ନବରାତ୍ରୀର ଚତୁର୍ଥ ଦିନ: ଆଜି ମାଆଙ୍କ ‘ନାଲିକଲି ବେଶ’

Oct 14, 2026 - 12:10

ନବରାତ୍ରୀର ଚତୁର୍ଥ ଦିନ: ଆଜି ମାଆଙ୍କ ‘ନାଲିକଲି ବେଶ’

ନନ୍ଦିଘୋଷ ବ୍ୟୁରୋ: ନବରାତ୍ରୀ ପାଇଁ ଚଳଚଞ୍ଚଳ ଶକ୍ତିପୀଠ। ଆଜି ନବରାତ୍ରୀର ଚତୁର୍ଥ ଦିନ। ଘଣ୍ଟ, ଘଣ୍ଟା, ମୃଦଙ୍ଗ ସହ ଭକ୍ତଙ୍କ ଭିଡ଼ରେ ପ୍ରକମ୍ପିତ ମାଆ ମଙ୍ଗଳାଙ୍କ ପୀଠ। ମଙ୍ଗଳବାର ବିଳମ୍ବିତ ରାତ୍ରିରେ ଅନୁଷ୍ଠିତ ହୋଇଥିଲା ମା’ଙ୍କ ନାଲିକଲି ବେଶ।

କାକଟପୁର ପ୍ରାଚୀ ତଟବାସିନୀ ମାଆ ମଙ୍ଗଳାଙ୍କ ପୀଠ ଏବେ ଶାରଦୀୟ ଉତ୍ସବରେ ଚଳଚଞ୍ଚଳ। ନବରାତ୍ରୀର ତୃତୀୟ ଦିନ ବିଳମ୍ବିତ ରାତ୍ରରେ ନାଲିକଲି ବେଶରେ ଭକ୍ତଙ୍କୁ ଦର୍ଶନ ଦେଇଥିଲେ ମାଆ । ଏହି ବେଶ ସମୟରେ ମା’ଙ୍କ ଚଳନ୍ତି ପ୍ରତିମାକୁ ସୁସଜ୍ଜିତ ବିମାନରେ ମହିଷାସୂରକୁ ସନ୍ଧାନ ପାଇଁ ରତ୍ନଗିରିକୁ ନିଆଯାଏ। ପରେ ମନ୍ଦିର ଭିତରେ ଥିବା ଦୁର୍ଗା ପ୍ରତିମାକୁ ରତ୍ନବେଦୀରୁ ବାହାରକୁ ଆଣି ଖଟୁଲିରେ ଏକତ୍ର ପୂଜା କରାଯାଏ, ଯାହାକୁ ‘ଜଗତି ପୂଜା’ କୁହାଯାଏ। ଜଗତି ପୂଜା ପରେ ଚଳନ୍ତି ପ୍ରତିମାକୁ ପୁନଃ ରତ୍ନ ସିଂହାସନରେ ସ୍ଥାପନ କରାଯାଇ ବେଶ ଲାଗି ହୁଏ। ଦେବୀ ପକ୍ଷର ନଅ ଦିନ ମାଆ ନଅ ରୂପରେ ପୂଜା ପାଆନ୍ତି, ଯାହା ‘ନବଦୁର୍ଗା’ ନାମରେ ପ୍ରସିଦ୍ଧ। ଆଜି ବିଳମ୍ବିତ ରାତ୍ରରେ ମା’ କଳାକଲି ବେଶରେ ଦର୍ଶନ ଦେବେ। ଭକ୍ତମାନେ ପରିବାରର ମଙ୍ଗଳ ପାଇଁ ଏହି ବ୍ରତ ରଖିଥାଆନ୍ତି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।