୧୧ ଦଫା ଦାବି ନେଇ ୨୫ରେ ଭୁବନେଶ୍ୱର ଚାଲ, ବିଧାନସଭା ଘେରିବ AISF- AIYF

Sep 20, 2026 - 22:17

୧୧ ଦଫା ଦାବି ନେଇ ୨୫ରେ ଭୁବନେଶ୍ୱର ଚାଲ, ବିଧାନସଭା ଘେରିବ AISF- AIYF

ନନ୍ଦିଘୋଷ ବ୍ୟୁରୋ : ଦିଲ୍ଲୀ ଜନ୍ତରମନ୍ତର ଓ ଝାଡ଼ଖଣ୍ଡରେ ଯୁବ ଆନ୍ଦୋଳନ ପରେ ଏବେ ଓଡ଼ିଶାରେ ବିଶାଳ ଛାତ୍ର-ଯୁବ ଆନ୍ଦୋଳନ ପାଇଁ ପ୍ରସ୍ତୁତି। ଆସନ୍ତା ୨୫ ତାରିଖରେ ଭୁବନେଶ୍ୱରରେ ବିଶାଳ ରାଲି କରି ବିଧାନସଭା ଘେରାଉ କରିବାକୁ ଘୋଷଣା କରିଛି ଅଲ୍ ଇଣ୍ଡିଆ ଷ୍ଟୁଡେଣ୍ଟସ ଫେଡେରେସନ୍ (AISF) ଓ ଅଲ୍ ଇଣ୍ଡିଆ ଯୁବ ଫେଡେରେସନ୍ (AIYF)। ‘ଯୁବ ଛାତ୍ର ଅଧିକାର ପାଇଁ ଭୁବନେଶ୍ୱର ଚାଲ’ ଅଭିଯାନ ଅଧୀନରେ ହେବାକୁ ଥିବା ଏହି ରାଲିରେ ହଜାର ହଜାର ଯୁବକ-ଯୁବତୀ ଓ ଛାତ୍ରଛାତ୍ରୀ ସାମିଲ ହେବେ ବୋଲି କହିଛନ୍ତି AISF ରାଜ୍ୟ ସଭାପତି ସଂଘମିତ୍ରା ଜେନା।

୧୧ ଦଫା ଦାବି ନେଇ ଏହି ଆନ୍ଦୋଳନ ହେବ। ତ୍ରୁଟିପୂର୍ଣ୍ଣ ପାଠ୍ୟପୁସ୍ତକ ପ୍ରତ୍ୟାହାର କରି ନୂଆ ପୁସ୍ତକ ଯୋଗାଣ, ସମସ୍ତଙ୍କ ପାଇଁ ମାଗଣା ଶିକ୍ଷା, ଛାତ୍ର ସଂସଦ ନିର୍ବାଚନର ତାରିଖ ଘୋଷଣା, NEP 2020 ପ୍ରତ୍ୟାହାର, NTA ରଦ୍ଦ ଓ NEET ଉଚ୍ଛେଦ, ଉନ୍ନତ ହଷ୍ଟେଲ ସୁବିଧା ସହ ଛାତ୍ରଛାତ୍ରୀଙ୍କ ପାଇଁ ମାଗଣା ବସ୍ ସେବା ଆଦି ଦାବି ରହିଛି। ଦାବିଗୁଡ଼ିକ ଉପରେ ସରକାର ଶୀଘ୍ର ବିଚାର ନକଲେ ଆନ୍ଦୋଳନକୁ ଆହୁରି ତୀବ୍ର କରାଯିବ ବୋଲି AISF ପକ୍ଷରୁ କୁହାଯାଇଛି। ସରକାର, ବିଧାୟକ ଓ ମନ୍ତ୍ରୀଙ୍କୁ ସିଧାସଳଖ ପ୍ରଶ୍ନ କରାଯିବ ବୋଲି ମଧ୍ୟ ସଂଗଠନ ପକ୍ଷରୁ ଚେତାବନୀ ଦିଆଯାଇଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।