Axar Patel: ହାରିଲା ଭାରତ; ରେକର୍ଡ କଲେ ଅକ୍ଷର ପଟେଲ, ଟି-ଟ୍ୱେଣ୍ଟିରେ ଏମିତି କରିବାରେ ପ୍ରଥମ ଭାରତୀୟ ସ୍ପିନର
ନୂଆଦିଲ୍ଲୀ,୦୫/୦୭; ଭାରତୀୟ କ୍ରିକେଟ୍ ଟିମ୍ ଷ୍ଟାର ଅଲରାଉଣ୍ଡର ଅକ୍ଷର ପଟେଲ୍ ଇଂଲଣ୍ଡ ବିପକ୍ଷ ଦ୍ୱିତୀୟ ଟି-ଟ୍ୱେଣ୍ଟିରେ ବଡ଼ ଉପଲବ୍ଧି ହାସଲ କରିଛନ୍ତି । ମାଞ୍ଚେଷ୍ଟରରେ ଖେଳାଯାଇଥିବା ଦ୍ୱିତୀୟ ଟି-ଟ୍ୱେଣ୍ଟି ମୁକାବିଲାରେ ଇଂଲଣ୍ଡ କ୍ୟାପ୍ଟେନ୍ ହ୍ୟାରୀ ବ୍ରୁକଙ୍କ ୱିକେଟ୍ ନେଇ ଟି-ଟ୍ୱେଣ୍ଟି ଇଣ୍ଟରନ୍ୟାସନାଲରେ ତାଙ୍କର ୧୦୦ତମ ୱିକେଟ୍ ହାସଲ କରିଛନ୍ତି । ଏମିତି କରିବାରେ ସେ ପ୍ରଥମ ଭାରତୀୟ ସ୍ପନର ହୋଇଛନ୍ତି । ଟିମ୍ ଇଣ୍ଡିଆର ବାପୁ ଅକ୍ଷର ପଟେଲ୍ ପୁଣି ପ୍ରମାଣିତ କରିଛନ୍ତି ଯେ, ସେ କେବଳ ବ୍ୟାଟ୍ ନୁହେଁ ବୋଲିଂରେ ବି କମାଲ କରିବାରେ ମାହିର । କ୍ୟାରୟରର ସର୍ବଶ୍ରେଷ୍ଠ ପର୍ଯ୍ୟାୟରେ ଥିବା ଅକ୍ଷର ପଟେଲ୍ ଏକ ସଫଳତା ହାସଲ କରିଛନ୍ତି ।
ଏହା ବି ପଢନ୍ତୁ...ଦ୍ବିତୀୟ ଟି-୨୦ : ଭାରତକୁ ୪ ଓ୍ବିକେଟରେ ହରାଇଲା ଇଂଲଣ୍ଡ
୪ ୱିକେଟରେ ହାରିଲା ଭାରତ- ଘରୋଇ ଇଂଲଣ୍ଡ ଓ ଭାରତ ମଧ୍ୟରେ ଅନୁଷ୍ଠିତ ଦ୍ୱିତୀୟ ଟି-ଟ୍ୱେଣ୍ଟି ମୁକାବିଲାରେ ଇଂଲଣ୍ଡ ୪ ୱିକେଟରେ ରୋମାଞ୍ଚକର ବିଜୟ ହାସଲ କରିଛି । ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ଭାରତ ୭ ୱିକେଟ୍ ବିନିମୟରେ ୧୯୦ ରନ ସଂଗ୍ରହ କରିଥିଲା । ଜବାବରେ ଇଂଲଣ୍ଡ ୧୯ ଓଭରରେ ୬ ୱିକେଟ୍ ହରାଇ ଆବଶ୍ୟକ ରନ ସଂଗ୍ରହ କରି ନେଇଥିଲା । ପୂର୍ବରୁ ପ୍ରଥମ ଦିନିକିଆ ବର୍ଷା ଯୋଗୁଁ ବାତିଲ ହୋଇ ଯାଇଥିଲା । ଟସ୍ ଜିତି ବ୍ୟାଟିଂ ନିଷ୍ପତ୍ତି ନେବା ଭାରତ ପାଇଁ ମହଙ୍ଗା ପଡ଼ିଥିଲା । ସର୍ବକନିଷ୍ଠ ଖେଳାଳି ଭାବେ ବୈଭବ ସୂର୍ଯ୍ୟବଂଶୀ ଅନ୍ତର୍ଜାତୀୟ ପଦାର୍ପଣ କରିଥିଲେ । ହେଲେ ସେ ଆଇପିଏଲ୍ ପ୍ରଦର୍ଶନକୁ ଦୋହରାଇପାରି ନଥିଲେ । ୨ଟି ଛକା ବଳରେ ୧୪ ରନ କରି ସେ ଆଉଟ୍ ହୋଇଥିଲେ । ମାତ୍ର ଅନ୍ୟ ଓପନର ଅଭିଷେକ ଶର୍ମା ଚିରାଚରିତ ବିସ୍ଫୋରକ ବ୍ୟାଟିଂ କରିଥିଲେ । ସେ ୨୪ଟି ବଲ୍ରେ ୮ ଚୌକା ଓ ୧ ଛକା ବଳରେ ୪୩ ରନ କରି ପାଭିଲିୟନ ହୋଇଥିଲେ । ଏହାପରେ ଇଶାନ କିଷନ ଓ ଶ୍ରେୟାସ ଆୟରଙ୍କ ମଧ୍ୟରେ ୬୫ ରନ୍ର ଭାଗିଦାରୀ ଗଠନ ହୋଇଥିଲା ।
