ସ୍ଵାସ୍ଥ୍ୟସେବା କ୍ଷେତ୍ରରେ ଯୋଡ଼ି ହେଲା ନୂଆ ଅଧ୍ୟାୟ… ୫୪୦ ଗ୍ରାମର ଅପରିପକ୍ଵ ଶିଶୁକୁ ମିଳିଲା ନୂଆ ଜୀବନ

Sep 15, 2026 - 17:47

ସ୍ଵାସ୍ଥ୍ୟସେବା କ୍ଷେତ୍ରରେ ଯୋଡ଼ି ହେଲା ନୂଆ ଅଧ୍ୟାୟ… ୫୪୦ ଗ୍ରାମର ଅପରିପକ୍ଵ ଶିଶୁକୁ ମିଳିଲା ନୂଆ ଜୀବନ

ନନ୍ଦିଘୋଷ ବ୍ୟୁରୋ : ୫୪୦ ଗ୍ରାମର ଅପରିପକ୍ଵ ଶିଶୁକୁ ମିଳିଲା ନୂଆ ଜୀବନ । ୭୮ ଦିନର ଚିକିତ୍ସା ପରେ ସୁସ୍ଥ ନବଜାତକ । ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ମିଳିଛି ବଡ଼ ସଫଳତା । ପାପଡ଼ାହାଣ୍ଡି ବ୍ଲକ ଡାଲଛାପର ଗାଁର ତୁଳାବତୀ ୭ ମାସରେ ୫୪୦ ଗ୍ରାମର ଶିଶୁ କନ୍ୟାକୁ ଜନ୍ନ ଦେଇଥିଲେ । ପରେ ଶିଶୁକୁ ନବରଙ୍ଗପୁର SNCUରେ ଭର୍ତ୍ତି କରାଯାଇଥିଲା । ଏତେ କମ୍ ଓଜନର ଅପରିପକ୍ୱ ଶିଶୁକୁ ବଞ୍ଚାଇବା ଡାକ୍ତର ଓ ମେଡିକାଲ ଟିମ୍ ପାଇଁ ବଡ଼ ଚ୍ୟାଲେଞ୍ଜ ପାଲଟିଥିଲା । ହେଲେ ଡାକ୍ତର ହାର ମାନିନଥିଲେ । SNCUରେ ୭୮ ଦିନର ନିରନ୍ତର ଚିକିତ୍ସା ପରେ ଶିଶୁର ବଢୁଛି ଓଜନ । …

ଶିଶୁଟିର ଏବେ ବି SNCU ବିଭାଗରେ ଚିକିତ୍ସା ଚାଲିଛି । ଶିଶୁ ବିଶେଷଜ୍ଞ ଡକ୍ଟର ରଜନୀକାନ୍ତଙ୍କ ନିରନ୍ତର ନଜର ଓ ମେଡିକାଲ ଟିମର ଯତ୍ନରେ ଶିଶୁଟି ସୁସ୍ଥ ଅଛି । ସଫଳତା ପାଇଁ ରାଜ୍ୟ ସ୍ଵାସ୍ଥ୍ୟ ବିଭାଗ ମଧ୍ୟ ନବରଙ୍ଗପୁର ମେଡିକାଲର ଉଦ୍ୟମକୁ ପ୍ରଶଂସା କରିଛି ।…

ମାତ୍ର ୫୪୦ ଗ୍ରାମ ଓଜନରୁ ଆରମ୍ଭ ହୋଇଥିଲା ଜୀବନର ଯାତ୍ରା । ୭୮ ଦିନର ଚିକିତ୍ସା ଓ ଯତ୍ନ ପରେ ଓଜନ ୧ କିଲୋ ୬୦୦ ଗ୍ରାମ ହୋଇଛି । ଏହି ସଫଳତା ନବରଙ୍ଗପୁର ସ୍ୱାସ୍ଥ୍ୟସେବାରେ ଯୋଡ଼ିଛି ଏକ ନୂଆ ଅଧ୍ୟାୟ ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।