Attack: ବଲୁଚିସ୍ତାନରେ ବନ୍ଧ ପ୍ରକଳ୍ପ ନିକଟରେ ଆକ୍ରମଣ; ୯ ପୁଲିସ କର୍ମଚାରୀ ନିହତ

"କ୍ବେଟା: ପାକିସ୍ତାନର ଅଶାନ୍ତ ବଲୁଚିସ୍ତାନ ପ୍ରଦେଶରେ ଏକ ବନ୍ଧ ପ୍ରକଳ୍ପ ନିକଟରେ ସଶସ୍ତ୍ର ବନ୍ଧୁକଧାରୀଙ୍କ ଆକ୍ରମଣରେ ୯ ଜଣ ପୁଲିସ କର୍ମଚାରୀଙ୍କ ମୃତ୍ୟୁ ଘଟିଛି।

ଏହି ଆକ୍ରମଣ ପରେ ସୁରକ୍ଷା ବାହିନୀ ସମଗ୍ର ଅଞ୍ଚଳକୁ ଘେରାବନ୍ଦୀ କରି ବ୍ୟାପକ ତଲାସି ଅଭିଯାନ ଆରମ୍ଭ କରିଛି।

ଘଟଣା ପଛରେ ବିଚ୍ଛିନ୍ନତାବାଦୀ ସଶସ୍ତ୍ର ସଂଗଠନର ହାତ ଥିବା ସନ୍ଦେହ କରାଯାଉଥିଲେ ମଧ୍ୟ କୌଣସି ଗୋଷ୍ଠୀ ତୁରନ୍ତ ଏହାର ଦାୟିତ୍ୱ ନେଇନାହାନ୍ତି।Advertisment ପୁଲିସ ସୂଚନା ଅନୁସାରେ, ବଲୁଚିସ୍ତାନର ଏକ ବନ୍ଧ ନିର୍ମାଣ ପ୍ରକଳ୍ପ ନିକଟରେ ସୁରକ୍ଷା ଦାୟିତ୍ୱରେ ଥିବା ପୁଲିସ ଦଳ ଉପରେ ଅଜଣା ବନ୍ଧୁକଧାରୀମାନେ ଅତର୍କିତ ଗୁଳିଚାଳନା କରିଥିଲେ।

ଆକ୍ରମଣ ଏତେ ତୀବ୍ର ଥିଲା ଯେ ଘଟଣାସ୍ଥଳରେ ୯ ଜଣ ପୁଲିସ କର୍ମଚାରୀଙ୍କ ପ୍ରାଣହାନି ଘଟିଥିଲା।

ଆକ୍ରମଣ ପରେ ଦୁର୍ବୃତ୍ତମାନେ ପାହାଡ଼ିଆ ଅଞ୍ଚଳ ଦେଇ ଫେରାର ହୋଇଯାଇଥିଲେ।

ଘଟଣା ପରେ ସେନା, ଅର୍ଦ୍ଧସାମରିକ ବାହିନୀ ଓ ପୁଲିସର ମିଳିତ ଦଳ ଅଞ୍ଚଳରେ ତଲାସି ଅଭିଯାନ ଚଳାଇଛନ୍ତି।

Pakistan police attack: ବଲୁଚିସ୍ତାନରେ ପୁଲିସ ପୋଷ୍ଟ ଉପରେ ଆତଙ୍କବାଦୀ ଆକ୍ରମଣ: ଦୁଇ ବରିଷ୍ଠ ଅଧିକାରୀଙ୍କ ସମେତ ୯ ନିହତ, ୫ ନିଖୋଜ ଆକ୍ରମଣକାରୀମାନଙ୍କୁ ଧରିବା ପାଇଁ ଯାତାୟାତ ପଥରେ କଡ଼ା ନଜରଦାରି ସହ ବିଭିନ୍ନ ସ୍ଥାନରେ ସୁରକ୍ଷା ବଢ଼ାଯାଇଛି।

ଆହତଙ୍କ ସମ୍ପର୍କରେ ସରକାରଙ୍କ ପକ୍ଷରୁ ସ୍ପଷ୍ଟ ସୂଚନା ଦିଆଯାଇ ନ ଥିବାବେଳେ ତଦନ୍ତ ଜାରି ରହିଛି।

ପାକିସ୍ତାନର ପ୍ରଧାନମନ୍ତ୍ରୀ ଶେହବାଜ୍‌ ଶରିଫ୍‌ ଏହି ଆକ୍ରମଣକୁ ତୀବ୍ର ନିନ୍ଦା କରିଛନ୍ତି।

ସେ ନିହତ ପୁଲିସ କର୍ମଚାରୀଙ୍କ ପରିବାର ପ୍ରତି ସମବେଦନା ଜଣାଇବା ସହ ଦୋଷୀମାନଙ୍କୁ ଆଇନ ଅନୁସାରେ କଠୋର ଦଣ୍ଡ ଦିଆଯିବ ବୋଲି କହିଛନ୍ତି।

"