Anushka Sharma: ମାନସିକ ସ୍ୱାସ୍ଥ୍ୟ ଓ ଚିନ୍ତାଗ୍ରସ୍ତତା ନେଇ କ’ଣ କହିଛନ୍ତି ଅନୁଷ୍କା ଶର୍ମା?

ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ଅବସରରେ, ଭାବନାତ୍ମକ ସୁସ୍ଥତା, ଆତ୍ମ-ସଚେତନତା ଓ ମାନସିକ ସମସ୍ୟା ପାଇଁ ପରାମର୍ଶ ନେବା କେତେ ଜରୁରୀ, ତାହା ପୁଣିଥରେ ପ୍ରମାଣିତ ହୋଇଛି। ବଲିଉଡର ଅଭିନେତ୍ରୀ ଅନୁଷ୍କା ଶର୍ମା ମାନସିକ ସ୍ୱାସ୍ଥ୍ୟ, ଚିନ୍ତାଗ୍ରସ୍ତତା ଓ ମାତୃତ୍ୱର ଚାପ ସମ୍ପର୍କରେ ସର୍ବସାଧାରଣରେ ଅନେକଥର ନିଜର ମତ ରଖିଛନ୍ତି।

ଅଧିକ ପଢ଼ନ୍ତୁ: ବ୍ରାହ୍ମଣୀରେ ଗାଧୋଇବା ବେଳେ ୧୨ ବର୍ଷୀୟ ନାବାଳକ ନିଖୋଜ, ଖୋଜାଖୋଜି ଜାରି

ପ୍ରତିକ୍ରିୟା ଦେବା ପରିବର୍ତ୍ତେ ପରିସ୍ଥିତିକୁ ବୁଝିବା ଶିଖନ୍ତୁ ୨୦୨୫ ମସିହା ଅକ୍ଟୋବର ମାସରେ ସ୍ୱାମୀ ବିରାଟ କୋହଲିଙ୍କ ସହ ଏକ ଆଲୋଚନା ସମୟରେ ଅନୁଷ୍କା କହିଥିଲେ ଯେ କଠିନ ପରିସ୍ଥିତିରେ ନିଜର ପ୍ରତିକ୍ରିୟା ଦେବାର ଶୈଳୀ ବଦଳାଇବା ଦ୍ୱାରା ତାଙ୍କ ଜୀବନର ଗୁଣବତ୍ତା ବହୁତ ସୁଧୁରିଛି। ସେ କହିଥିଲେ, "କିଛି ବର୍ଷ ପୂର୍ବେ ମୁଁ ପରିସ୍ଥିତିରେ ବହୁତ ଶୀଘ୍ର ପ୍ରତିକ୍ରିୟା ଦେଉଥିଲି। ବର୍ତ୍ତମାନ ମୁଁ ପ୍ରତିକ୍ରିୟା ଦେବା ପରିବର୍ତ୍ତେ ପରିସ୍ଥିତିକୁ ବୁଝିବାକୁ ଶିଖୁଛି।" ଏହା ତାଙ୍କ ଜୀବନରେ ବଡ଼ ପରିବର୍ତ୍ତନ ଆଣିଛି।

'ମୋର ଅନଜାଇଟି ଅଛି ଏବଂ ମୁଁ ଏହାର ଚିକିତ୍ସା କରୁଛି'

୨୦୧୫ ମସିହା ଜାନୁଆରୀ ମାସରେ ଏକ ସାକ୍ଷାତକାରରେ ଅନୁଷ୍କା ପ୍ରଥମଥର ପାଇଁ ନିଜର ଚିନ୍ତାଗ୍ରସ୍ତତା ଓ ଏଥିପାଇଁ ଚାଲିଥିବା ଔଷଧ ସେବନ ବିଷୟରେ ଖୋଲାଖୋଲି କହିଥିଲେ। ସେ କହିଥିଲେ, "ମୋର ଅନଜାଇଟି ଅଛି। ଏବଂ ମୁଁ ମୋର ଅନଜାଇଟିର ଚିକିତ୍ସା କରୁଛି। ମୁଁ ଏଥିପାଇଁ ଔଷଧ ଖାଉଛି। ସେ ଏହା ମଧ୍ୟ ପ୍ରକାଶ କରିଥିଲେ ଯେ ଏହା ଏକ ସମ୍ପୂର୍ଣ୍ଣ ସ୍ୱାଭାବିକ ଏବଂ ଜୈବିକ ସମସ୍ୟା। ତାଙ୍କ ପରିବାରରେ ମଧ୍ୟ ପୂର୍ବରୁ ଡିପ୍ରେସନର କିଛି ମାମଲା ରହିଛି, ତେଣୁ ଏହି ବିଷୟରେ ଅଧିକରୁ ଅଧିକ ଲୋକେ କଥା ହେବା ଉଚିତ୍।

ମାନସିକ ସ୍ୱାସ୍ଥ୍ୟକୁ ନେଇ ଥିବା ଭୟ ଓ ସଂକୋଚ ଦୂର କରିବା

ଶାରୀରିକ ସ୍ୱାସ୍ଥ୍ୟ ପରି ମାନସିକ ସ୍ୱାସ୍ଥ୍ୟକୁ ମଧ୍ୟ ସମାନ ଗୁରୁତ୍ୱ ଦେବା ଆବଶ୍ୟକ ବୋଲି ଅନୁଷ୍କା ମତ ଦେଇଛନ୍ତି। ପେଟରେ କ୍ରମାଗତ ଯନ୍ତ୍ରଣା ହେଲେ ଯେପରି ଡାକ୍ତରଙ୍କ ପାଖକୁ ଯିବା, ମାନସିକ ସମସ୍ୟା ପାଇଁ ସେହିପରି ସାହାଯ୍ୟ ନେବା ଉଚିତ। ସେ ସମାଜରୁ ଏହି ବିଷୟରେ ଥିବା ସଂକୋଚ ଏବଂ ଲଜ୍ଜାକୁ ସମ୍ପୂର୍ଣ୍ଣ ଭାବେ ଦୂର କରିବାକୁ ନିଜର ମିଶନ କରିବେ ବୋଲି ପ୍ରକାଶ କରିଥିଲେ। ଲୋକମାନେ କେବଳ ଭୁଲ୍ ଧାରଣା କିମ୍ବା ବିଚାରକୁ ଭୟ କରି ସାହାଯ୍ୟ ନେବାରୁ ଦୂରେଇ ରୁହନ୍ତି, ଯାହାକୁ ବଦଳାଇବା ନିହାତି ଜରୁରୀ।

ଅଧିକ ପଢ଼ନ୍ତୁ: ଭାରତ ପାକିସ୍ତାନର ପରମାଣୁ ବ୍ଲାକମେଲିଂକୁ ଭୟ କରେନା: ଜାତିସଂଘରେ ଭାରତୀୟ ରାଷ୍ଟ୍ରଦୂତଙ୍କ ସ୍ପଷ୍ଟ ଆଭିମୁଖ୍ୟ