍କ ପକ୍ଷରୁ ପରାମର୍ଶ ଦିଆଯାଇଛି।"