Asaram Bapu: ନାବାଳିକା ଦୁଷ୍କର୍ମ ମାମଲାରେ ଆଶାରାମଙ୍କୁ ସୁପ୍ରିମକୋର୍ଟରେ ବଡ଼ ଝଟକା

"ନୂଆଦିଲ୍ଲୀ: ନାବାଳିକା ଦୁଷ୍କର୍ମ ମାମଲାରେ ସୁପ୍ରିମକୋର୍ଟ ଆଶାରାମଙ୍କୁ ଏକ ବଡ଼ ଝଟକା ଦେଇଛି।

କୋର୍ଟ ରାୟ ଦେଇଛନ୍ତି ଯେ, ଆଶାରାମଙ୍କୁ ତୁରନ୍ତ ଜାମିନ ଦିଆଯାଇପାରିବ ନାହିଁ।

ଆଶାରାମ ଜଣେ ପ୍ରଭାବଶାଳୀ ବ୍ୟକ୍ତି।

ଆମେ ପ୍ରଥମେ ରାଜସ୍ଥାନ ସରକାରଙ୍କ ପକ୍ଷ ଶୁଣିବୁ।

ତାଙ୍କ ଜାମିନ ଆବେଦନର ଶୁଣାଣି କରିବା ସମୟରେ ଆମକୁ ଏହାକୁ ବିଚାରକୁ ନେବାକୁ ପଡିବ।

ଏନେଇ ସୁପ୍ରିମକୋର୍ଟ ରାଜସ୍ଥାନ ସରକାରଙ୍କୁ ନୋଟିସ୍ ଜାରି କରିଛନ୍ତି।

ଆଶାରାମଙ୍କ ଆବେଦନର ଶୁଣାଣି କରି ସୁପ୍ରିମକୋର୍ଟର ବିଚାରପତି ଏମ୍ଏମ୍ ସୁନ୍ଦରେଶ ଏବଂ ଶୀଳ ନାଗୁଙ୍କ ଖଣ୍ଡପୀଠ ତାଙ୍କ ଦଣ୍ଡାଦେଶକୁ ସ୍ଥଗିତ ରଖିବାକୁ ମନା କରିଦେଇଛନ୍ତି।

ଆବେଦନକାରୀଙ୍କୁ ଜେଲ୍‌ରେ ଚିକିତ୍ସା ସେବା ଜାରି ରଖିବାକୁ ଖଣ୍ଡପୀଠ ନିର୍ଦ୍ଦେଶ ଦେଇଛନ୍ତି।

କୋର୍ଟକହିଛନ୍ତି ଯେ, ଯଦି ତାଙ୍କର ସ୍ୱାସ୍ଥ୍ୟଗତ ସ୍ଥିତି ଗମ୍ଭୀର ହେବ ତେବେ ହିଁ ଜାମିନ ଉପରେ ବିଚାର କରାଯିବ।

ଜଷ୍ଟିସ୍ ସୁନ୍ଦରେଶ କହିଛନ୍ତି, ଆମେ ଦଣ୍ଡାଦେଶକୁ ସ୍ଥଗିତ ରଖିବା ବିଷୟରେ ବିଚାର କରୁନାହୁଁ।

ଯଦି ଜୀବନ ପ୍ରତି ବିପଦ ଭଳି କୌଣସି ଗୁରୁତର ଜରୁରୀକାଳୀନ ପରିସ୍ଥିତି ସୃଷ୍ଟି ହୁଏ ତେବେ ହିଁ ଆମେ ଏହା ଉପରେ ବିଚାର କରିବୁ।

ସେ ରାଜ୍ୟକୁ ଏହାର ସମାଧାନ କରିବାକୁ ଅନୁରୋଧ କରିଛନ୍ତି।

ରାଜ୍ୟର ଆଇନଜୀବୀ ଖଣ୍ଡପୀଠକୁ ଜଣାଇଥିଲେ ଯେ, ଆଶାରାମଙ୍କୁ ଜୁନ୍ ୨ ତାରିଖରେ ହସ୍ପିଟାଲକୁ ନିଆଯାଇଥିଲା ଏବଂ ତାଙ୍କର ସ୍ୱାସ୍ଥ୍ୟ ସମ୍ପୂର୍ଣ୍ଣ ଭଲ ଅଛି।Advertisment ଆଶାରାମଙ୍କୁ ତୁରନ୍ତ ଜାମିନ ଦିଆଯାଇପାରିବ ନାହିଁ ଆଶାରାମଙ୍କ ପ୍ରତିନିଧିତ୍ୱ କରୁଥିବା ଆଇନଜୀବୀ ଦାମା ଶେଷାଦ୍ରି ନାଇଡୁ କହିଛନ୍ତି, ତାଙ୍କର ବୟସ ୮୦ ବର୍ଷରୁ ଅଧିକ ଏବଂ ସେ ଅନେକ ରୋଗରେ ପୀଡିତ ଅଛନ୍ତି।ସୂଚନାଯୋଗ୍ୟ,୨୦୧୩ ମସିହାରେ ଜଣେ ନାବାଳିକାଙ୍କୁ ଦୁଷ୍କର୍ମ କରିବା ଅଭିଯୋଗରେ ରାଜସ୍ଥାନ ହାଇକୋର୍ଟ ଆଶାରାମଙ୍କୁ ଦୋଷୀ ସାବ୍ୟସ୍ତ କରି ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା।

ପରେ ଆଶାରାମଙ୍କ ପକ୍ଷରୁ ହାଇକୋର୍ଟଙ୍କ ରାୟକୁ ଶୀର୍ଷକୋର୍ଟରେ ଚ୍ୟାଲେଞ୍ଜ କରାଯାଇଛି।

ତାଙ୍କର ଅସୁସ୍ଥତାକୁ କାରଣ ଭାବେ ଦର୍ଶାଇ ଆଶାରାମ ଅନ୍ତରୀଣ ଜାମିନ ପାଇଁ ଆବେଦନ କରିଛନ୍ତି।ଚଳିତ ବର୍ଷ ମେ" ମାସରେ ଦିଆଯାଇଥିବା ରାୟରେ, ରାଜସ୍ଥାନ ହାଇକୋର୍ଟ ଆଶାରାମଙ୍କୁ ଗଣଦୁଷ୍କର୍ମ ଏବଂ ପୋକ୍ସୋ ଆଇନର କିଛି ଧାରାରୁ ମୁକ୍ତ କରିଥିଲେ।

କିନ୍ତୁ ଦୁଷ୍କର୍ମ ମାମଲାରେ ପ୍ରମାଣ ଦର୍ଶାଇ ନିମ୍ନ ଅଦାଲତ ଦ୍ୱାରା ତାଙ୍କୁ ଦିଆଯାଇଥିବା ଆଜୀବନ କାରାଦଣ୍ଡାଦେଶକୁ କାଏମ୍ ରଖିଥିଲେ। https://sambad.in/india-and-beyond/europe-heatwave-shatters-records-rising-death-toll-melting-tram-tracks-trigger-crisis-12119816 "